1PETERU 1:18 - Lacid Common Language Bible

¹⁸ Nanu" gi nya: phoug" nya: phyid" yi apyaid' mo wigi cang gyo" lo da" akyu' abo da" asam" aved mo byo, yoin" loo" se' nyid da" ngei sheing: yo' nanu" ri yo" qei khyoid yu to" zi anghoid.

1PETERU 1:18 교차 참조

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

ESAIA 52:3

Gyi: sheung: thang Aseing gi nya: byu yiri «Nanu" join bue" lo" boem uri nanu" shid re" ngei abyid: nghoid ago". Houg: yo' dakhyoo" ti" nanu" ri lhoid pyoin' kaid wa shid re" we' abyid: ca" wa.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 4:11

Yerusalem mo byu yiri dain pyoid yoomo lid loung gi nyangnu" jhang hau' lo nyid da ga: tid shed da" ayo, ju" loo wa. Hau: zigi phei" ri za: moid hau' pyam da" lid zoo" gi yen yoo" za: moid wa zi anghoid wa.

YEREMIA 44:17

Ngoonu" koid wa ein: tid to" da" ja: khang" moo" ri ngoonu" koid wa. Ngoonu" yo' ngoonu" phoug" phyid" yi ngoonu" khokham yi yo' vhujhung: yi Yuda voomoo" joem moo yo' Yerusalem fu" moo" khyoo: moo ngoonu" lhung koid lo ziyo' dayhang: ti"- ngoonu" da" yu phara" myhi' joem mougkhung: moo khokham myhi' joem ri ngoonu" xoin" ngei" byid: wigi nyang: ri zabyid yhid: foid shoin" byid: wa. Houg: lang" ngoonu" gi zoo: noem agoin agoo" yo" wigi nyid de lho: yau: khi" ashau" wa.

YEREMIA 9:14

Hau: gungthid nyangnu" gi nheigloem: thain: wigi nyangnu" da" phoug" phyid" yi wigi jhau" byid: too" kho' ziyo' dayhang: ti" Bala soolhoo: joem ri no' ago".

EZEKIEL 20:18

Hau: gungthid ngoo gi nyangnu" phung: mo zoolu: zooyam yiri tid poin" bye:. Nanu" da" phoug" phyid" yi koid to" da" tarha" joem ri aci: goo". Nyangnu" da" thung" ri: joem ri acang goo". Nyangnu" da" yu phara" joem wigi nanu" nya: gung ri anyhoin: athung" abui" nhang: pyam goo".

AMO 2:4

Aseing gi «Yuda byumyu" yi gi pug lho: pug lho: yooboo ri dakoid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi ngoo jhoug" mho' nyid khyoo: ri aphoug" akhyoid koid pyam boem lho: ngoo pyeing: to" amyeing" dang: we' acang nghoid ago". Nyangnu" da" phoug" phyid" yi dei byid: lo da" yu join: yu phara" yigi nyangnu" ri khyoo: vhang: shu" vhang: loo" khari" bye:.

MARKU 8:37

byu yi gi nyang: nya: kangso' ri ce: ja: wigi thed, lho: doem yo" khyoid yu wa lha".

Roma 1:21

Nyanu" gi Mangsoo: ri se' boem nghoid loug we' - Mangsoo: da" phung" yoeb yo" jeju" coung" nghei moin: loug we' - acoung" anghei' byid: boem nghoid ago". Coung" nghei wa gung thid' - akyu" abo da" moo" ri za: myid soin: yu" nyid ago". Nyanu" da" asi ayeig da nheigloem: ung: khoug: moo- moug: coid' wigi nghoeb' to"

1Korinthians 3:20

Hau: lho: gootu: da" jhoem: mungdang: moo: we' phajhi" boo bang: myid da" khyoo: gi ce" aphoug" adab, da" khyoo: ri- Hau Aseing gi se' nyid ga: wigi: lhid" to".

1Korinthians 6:20

Hau: Aseing gi nanu" ri aphoug" phyed' lho: qei yu too" mo, nghoid- Hougsu" nghoid yoomo- nanu" da" gung doem: yo' Mangso da" myonhoo: phung" yoeb, ri thu ri" nhang: wa shid re" ci: yhoung: nyid ge'.

1Korinthians 7:23

Nanu" ri Mangsoo gi aphoug" phyed' lho: qei, yu too" mo, nghoid bye: yoomo- byu yi da join akoid nyid loo: goo.

GALATI 1:4

He: da" pyaid mo akhyeing" ashoeb khyoo: mo ngoonu" ri yo" khyoid yu baja"- ngoonu" da" Phoo Mangsoo myid vho: ziyo' dakhyoo" tam" gyo: zoore"- ngoonu" da" youg: noo yoobo shid mo Khristu gi nya: gung du: nyan: ab, byid: pyam' bye.

Ephesu 4:17

Ce" phoug" adab da" nheig byu khyoo: yo" da" tungbau byu yi yhang" ti"- kangso' adei nyid wa shid re" Aseing: da" myeing khyang" yo' ngoo nanu" ri zed" lhid' nhang: nyid bye.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 9:12

Khristu gi gyeungshang: da" joyoo khoug: khyoo: - pyaid mo too: mo shid re" dalheing: dam- bain' sho' vang lo" da" uri xoin" ngei" byid: wa shid' re" shoobaid' suid"- nujung lo: suid" ri aci: vang loo" loo: za: Nya: da" suid" yo' vang lo" wigi ngoonu" shid re" apyaid' atoo: mo khyoid yu khyoo: ri yo" yu nhang: bye.

1PETERU 1:7

Hougsu" jham" ca, yu" da" gunglau" shau" khyoo: gi Mangsoo ri nanu" loem" jeung" khyoo: gyeung" ziri toin" shid khyoo: nghoid. byug thang loo" se' da" ngei sheing: ri lang" myi: yo' jham" ca, yu" zi shau" nyid Houg: yo' dakhyoo" ti"- sheing: tho' moo je phau" da" nanu" da" loem" jeung nheigloem: ri we' gyeungshang: lho: geung: teing wa shid re" myi: moo kyeung zi shau" nyid Hougsu" nghoid lang" nanu" gi Aseing Yesu doem gyoo" lo da" bidnyid moo myonhoo: bug thu' sheing" jhu" ziyo' coung" nghei zi shau" kham: yu boem wa zi nghoid.

1PETERU 4:3

Mangsoo vho: da" khyoo: moo cang loo" ge'. Lai loo bye: da" ayo, moo tungbau byumyu" yi lang" koid nau da" moo"- nanu" koid lo zigi soung myang" bye- tarha" ri anau, cang khyo" - youg: shoo: go" khyo" yhid: shug shoo" zo: khyo" pyo: da" khyoo: moo cang lho: zoo: pui" shug pui" koid ziyo' aco' ajhoid da' soolhoo: no" khyoo: ri bo vang zei: khyo" kangso' dei lid lo boem bye.

1YOHAN 3:5

Khristu gi xang: su: byu yi da" yooboo ri ced" shang: pyam' byid: wa shid re" thu' myhang re" da" khyoo: ri nanu" se' nyid gu nghoid- nyang: moo gi ce" yooboo daja: we' aboo.