ꤜꤢꤨꤊꤢ꤬ 6:43 - ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

⁴³ “ꤞꤢꤪ꤬ꤚꤛꤢ ꤒꤣ꤬ꤗꤟꤢꤪꤔꤌꤣ꤬ ꤢ꤬ꤞꤢꤧ꤬ꤓꤢꤩ꤬ ꤞꤢꤪ꤬ꤞꤢꤧ꤬ ꤘꤣ ꤢ꤬ꤚꤛꤢꤒꤥ꤬ ꤔꤌꤣ꤬ ꤢ꤬ꤥ꤬ꤒꤥ꤬꤯ ꤖꤢꤨꤔꤌꤣ꤬ꤟꤢꤪ ꤞꤢꤪ꤬ꤚꤛꤢꤒꤥ꤬ ꤒꤣ꤬ꤗꤟꤢꤪꤔꤌꤣ꤬ ꤢ꤬ꤞꤢꤧ꤬ꤓꤢꤩ꤬ ꤡꤟꤛꤢ ꤞꤢꤪ꤬ꤞꤢꤧ꤬ꤚꤛꤢ ꤒꤥ꤬꤯

Kayah Western (Latin)

⁴³ “Thòryá tômò̤́nuô athèhte thòthè dố aryáto nuô a oto. Phúnuôhò́ thòryáto tômò̤́nuô athèhte cyá̤ thòthèryá to.

ꤜꤢꤨꤊꤢ꤬ 6:43 교차 참조

Matteo 12:33

“ꤞꤢꤪ꤬ꤗꤟꤢꤪ ꤘꤣ ꤢ꤬ꤚꤤ꤬ꤢ꤬ꤚꤟꤌꤣ꤭ ꤢ꤬ꤒꤝꤟꤥꤢ꤬ꤚꤛꤢ ꤔꤌꤣ꤬, ꤢ꤬ ꤊꤟꤢꤦ ꤞꤢꤧ꤬ꤓꤢꤩ꤬ ꤞꤢꤪ꤬ꤞꤢꤧ꤬ ꤘꤣ ꤢ꤬ꤚꤛꤢ ꤕꤢ꤭꤯ ꤗꤢ꤬ꤔꤢꤚꤢꤪ ꤞꤢꤪ꤬ꤗꤟꤢꤪ ꤘꤣ ꤢ꤬ ꤒꤢ꤬ꤐꤟꤌꤣꤒꤢ꤬ꤖꤟꤌꤣ꤭ ꤔꤌꤣ꤬, ꤢ꤬ꤞꤢꤧ꤬ꤓꤢꤩ꤬ ꤚꤛꤢ ꤒꤥ꤬꤯ ꤗꤟꤢꤩ꤬ꤒꤢꤩ꤭ꤟꤢꤩꤚꤢꤪ ꤔꤟꤢꤧ꤬ ꤗꤛꤢ ꤢ꤬ꤞꤢꤧ꤬ ꤔꤌꤣ꤬, ꤔꤟꤢꤧ꤬ ꤞꤢꤧꤑꤢꤩ꤭ ꤡꤟꤛꤢ ꤘꤢꤦ꤬ ꤟꤢꤪ ꤢ꤬ꤗꤟꤢꤪ ꤢ꤬ꤚꤤ꤬ꤢ꤬ꤊꤛꤢ꤭ ꤟꤢꤪ꤯

Matteo 3:10

ꤊꤝꤥ꤭ ꤒꤣ꤬ꤙꤢꤧ꤬ ꤥ꤬ꤟꤢꤪ ꤘꤣ ꤞꤢꤪ꤬ꤋꤢ꤭ꤏꤛꤢꤩꤟꤢꤪ ꤚꤢꤪ ꤢꤨ꤭ ꤊꤟꤢꤦ ꤤ꤬ꤊꤝꤟꤥ꤭ꤋꤢꤦ ꤟꤢꤪ ꤞꤢꤪ꤬ꤗꤟꤢꤪ ꤒꤢ꤬ꤟꤢꤩ꤬ ꤕꤢ꤭, ꤚꤢꤪ ꤢꤨ꤭ ꤊꤟꤢꤦ ꤤ꤬ꤡꤟꤥ꤭ꤒꤟꤢꤦ꤭ ꤒꤟꤌꤣ ꤡꤢꤪ ꤘꤣ ꤢ꤬ꤚꤝꤟꤤꤢ꤬ꤓꤝꤟꤥ꤬ ꤕꤢ꤭꤯ ꤞꤢꤪ꤬ꤗꤟꤢꤪ ꤒꤣ꤬ꤗꤟꤢꤪꤗꤟꤢꤪ ꤘꤣ ꤢ꤬ꤞꤢꤧ꤬ꤢ꤬ꤖꤥ꤭ ꤒꤝꤟꤥꤚꤛꤢ ꤒꤥ꤬ ꤔꤌꤣ꤬, ꤢꤨ꤭ ꤊꤟꤢꤦ ꤤ꤬ꤊꤝꤟꤥ꤭ꤋꤢꤦꤊꤛꤢ꤭ ꤢꤧ꤬ ꤕꤢ꤭ ꤚꤢꤪ ꤢꤨ꤭ ꤊꤟꤢꤦ ꤠꤤ꤭ꤔꤟꤌꤣ꤭ꤊꤛꤢ꤭ ꤢꤧ꤬ ꤘꤣ ꤗꤤ꤬ꤊꤢꤨ꤭ ꤕꤢ꤭꤯

ꤜꤢꤨꤊꤢ꤬ 6:42

ꤞꤤ꤭ ꤡꤛꤣꤟꤢꤩꤒꤟꤌꤣ ꤞꤤ꤭ ꤕꤟꤌꤣꤠꤟꤛꤢ ꤔꤢ, ‘ꤕꤟꤌꤣꤠꤟꤛꤢ꤮ ꤠꤢ꤭ ꤒꤢ꤬ꤋꤝꤥ ꤓꤢꤩ꤬ꤊꤛꤢ꤭ ꤕꤢꤩꤚꤢꤩ ꤔꤟꤢꤧ꤬ ꤢ꤬ꤗꤢꤦ꤬ꤢ꤬ꤗꤢ ꤥ꤬ ꤘꤣ ꤔꤟꤢꤧ꤬ ꤗꤢꤧ꤬ꤞꤢꤧ꤬ꤕꤜꤢꤪ꤬ꤊꤢꤨ꤭ ꤛꤢꤩ꤭ꤔꤌꤣ꤬,’ ꤞꤤ꤭ ꤟꤢꤩ ꤖꤢꤨꤔꤌꤣ꤬ ꤒꤢ꤬ꤘꤣ꤬ꤚꤢꤪ ꤞꤢꤪ꤬ꤊꤜꤟꤢꤪ ꤥ꤬ ꤡꤢꤪ ꤘꤣ ꤞꤤ꤭ ꤗꤢꤧ꤬ꤞꤢꤧ꤬ꤕꤜꤢꤪ꤬ꤊꤢꤨ꤭ ꤡꤢꤪꤚꤢꤪ ꤞꤤ꤭ ꤗꤛꤢꤓꤛꤢꤩ꤬ ꤔꤟꤤꤘꤛꤢꤩ ꤢꤧ꤬ ꤒꤥ꤬꤯ ꤞꤤ꤭ ꤡꤛꤣꤟꤢꤩ ꤢꤨ꤭ ꤖꤢꤨꤔꤌꤣ꤬ ꤗꤢ꤬ ꤢ꤬ꤔꤟꤤ ꤒꤥ꤬꤯ ꤕꤚꤟꤢꤧ꤬ ꤡꤟꤛꤢꤩꤡꤢꤪꤡꤟꤛꤢꤩꤒꤟꤢꤩ꤬ ꤢ꤬ꤔꤟꤢꤩ ꤞꤤ꤭꤮ ꤖꤛꤢꤩꤓꤢꤩ꤬ꤊꤛꤢ꤭ ꤚꤟꤢꤩꤜꤣ ꤞꤢꤪ꤬ꤊꤜꤟꤢꤪ ꤥ꤬ ꤘꤣ ꤞꤤ꤭ ꤗꤢꤧ꤬ꤞꤢꤧ꤬ꤕꤜꤢꤪ꤬ꤊꤢꤨ꤭ ꤔꤌꤣ꤬, ꤒꤢꤦꤚꤢꤪ ꤞꤤ꤭ ꤗꤛꤢꤓꤛꤢꤩ꤬ꤜꤟꤌꤣ꤭ꤚꤛꤢ ꤚꤢꤪ ꤞꤤ꤭ ꤒꤢ꤬ꤋꤝꤥ ꤓꤢꤩ꤬ꤊꤛꤢ꤭ ꤡꤟꤛꤢ ꤕꤢꤩ ꤢ꤬ꤗꤢꤦ꤬ꤢ꤬ꤗꤢ ꤥ꤬ ꤘꤣ ꤞꤤ꤭ ꤕꤟꤌꤣꤠꤟꤛꤢ ꤢ꤬ ꤗꤢꤧ꤬ꤞꤢꤧ꤬ꤕꤜꤢꤪ꤬ꤊꤢꤨ꤭ ꤛꤢꤩ꤭ꤔꤌꤣ꤬ ꤕꤚꤢꤧ꤯