28 ꤚꤢꤪ ꤕꤟꤢꤪ꤬ꤟꤢꤩ꤬ ꤘꤣ ꤢꤨ꤭ ꤘꤥ꤭ꤙꤟꤌꤣ꤬ ꤜꤢꤨ꤭ ꤔꤢ ꤒꤟꤢꤧ꤬ꤐꤛꤢꤩ꤬ ꤔꤌꤣ꤬ꤒꤣ꤬ꤗꤢꤩ꤭ꤔꤌꤣ꤬, ꤢꤨ꤭ ꤙꤢꤧ꤬ ꤘꤢꤪ꤬ꤖꤢꤧ ꤊꤛꤢ꤭ ꤜꤢꤨ꤭꤯ ꤗꤢ꤬ꤔꤢꤚꤢꤪ ꤊꤤ꤬ ꤘꤥ꤭ꤙꤟꤌꤣ꤬ ꤒꤟꤢꤧ꤬ꤐꤛꤢꤩ꤬ ꤔꤢ ꤕꤟꤢꤪ꤬ꤒꤢ꤬ꤜꤤ꤭ ꤟꤢꤩꤚꤢꤪ, ꤙꤢꤧ꤬ ꤓꤢꤦꤕꤜꤤ꤭ꤚꤛꤢ ꤜꤢꤨ꤭ ꤚꤢꤪ ꤙꤢꤧ꤬ ꤏꤤ꤭ꤕꤜꤤ꤭ ꤜꤢꤨ꤭ ꤔꤢ ꤓꤛꤢꤩ꤭꤯
ꤚꤢꤪ ꤒꤟꤢꤧ꤬ꤖꤢꤨꤒꤟꤢꤧ꤬ꤜꤟꤛꤢꤩ꤬ ꤘꤣ ꤢ꤬ꤞꤛꤢꤩ꤭ ꤒꤢ꤬ꤟꤢꤩ꤬ꤔꤌꤣ꤬, ꤢ꤬ ꤊꤤ꤬ ꤜꤢ꤬ꤒꤟꤢ꤭ꤔꤟꤌꤣ꤭ ꤘꤣ ꤕꤟꤢꤪ꤬ꤟꤢꤩ꤬ꤊꤢꤨ꤭ ꤟꤢꤩꤗꤢ꤬, ꤜꤟꤢꤪ꤭꤮ ꤒꤟꤢ꤭ꤤ꤭ꤒꤟꤢꤧ꤬ ꤥ꤬ ꤘꤣ ꤕꤟꤢꤪ꤬ꤟꤢꤩ꤬ꤊꤢꤨ꤭ ꤒꤢ꤬ꤟꤢꤩ꤬ꤔꤌꤣ꤬, ꤢ꤬ ꤗꤝꤟꤥ꤭ꤕꤜꤤ꤭ ꤒꤥ꤬, ꤚꤢꤪ ꤙꤢꤧ꤬ ꤘꤢꤪ꤬ꤖꤢꤧꤊꤛꤢ꤭ ꤕꤟꤢꤪ꤬ꤟꤢꤩ꤬ ꤔꤌꤣ꤬ꤒꤣ꤬ꤗꤢꤩ꤭꤯
ꤚꤢꤪ ꤕꤚꤟꤢꤧ꤬ꤋꤢꤨ꤭ ꤢ꤬ꤒꤟꤢꤧ꤬ꤏꤢꤧ꤭ꤓꤛꤢꤩ꤭ꤓꤢꤩ꤬ ꤘꤣ ꤢ꤬ꤕꤚꤟꤢꤧ꤬ꤋꤢꤨ꤭ ꤊꤚꤟꤢꤦ꤬ꤊꤚꤟꤢꤪ꤭ ꤢ꤬ꤙꤥ꤭ꤊꤢꤨ꤭ ꤥ꤬ ꤔꤌꤣ꤬ꤒꤣ꤬ꤕꤚꤟꤢꤧ꤬ ꤊꤤ꤬ ꤕꤟꤢꤦꤙꤢꤧ꤬ ꤕꤟꤢꤪ꤬ꤟꤢꤩ꤬ ꤟꤢꤩꤗꤢ꤬, ꤙꤢꤧ꤬ ꤘꤢꤪ꤬ꤖꤢꤧꤊꤛꤢ꤭꤯ ꤕꤟꤢꤪ꤬ ꤔꤢ ꤙꤢꤩ꤭ꤜꤟꤢꤪ ꤘꤣ ꤢꤨ꤭ ꤗꤟꤢꤩ꤬ ꤔꤢ ꤞꤢꤪ꤬ ꤔꤌꤣ꤬ꤒꤢ꤬ꤟꤢꤩ꤬ ꤙꤢꤧ꤬ꤙꤢꤧ꤬, ꤢ꤬ ꤊꤤ꤬ ꤕꤟꤢꤦꤙꤢꤧ꤬ ꤟꤢꤩꤗꤢ꤬, ꤙꤢꤧ꤬ ꤏꤤ꤭ꤕꤜꤤ꤭ꤊꤛꤢ꤭ꤜꤟꤢꤪ꤭ ꤔꤢ ꤓꤛꤢꤩ꤭꤯
