23 ꤊꤢ꤬ꤛꤢ꤭ꤒꤢ꤬ꤊꤢꤧ꤬ ꤞꤢꤧꤊꤚꤟꤢꤦ꤭ ꤔꤟꤤꤘꤛꤢꤩ ꤔꤢ ꤢ꤬ ꤗꤟꤢꤩ꤬ ꤒꤟꤢꤧ꤬ꤗꤢꤨ꤭ꤗꤟꤛꤢ꤯ ꤊꤢ꤬ꤛꤢ꤭ ꤒꤟꤢꤧ꤬ꤞꤢꤧꤑꤢꤩ꤭ꤕꤜꤥ꤭ꤖꤢꤧ ꤥ꤬ ꤞꤢꤧꤜꤟꤢꤪ꤭ ꤔꤟꤤꤘꤛꤢꤩ ꤔꤢ ꤢ꤬ ꤗꤟꤢꤩ꤬ꤒꤟꤢꤧ꤬ ꤔꤢ ꤒꤟꤢꤧ꤬ꤞꤤꤖꤢꤧ꤯
ꤊꤢ꤬ꤛꤢ꤭ꤙꤢꤪ꤭ꤙꤛꤢꤩ꤬ ꤋꤢꤨ꤬ꤊꤜꤢꤪꤕꤚꤛꤢꤩ꤭ ꤕꤢ꤬ꤡꤟꤛꤢꤩꤑꤟꤢꤩ꤭ꤊꤚꤟꤌꤣ꤭ ꤔꤟꤤꤘꤛꤢꤩꤊꤛꤢ꤭ ꤢ꤬ ꤙꤢꤧ꤬ ꤕꤜꤢꤔꤟꤤꤘꤛꤢꤩ ꤢ꤬ꤗꤟꤢꤩ꤬ꤞꤢꤦꤒꤟꤢꤧ꤬ ꤢ꤬ꤑꤢꤩ꤭ ꤔꤌꤣ꤬ꤒꤢ꤬ꤟꤢꤩ꤬꤯ ꤡꤢꤪꤗꤢ꤬ꤚꤛꤢ꤬ ꤞꤢꤧꤕꤜꤢꤪ꤬ꤒꤥ꤭ ꤊꤢ꤬ꤛꤢ꤭ꤡꤢꤪꤡꤢꤦ꤯
ꤊꤢ꤬ꤛꤢ꤭ ꤘꤣ ꤢ꤬ ꤋꤢꤨ꤬ꤊꤜꤢꤪꤔꤟꤢꤪ꤭ ꤥ꤬ꤒꤥ꤬, ꤞꤢꤧꤊꤚꤟꤢꤦ꤭ ꤗꤟꤢꤩ꤬ꤒꤢ꤬ꤊꤢꤧ꤬ ꤢꤨ꤭꤯ ꤊꤢ꤬ꤛꤢ꤭ꤕꤜꤥ꤭ꤖꤢꤧ ꤗꤟꤢꤩ꤬ ꤒꤟꤢꤧ꤬ ꤘꤣ ꤢ꤬ꤒꤥ꤭꤯
ꤊꤢ꤬ꤛꤢ꤭ꤞꤤꤖꤢꤧ ꤔꤌꤣ꤬, ꤢꤨ꤭ ꤞꤢꤧꤑꤢꤩ꤭ ꤜꤢꤨ꤭ ꤔꤢ ꤢꤧ꤬ꤗꤢ꤬ ꤕꤚꤟꤢꤧ꤬ꤙꤢꤩ꤭ꤖꤢꤧꤡꤟꤛꤢꤒꤟꤢꤧ꤬꤯ ꤢ꤬ ꤊꤤ꤬ ꤟꤢꤩꤙꤢꤧ꤬ꤗꤟꤥ꤬ ꤢꤨ꤭ ꤟꤢꤩꤗꤢ꤬, ꤢꤨ꤭ ꤜꤤ ꤖꤛꤢꤩꤏꤢꤦ꤬ ꤕꤟꤥ ꤜꤢꤨ꤭ꤒꤟꤢꤧ꤬ꤤ꤬ꤞꤛꤥ ꤕꤢ꤭꤯
ꤢꤧ꤬ꤞꤤ꤭ ꤞꤢꤧꤊꤚꤟꤢꤦ꤭ ꤗꤟꤢꤩ꤬ ꤒꤟꤢꤧ꤬ꤗꤢꤨ꤭ꤗꤟꤛꤢ꤯ ꤢꤧ꤬ꤞꤤ꤭ ꤞꤢꤧꤜꤟꤢꤪ꤭ ꤗꤟꤢꤩ꤬ꤊꤢ꤬ꤗꤟꤢꤩ꤬ꤕꤜꤟꤛꤢ꤬ ꤢꤨ꤭꤯
