3 ꤔꤟꤢꤧ꤬ ꤒꤟꤢꤒꤟꤢ꤭ꤊꤛꤢ꤭ ꤠꤢ꤭ ꤘꤣ ꤓꤛꤢꤩ꤭ꤘꤢꤨ꤬ꤒꤢ꤬ꤠꤟꤢ꤬ ꤊꤛꤢ꤭ꤘꤢꤧ꤭ ꤢ꤬ꤐꤟꤢ꤭ꤜꤣ ꤛꤢꤩ꤭ꤒꤣ꤬ꤖꤥ꤬, ꤚꤢꤪ ꤓꤛꤢꤩ꤭ ꤤ꤬ꤕꤜꤢꤦ꤬ꤙꤤꤜꤟꤢꤪ꤭ ꤠꤢ꤭꤯ ꤠꤢ꤭ ꤜꤢ꤬ꤡꤢꤦꤒꤟꤢ꤭ꤊꤛꤢ꤭ ꤟꤢꤪ ꤘꤣ ꤔꤟꤢꤧ꤬ ꤔꤢꤪ꤭ ꤟꤛꤢ꤭ ꤊꤟꤢꤩꤜꤢ꤬ꤜꤛꤢ꤭ ꤢ꤬ꤓꤛꤢꤩ꤭ ꤟꤢꤟꤥꤘꤢꤨ꤬ꤟꤢꤟꤥꤏꤢꤪ꤭ ꤛꤢꤩ꤭ꤒꤢ꤬ꤟꤢꤩ꤬ ꤢ꤬ꤜꤟꤢꤧ꤭ ꤟꤢꤪ꤯
ꤠꤢ꤭ ꤊꤟꤢꤦꤚꤟꤢꤩ ꤖꤢꤦ꤬ꤞꤛꤢꤩ꤭ ꤞꤛꤢꤡꤢꤪ ꤟꤢꤪ ꤔꤢ ꤓꤛꤢꤩ꤭ꤟꤢꤟꤥꤘꤢꤨ꤬ ꤟꤛꤢ꤭ꤤ꤬ꤕꤜꤢꤦ꤬ꤙꤤ ꤜꤟꤢꤪ꤭ꤟꤢꤪ ꤠꤢ꤭ ꤔꤌꤣ꤬꤯ ꤒꤟꤢꤧ꤬ꤕꤛꤢꤩꤒꤟꤢꤧ꤬ꤊꤛꤢ꤭ ꤒꤢ꤬ꤟꤢꤩ꤬ ꤟꤛꤢ꤭ꤙꤢꤧ꤬ ꤜꤟꤢꤪ꤭ꤟꤢꤪ ꤠꤢ꤭ ꤞꤛꤢꤔꤢ ꤓꤛꤢꤩ꤭ꤜꤟꤤ꤬ꤓꤛꤢꤩ꤭ꤋꤥ꤭ꤘꤢꤨ꤬ ꤓꤝꤤꤟꤛꤢ꤭ ꤒꤢ꤬ꤒꤟꤤ꤭ꤙꤤ ꤟꤢꤪ ꤠꤢ꤭꤯
ꤡꤢꤪꤗꤢ꤬ꤚꤛꤢ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤛꤥ꤭ ꤔꤟꤤꤘꤢ꤭ ꤠꤢ꤭ꤒꤟꤢꤧ꤬ꤊꤝꤤ꤭ꤡꤢꤪꤙꤢꤧ꤭ ꤔꤢ ꤠꤢ꤭ꤒꤟꤢꤧ꤬ꤊꤝꤤ꤭ꤞꤢꤧꤐꤟꤢꤪ꤬ꤓꤛꤢ꤬ ꤢ꤬ꤋꤢꤨ꤬ꤢ꤬ꤋꤛꤢꤩ꤭, ꤠꤢ꤭ ꤗꤟꤥ꤬ꤔꤟꤤ ꤜꤢꤨ꤭꤯
ꤢ꤬ ꤒꤟꤢꤪ꤬ꤚꤟꤢꤧ꤭ ꤢ꤬ꤋꤢ꤭ꤜꤢꤧ꤬ ꤘꤣ ꤠꤢ꤭ꤥ꤬ ꤢ꤬ꤋꤢꤨ꤬ꤢ꤬ꤋꤛꤢꤩ꤭, ꤠꤢ꤭ ꤊꤤ꤬ ꤥ꤬ꤓꤝꤟꤥ꤭ꤕꤚꤟꤢꤧ꤬ ꤔꤛꤢ꤭ꤕꤢ꤭ ꤟꤢꤩꤗꤢ꤬, ꤠꤢ꤭ ꤊꤟꤢꤦ ꤊꤝꤤ꤭ꤡꤢꤪꤙꤢꤧ꤭ꤓꤛꤢ꤬ ꤔꤛꤢ꤭ ꤜꤢꤨ꤭꤯
ꤙꤤ ꤠꤢ꤭ ꤥ꤬ ꤘꤣ ꤒꤟꤢꤧ꤬ꤕꤟꤛꤢꤒꤟꤢꤧ꤬ꤏꤢꤧ꤭ꤊꤢꤨ꤭ ꤢ꤬ꤋꤢꤧ꤭ꤔꤌꤣ꤬, ꤠꤢ꤭ ꤊꤝꤤ꤭ꤞꤢꤧꤐꤟꤢꤪ꤬ꤓꤛꤢ꤬ ꤡꤢꤪꤗꤢ꤬ꤚꤛꤢ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤚꤢꤪ ꤢ꤬ ꤗꤟꤢꤩ꤬ꤡꤝꤟꤥ ꤠꤢ꤭꤯
ꤔꤟꤢꤧ꤬ꤓꤛꤢꤩ꤭ꤕꤟꤢꤒꤟꤢ꤭ ꤕꤚꤟꤢ꤬ꤔꤟꤌꤣꤕꤚꤟꤢ꤬ꤒꤢꤧ ꤔꤌꤣ꤬ ꤢ꤬ ꤕꤚꤟꤢ꤬ꤊꤢ꤬ꤢꤪ꤭ ꤔꤛꤢ꤬ꤡꤢꤪ, ꤢ꤬ ꤗꤟꤢꤩ꤬ꤏꤢꤨꤏꤢ ꤔꤛꤢ꤬ꤡꤢꤪ ꤠꤢ꤭ꤞꤢꤧꤕꤜꤢꤪ꤬꤯ ꤔꤟꤢꤧ꤬ ꤔꤢꤪ꤭ ꤞꤢꤧꤕꤜꤟꤢꤧ꤭ꤞꤢꤧꤐꤟꤢꤪ꤬ ꤠꤢ꤭ ꤞꤛꤢꤡꤢꤪꤔꤢ ꤓꤛꤢꤩ꤭ꤟꤢꤟꤥꤘꤢꤨ꤬ ꤟꤛꤢ꤭ꤤ꤬ꤕꤜꤢꤦ꤬ꤙꤤ ꤜꤟꤢꤪ꤭ ꤠꤢ꤭꤯
