Tè̤dyéluô̌htya 19:16 - Kayah Western (Latin)

¹⁶ Dố a ca̤cwo̤htǔ alo̤ ná akhyalo̤ nuô, ǔ rǎo amwi̤ tôplò, “Khwítahe akhwí, Byacè tahe abyacè,” Ǔ rǎo phúnuô.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

¹⁶ ꤘꤣ ꤢ꤬ ꤡꤟꤢ꤬ꤡꤝꤟꤥ꤬ꤓꤢꤨ꤭ ꤢ꤬ꤜꤟꤥ꤬ ꤔꤢ ꤢ꤬ꤋꤛꤢ꤬ꤜꤟꤥ꤬ ꤔꤌꤣ꤬, ꤢꤨ꤭ ꤚꤢ꤭ꤥ꤬ ꤢ꤬ꤗꤝꤟꤤ꤬ ꤒꤣ꤬ꤕꤜꤢꤪ꤬ ꤔꤢ, “ꤋꤝꤤ ꤒꤢ꤬ꤟꤢꤩ꤬ ꤢ꤬ꤋꤝꤤ, ꤙꤛꤢ꤬ꤡꤢꤧ꤬ ꤒꤢ꤬ꤟꤢꤩ꤬ ꤢ꤬ꤙꤛꤢ꤬ꤡꤢꤧ꤬,” ꤢꤨ꤭ ꤚꤢ꤭ꤥ꤬ ꤖꤢꤨꤔꤌꤣ꤬꤯

Tè̤dyéluô̌htya 19:16 교차 참조

Matteo 25:40

“Khwí yětôprè̤ ki hésû èthǐ, ‘Vǎ hélakǒ cò́ thǐ, dố vǎ puố̤vyá̤ tahe aklè̌, thǐ me̤cwó̤nò́ kayǎ dố ǔ tane̤ patílố lǔ tôprè̤ nuôma má̤hò́ thǐ me̤cwó̤ vǎ hò́.’

Timothy aré̤lố tôba 6:15

Cò́maryadu dố kayǎ htuthè́htyaní̤ lǔ yětôprè̤ ná tû́prè́ è tôprè̤ dố a pố tè̤ lò̌꤮ plǐ yěnuô, ná khwí tahe a Khwí, Byacè tahe a Byacè yětôprè̤nuô, a ki nò̌hyǎ oluô̌htya dû Jesǔ Krístu bí ashuốkhè̌ tǎ̤tǒtǎ̤bè hò́ nuô pǎ.

Tè̤dyéluô̌htya 1:5

Thǐ ki ní̤bè kuô̌pó̤dû Jesǔ Krístu dố a khyáathè́ cò́cò́te̤te̤ yětôprè̤ abwíataryě ná a tè̤thuôtè̤krě ní꤮. Kayǎthyě rò a htwǒprè̤ ka̤khyě aklè̌nuô, è ma prè̤ dố a htwǒprè̤ ré̤lố ǔ tôprè̤ hò́. È ma prè̤ dố a pố hekhu akhwí tahe. È ma a mo̤ní̤ nyacò́ pè̤ htuô̌to dố a thyě akhu-akhyě a me̤lwóhteka̤ pè̤ dố tè̤thû́tè̤ora akǔ.

Tè̤dyéluô̌htya 17:14

Èthǐ ki sá thímíphú nuôtôduô̌ pǎ, manárò thímíphú yětôduô̌ ki sápé̤kyǎ èthǐ pǎ, me̤těhérò thímíphú yěnuôma má̤ Byacè tahe a Byacè, khwí tahe akhwí, rò kayǎ dố a okuô̌ ná è nuôtahe ma má̤hò́ kayǎ dố Cò́marya è́ nyǎ èthǐ, htuô̌to Cò́marya nwóhtya nyǎ èthǐ, htuô̌rò èthǐ ma kayǎ dố acò́ ná angó̤ tahe.

Tè̤dyéluô̌htya 2:17

“Nè̤ khǎlè ki o rò ní̤dǎ tè̤ dố Cò́marya a Thè́ Sǎsè̌ héso prè̤zṳ̂́etè̤plò́mṳ yětahenuô. A hé phútěhérò, lò̌꤮ kayǎ dố a me̤pé̤ tè̤ tahenuô vǎ ki dyé è khò́mǔmǎna dố ǔ dya-ouố è yěnuôtôklò̤́ pǎ. Htuô̌rò vǎ ki dyé èthǐ lò̤́bǔ tôprè̤ tômě pǎ, rò ǔ rǎo mwi̤thè̌ dố alo̤ yěnuô pǎ. Mwi̤thè̌ yěnuô ǔ thè́gně è tôprè̤꤮ to, thè́gně tû́prè́ kayǎ dố a ní̤bè lò̤́yěnuô tôprè̤꤮ tuô̌ prè́.”