1PETERU 1:10 - Lacid Common Language Bible

¹⁰ Lapi: yi gi hau: khyoid yu khyoo: yo' sen: lho: wigi voin: tang: cang phoid: sho: lo" boem bye- nanu" gi Mangsoo nanu' ri byid: wa ga: da" he: da" jhung: shug khyoo: ri Lapi: pe: kyo" boem bye.

1PETERU 1:10 교차 참조

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

DANG: ZHOEM 2:4

Ngei, yo' yhoem" to" da" jonu" ziyoo: joem ri:-nang yoem: kaid cang sho: yen" ziyo' dakhyoo" ti" phajhi" ri we' hougsu" cang sho: yu we'.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

DANIELA 9:3

Houg: lho: ngoo gi zoo: noem jang"- jid: moo" byimi void pyam lho: myiyab boem" moo zhung: jo zoo" re Aseing Mangso jhang nheigloem: nyhoem: khyo' lho: myid boo tung" akyu" mho' nyid.

HAGI 2:7

Byumyu" yi dangain" ri tu: mhug khyo' pyam lho: nyangnu" da" jonu" dangain" gi hid: moo ci: ju" lo boem wigi Noku Yhoem: Moo" moo byeung" shoin: loo" wa zi nghoid nyid.

ZEKHARIA 6:12

Hau: lho: hidsu" ein: tid ge' ‹Yoem: moo" bo da" Aseing gi hidsu" ga: tid nyid. He yug gi akung: ako' ga: myheing too" su: nghoid. Hau: yug gi nya: joyoo moo gyi: myhang: lo lho: Aseing da" yhoem: moo" ri doem nyheing zhug wa zi nghoid.

MATHE 13:17

Nanu" ri ngoo gyeing" nyang: tid ba:- nanu" yo" myang da" zi joem ri Lapi: yi yo" deung: byeung" da" byu yi myoo" sho' myang noug goo" nghoid loug ashau" myang boem. Nanu" shau" gyo: da" khyoo: ri we' nyangnu" gi ashau" gyoo: nghoid ago".

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

LUKA 10:24

Nanu" ri ngoo tid zigi nanu" shau" myang da" khyoo: yi ri Lapi: yi khokham" yi gi myang noug nghoid loug we' ashau" myang boem. Nanu" shau" gyo: da" khyoo: ri gyoo: noug goo" nghoid loug we' ashug" gyo: boem.

LUKA 24:44

Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid.

YOHAN 5:39

Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid.

YOHAN 7:52

Houg: bang: gi «Nang we' Galile mung" mo byu nghoid la". Jhoem: mungdang: moo nghab' yu" we' Galile mung" mo ce: lapi: dayug we' athu' lo yu" zigi nang si' ca"» ga: tid boem.

ACTS 10:43

Nyang: ri loem" jeing" bang: yug khang" moo" gi nya: myeing mo amyeing" akhang" khyo" wigi yooboo khyoid pyam' byid: zi shau" wa shid re" nya: khyoo: yo' sen: lho: lapi: yi dangain" bang: gi tid boem abye: go" ga: tid.

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

HEBRE 11:13

He: da" byumyu" yi dangain" bang: gi hau: loem" jeung" khyoo: moo shid: lo" boem abye: go. Nyangnu" gi Mangsoo byid: da" dang: soo" khoin" yo' sen: da" agyid asoo: ri ashau" kham: yu boem- nghoid loug we' nyangnu" gi hau: khyoo: ri vi" vi: mo yo" yu" myang boem bye: ziyo' lhoem: yo" tau, yu nyid boem bye. Nyangnu" gi he: moug: myid tho' moo lam" yen" da" tungbau, being" voo joem yhang: ti"- te: nghe: khau: nyid mo, date: nghoid nyid boem ziri bang bang za: yhen: yu khare" boem bye.

HEBRE 11:40

Khasu" wim gari Mangsoo gi nyangnu" shid re" je" ge da- nyheung, soin' khyoo: ri koid too" byid: bye- houg: su" nyheung soin' to" da" khyoo: joem gi nyangnu" gi ngoonu" bo ri za: joeb byeung" mo, yo" bue" loo wa shid mo nghoid nyid.

1PETERU 1:11

He: da" khyoid yu khyoo: gi kha: yo' kha: khyeing: mo: ju" ri" wa zi we' ce: ja: ce: khyoo" re" bue" thu' loo wa ziri se' loo" wa shid re" phoid: sho: yu" boem bye. Nyangnu" da" akhoug: moo bo vang zei: nyid da" Khristu da" venyi gi Yesu shau" kham' zoo: wa dam shid' re" we' haugsu" bain' kham zo: da" thang: ri shau" kham' zoo: wa da" myonhoo: phung" yoeb, ri we' no re toin" shid' to" uri he: da" ayo, ri toin" shid zi nghoid nyid.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.