23 ꤚꤢꤪ ꤕꤚꤟꤢꤧ꤬ꤜꤟꤢꤦ꤬ꤒꤟꤢꤧ꤬ꤗꤟꤤ꤬ ꤋꤢꤧꤙꤢꤧ꤬ꤊꤛꤢ꤭ ꤜꤢꤨ꤭ꤞꤢꤧꤕꤜꤢꤪ꤬ ꤔꤢ ꤕꤜꤟꤢꤧ꤯ ꤢ꤬ꤞꤛꤢꤔꤢ ꤓꤢꤨ꤬ ꤡꤛꤣꤕꤟꤢꤪꤔꤟꤤ ꤘꤢꤘꤥ꤭ ꤔꤌꤣ꤬ꤟꤢꤪ, ꤕꤚꤟꤢꤧ꤬ꤋꤢꤨ꤭ ꤛꤢꤩ꤭ ꤢ꤬ ꤊꤟꤢꤦꤚꤟꤢꤩ ꤒꤟꤌꤣꤘꤣ ꤒꤟꤢꤧ꤬ꤞꤛꤢꤩ꤭ ꤔꤌꤣ꤬ ꤢ꤬ ꤞꤢꤧꤑꤢꤩ꤭ꤔꤟꤤ ꤢ꤬ꤔꤟꤢꤩ ꤒꤥ꤬꤯
ꤔꤟꤢꤧ꤬ ꤊꤤ꤬ ꤡꤟꤢꤪ ꤗꤥ꤬ ꤘꤣ ꤓꤢꤨ꤬ꤗꤢꤧ꤬ꤞꤢꤧ꤬ꤑꤢꤩ꤭ ꤗꤢ꤬, ꤢ꤬ ꤊꤟꤢꤦ ꤐꤟꤌꤣ꤬ꤒꤢ꤬ꤖꤢ꤭ ꤊꤛꤢ꤭ ꤕꤢ꤭꤯
ꤥ꤬ꤗꤛꤢꤩ꤭ꤒꤟꤣ ꤔꤢ ꤟꤤ꤬ꤗꤢꤖꤢꤧ꤬ꤗꤟꤌꤣ ꤢ꤬ꤊꤢꤧ꤬ ꤗꤢ꤬ ꤢ꤬ꤍꤟꤢꤨ꤬ ꤊꤚꤟꤢꤦ꤬ꤑꤟꤢ꤬ ꤕꤚꤢꤧ ꤔꤢ ꤋꤢꤪꤗꤢꤨ꤭ ꤒꤣ꤬ꤊꤜꤟꤢꤪ꤯ ꤕꤚꤟꤢꤧ꤬ꤋꤢꤨ꤭ ꤘꤣ ꤢ꤬ ꤡꤛꤣꤞꤢꤦ ꤢꤨ꤭ꤗꤢꤩ꤭ ꤗꤟꤢꤩ꤬ꤗꤝꤟꤤ꤬ꤕꤛꤢꤩ ꤔꤟꤤ ꤟꤢꤪ ꤢ꤬ꤔꤟꤢꤩ꤯
ꤗꤢ꤬ꤔꤢꤚꤢꤪ ꤊꤢ꤬ꤛꤢ꤭ ꤡꤛꤣꤞꤢꤦ ꤢꤨ꤭ꤗꤢꤩ꤭ ꤔꤌꤣ꤬ꤗꤢ꤬, ꤢ꤬ꤋꤢꤨ꤬ꤊꤜꤢꤪꤔꤟꤢꤪ꤭ ꤥ꤬ꤒꤥ꤬꤯ ꤊꤢ꤬ꤛꤢ꤭ ꤖꤢꤨꤔꤌꤣ꤬ꤒꤢ꤬ꤟꤢꤩ꤬ ꤗꤢ꤬, ꤢ꤬ ꤗꤟꤢꤩ꤬ꤕꤛꤢꤩꤗꤟꤢꤩ꤬ꤊꤛꤢ꤭ ꤔꤟꤤꤘꤢꤦ꤬ ꤢ꤬ꤔꤟꤢꤩ ꤟꤢꤪ꤯
ꤒꤣ꤬ꤖꤟꤌꤣꤒꤌꤣ꤭ ꤕꤚꤟꤢꤧ꤬ꤋꤢꤨ꤭ ꤔꤌꤣ꤬ꤒꤣ꤬ꤕꤚꤟꤢꤧ꤬ ꤊꤚꤝꤥ꤭ꤊꤟꤌꤣ꤭ ꤜꤢꤨ꤭ ꤋꤛꤢꤩ꤭꤯ ꤞꤛꤢꤔꤢ ꤕꤟꤢꤨꤖꤢꤧ꤭ ꤡꤛꤣꤒꤥ꤭ ꤘꤣ ꤜꤟꤢꤩꤗꤟꤢꤩ꤬ꤏꤥ꤭ꤢꤩ꤬ ꤜꤢꤨ꤭꤯ ꤞꤛꤢꤔꤢ ꤊꤚꤢꤪꤖꤢꤧ꤭ ꤊꤜꤛꤢ꤬ꤡꤛꤣꤒꤥ꤭ ꤘꤣ ꤒꤢ꤬ꤗꤢꤪ꤭ꤊꤢꤨ꤭꤯
ꤗꤢ꤬ꤔꤢꤚꤢꤪ ꤒꤟꤢꤧ꤬ꤞꤛꤢꤩ꤭ ꤥ꤬ ꤙꤤ ꤕꤚꤟꤢꤧ꤬ꤗꤢꤪ꤬ ꤔꤌꤣ꤬ꤒꤣ꤬ꤕꤚꤟꤢꤧ꤬ ꤢ꤬ꤟꤤ꤬ ꤔꤌꤣ꤬ꤗꤢ꤬, ꤢꤧ꤬ꤞꤤ꤭ ꤒꤢ꤬ꤔꤟꤢꤩ꤬ꤒꤟꤌꤣ ꤒꤥ꤬꤯ ꤢ꤬ꤏꤤ꤭ꤕꤚꤟꤢꤩ ꤒꤢ꤬ꤟꤢꤩ꤬ ꤡꤛꤣꤒꤟꤌꤣ ꤜꤟꤢꤪ꤭ꤕꤜꤤ꤭ ꤘꤣ ꤜꤟꤌꤣ꤭ꤊꤟꤢꤩꤔꤢꤩꤘꤢꤪ꤭꤯
