24 ꤖꤢꤧ꤭ꤊꤥꤚꤤ꤬ ꤢ꤬ꤖꤢꤨꤕꤚꤟꤢꤧ꤬ꤋꤢꤨ꤭ ꤒꤢ꤬ꤟꤢꤩ꤬ ꤗꤢ꤬ ꤖꤢꤧ꤭ꤢ꤬ꤎꤤ꤬ꤚꤢ, ꤖꤢꤧ꤭ꤢꤩꤜꤢ꤬ꤊꤢ꤬ꤔꤢ ꤔꤢ ꤖꤢꤧ꤭ꤢ꤬ꤙꤤ꤬ꤎꤢ꤬꤯ ꤢꤧ꤬ꤞꤤ꤭ ꤛꤢꤩ꤭ ꤞꤢꤧꤞꤌꤣ꤭ ꤗꤢ꤬ ꤖꤢꤧ꤭ꤊꤥꤚꤤ꤬ ꤢ꤬ꤊꤜꤝꤤ꤭ ꤒꤢ꤬ꤟꤢꤩ꤬ ꤟꤢꤪ꤯
ꤊꤣ꤮ ꤡꤢꤪꤗꤢ꤬ꤚꤛꤢ꤬ꤘꤢꤨ꤬, ꤖꤢꤨ ꤊꤚꤢꤪ ꤞꤢꤧꤠꤟꤤ꤭ꤞꤢꤧꤥ꤭ ꤔꤛꤢ꤬ꤡꤢꤪ ꤓꤛꤢꤩ꤭ ꤓꤝꤤꤟꤛꤢ꤭ ꤘꤣ ꤓꤛꤢꤩ꤭ꤊꤜꤥ꤭ꤊꤢꤨ꤭ ꤔꤌꤣ꤬, ꤠꤢ꤭ ꤔꤟꤢꤩ꤬ꤞꤌꤣ꤬ ꤗꤛꤢꤓꤛꤢꤩ꤬ꤔꤟꤤ ꤔꤟꤢꤧ꤬ ꤊꤢ꤬ꤔꤟꤥ꤮ ꤒꤥ꤬꤯
ꤊꤣ꤮ ꤡꤢꤪꤗꤢ꤬ꤚꤛꤢ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤘꤣ ꤢ꤬ ꤕꤣ ꤒꤟꤢꤧ꤬ ꤜꤟꤢꤪ꤭꤮ ꤕꤜꤤ꤭, ꤒꤟꤢꤧ꤬ꤜꤢꤨ꤭ꤒꤛꤢ꤭ꤟꤥ꤭ ꤘꤣ ꤔꤟꤢꤧ꤬ ꤥ꤬ꤔꤟꤤ ꤔꤌꤣ꤬ ꤢ꤬ꤒꤝꤟꤥꤢ꤬ꤚꤟꤢꤧ꤭ ꤔꤛꤢ꤬ꤡꤢꤪ꤯
ꤖꤢꤧ꤭ꤊꤥ꤬ꤟꤢ꤬ ꤢ꤬ꤖꤢꤨꤕꤚꤟꤢꤧ꤬ꤋꤢꤨ꤭ ꤔꤛꤢꤩ꤭ꤕꤚꤟꤢꤧ꤬ ꤒꤣ꤬ꤕꤚꤟꤢꤧ꤬ ꤗꤢ꤬ ꤋꤢꤨ꤭ꤤꤐꤢ꤬ꤟꤢ꤬ ꤚꤢꤪ ꤖꤢꤧ꤭ꤤꤐꤢ꤬ꤟꤢ꤬ ꤢ꤬ꤖꤢꤨꤕꤚꤟꤢꤧ꤬ꤋꤢꤨ꤭ ꤒꤢ꤬ꤟꤢꤩ꤬ ꤗꤢ꤬ ꤋꤢꤨ꤭ꤊꤥꤚꤤ꤬, ꤋꤢꤨ꤭ꤔꤢꤩ꤬ꤖꤢꤧ꤭ ꤔꤢ ꤋꤢꤨ꤭ꤐꤤ꤬ꤋꤚꤤ꤬ ꤟꤢꤪ꤯
ꤒꤣ꤬ꤑꤢꤩ꤭ꤋꤢꤧ꤭, ꤜꤢꤩ꤬ꤠꤤꤊꤜꤝꤤ꤭ ꤖꤢꤧ꤭ꤊꤥ꤬ꤟꤢ꤬ ꤢ꤬ꤜꤟꤛꤢꤩ꤬ ꤖꤢꤧ꤭ꤤꤐꤢ꤬ꤟꤢ꤬ ꤢ꤬ꤖꤢꤨꤕꤚꤟꤢꤧ꤬ꤋꤢꤨ꤭ ꤖꤢꤧ꤭ꤊꤥꤚꤤ꤬ ꤔꤢ ꤚꤢꤨꤙꤢꤩ꤬ꤊꤜꤝꤤ꤭ ꤖꤢꤧ꤭ꤢꤩꤜꤛꤢ꤬ꤙꤢ ꤢ꤬ꤖꤢꤨꤕꤚꤟꤢꤧ꤬ꤋꤢꤨ꤭ ꤖꤢꤧ꤭ꤘꤢ꤬ꤒꤢ꤬ꤔꤢ꤬ ꤔꤢ ꤖꤢꤧ꤭ꤢ꤬ꤙꤤꤚꤢ꤬ꤗꤢ ꤔꤢ ꤖꤢꤧ꤭ꤕꤤꤜꤢꤧ ꤢ꤬ꤖꤢꤨꤕꤚꤟꤢꤧ꤬ꤋꤢꤨ꤭ ꤖꤢꤧ꤭ꤥ꤬ꤔꤢ꤬ ꤛꤢꤩ꤭ꤞꤢꤧꤜꤝꤟꤤ꤭ ꤗꤟꤢꤩ꤬ꤒꤢ꤬ꤋꤝꤥꤒꤢ꤬ꤊꤢꤧ꤬ꤏꤢꤦ꤬ ꤜꤢ꤬ꤟꤛꤢ꤭ ꤖꤢꤧ꤭ꤗꤢꤪꤎꤢꤧ꤯
ꤚꤢꤪ ꤢ꤬ ꤕꤤꤊꤜꤢꤨ꤭ꤔꤟꤌꤣ꤭ ꤊꤛꤢ꤭ ꤢꤧ꤬ꤞꤤ꤭ ꤔꤢ ꤢꤧ꤬ꤞꤤ꤭ꤟꤤ꤬ꤖꤢꤨꤖꤛꤢ꤭ꤖꤢꤨ ꤔꤢ ꤜꤟꤢꤪ꤭꤮ ꤖꤢꤧ꤭ꤊꤥꤚꤤ꤬ ꤢ꤬ꤊꤢ꤬ꤛꤢ꤭ ꤔꤌꤣ꤬ꤒꤢ꤬ꤟꤢꤩ꤬ ꤔꤢ ꤜꤟꤢꤪ꤭꤮ ꤢꤧ꤬ꤞꤤ꤭ꤒꤟꤢ꤭ꤗꤟꤌꤣꤒꤟꤢ꤭ꤒꤟꤢꤧ꤬ ꤔꤌꤣ꤬ꤒꤢ꤬ꤟꤢꤩ꤬꤯
ꤒꤣ꤬ꤖꤟꤌꤣꤋꤢꤧ꤭, ꤊꤢ꤬ꤛꤢ꤭ ꤥ꤬ ꤘꤣ ꤢꤩꤠꤢ꤬ꤚꤢꤩ꤬ꤊꤜꤝꤤ꤭ ꤢ꤬ꤊꤟꤢꤩ ꤏꤥ꤬ꤊꤜꤢꤧ꤭, ꤠꤟꤤ꤭ꤚꤢ꤬ꤗꤢ ꤔꤌꤣ꤬ꤒꤣ꤬ꤕꤚꤟꤢꤧ꤬ ꤚꤢꤪ ꤢ꤬ꤗꤝꤟꤤ꤬ ꤔꤢ ꤖꤢꤧ꤭ꤢꤩꤜꤢ꤬ꤊꤢ꤬ꤔꤢ꤯ ꤚꤢꤪ ꤢꤧ꤬ ꤗꤢ꤬ ꤐꤢꤨꤖꤢꤊꤜꤝꤤ꤭ ꤖꤢꤧ꤭ꤛꤢꤩ꤬ꤚꤥ꤬ꤟꤢ꤬ ꤢ꤬ꤖꤢꤨ, ꤖꤢꤧ꤭ꤢꤩꤜꤤ꤬ꤟꤢꤨ ꤢ꤬ꤜꤟꤛꤢꤩ꤬, ꤖꤢꤧ꤭ꤒꤢꤪꤟꤢꤨ꤬ ꤢ꤬ꤜꤢꤨ꤬ ꤟꤢꤪ꤯
