8 ꤚꤢꤪ ꤋꤢꤩ꤬ꤚꤢꤨꤙꤢꤩ꤬ ꤐꤟꤢꤐꤟꤥ꤬ ꤛꤢꤩ꤭ꤔꤛꤢꤩ꤭ꤊꤟꤌꤣ꤬ ꤗꤢ꤬, ꤢ꤬ꤥ꤬ ꤘꤣ ꤒꤣꤋꤢꤨ꤬ꤘꤢꤪꤓꤢꤦ꤭ ꤔꤌꤣ꤬ ꤒꤣ꤬ꤋꤥ ꤔꤢ ꤒꤣ꤬ꤊꤟꤌꤣ꤬꤯ ꤚꤢꤪ ꤒꤟꤢꤧ꤬ꤐꤟꤢꤐꤟꤥ꤬ ꤔꤌꤣ꤬ꤒꤢ꤬ꤟꤢꤩ꤬ ꤔꤢ ꤒꤣꤋꤢꤨ꤬ꤘꤢꤪ ꤔꤌꤣ꤬ꤗꤢ꤬ ꤓꤢꤧ꤭ꤒꤣ꤬ꤊꤟꤌꤣ꤬ꤒꤌꤣ꤭ ꤕꤚꤢꤧ꤯
ꤓꤌꤣ꤭ꤚꤢꤪ ꤘꤣ ꤒꤣꤋꤢꤨ꤬ꤘꤢꤪ ꤢ꤬ꤓꤢꤦ꤭ ꤔꤛꤢꤩ꤭ꤋꤥꤔꤛꤢꤩ꤭ꤊꤛꤢꤩ꤭ꤜꤟꤢꤪ꤭ ꤢ꤬ꤋꤢꤨ꤬ꤔꤌꤣ꤬, ꤢ꤬ ꤘꤢ꤭ꤓꤢꤩ꤬ ꤋꤢꤩ꤬ꤚꤢꤨꤙꤢꤩ꤬ ꤐꤟꤢꤐꤟꤥ꤬ ꤔꤛꤢꤩ꤭ꤊꤟꤌꤣ꤬ ꤔꤢ ꤓꤢꤧ꤭꤯
ꤒꤟꤢꤧ꤬ꤐꤟꤢꤐꤟꤥ꤬ ꤔꤌꤣ꤬ꤒꤢ꤬ꤟꤢꤩ꤬ ꤗꤢ꤬ ꤢ꤬ ꤐꤢꤦꤒꤢ꤬ꤘꤛꤢ꤭ꤓꤛꤢ꤬ ꤢ꤬ꤘꤢ ꤚꤢꤪ ꤢ꤬ꤘꤢ ꤟꤌꤣꤢꤟꤌꤣ꤬ꤒꤟꤢ꤭ ꤒꤣꤋꤢꤨ꤬ꤘꤢꤪ꤯ ꤚꤢꤪ ꤒꤣ꤬ꤊꤟꤌꤣ꤬ ꤔꤢ ꤒꤣ꤬ꤊꤟꤌꤣ꤬ ꤢ꤬ ꤗꤛꤢꤏꤢꤦ꤬ ꤋꤛꤢꤩ꤭ꤜꤢꤨ꤭, ꤚꤢꤪ ꤢ꤬ ꤗꤛꤢꤒꤟꤢ꤭ ꤒꤣꤋꤢꤨ꤬ꤘꤢꤪ꤯
