Tè̤dyéluô̌htya 17:12 - Kayah Western (Latin)

¹² Anò̤ o phyǎshyé dố nè̤ myáhtye htuô̌hò́ ènuô ma má̤hò́ khwí aprè̤shyé dố a pố tyahí htyěké̤ to tahe tadû́rò ǔ ki dyé èthǐ taryěshyosò̌ dố a ki pố nyě̤ míní shyěthuô̌thyó pǎ. A ki pố tố̤kuô̌ tè̤ ná tè̤mi̤tè̤myá̤ phú khwí tahenuô pǎ.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

¹² ꤢ꤬ꤔꤟꤢꤪ꤬ ꤥ꤬ ꤖꤛꤢ꤭ꤏꤛꤢꤩ ꤘꤣ ꤔꤟꤢꤧ꤬ ꤗꤛꤢꤓꤛꤢꤩ꤬ ꤓꤌꤣ꤭ꤟꤢꤪ ꤢꤧ꤬ꤔꤌꤣ꤬ ꤗꤢ꤬ ꤗꤟꤢꤟꤢꤪ ꤡꤢꤪꤖꤛꤢ꤬ ꤢ꤬ꤕꤚꤟꤢꤧ꤬ꤏꤛꤢꤩ ꤘꤣ ꤢ꤬ ꤕꤣ ꤒꤛꤢ꤬ꤟꤤ ꤓꤛꤢꤩ꤭ꤊꤟꤢꤩ ꤒꤥ꤬ ꤒꤢ꤬ꤟꤢꤩ꤬ ꤒꤢ꤬ꤘꤣ꤬ꤚꤢꤪ ꤢꤨ꤭ ꤊꤟꤢꤦ ꤘꤛꤢꤩ ꤢꤧ꤬ꤞꤤ꤭ ꤒꤢ꤬ꤚꤛꤢꤩ꤭ꤏꤛꤥ꤬ꤏꤢꤪ꤭ ꤘꤣ ꤢ꤬ ꤊꤟꤢꤦ ꤕꤣ ꤑꤟꤢꤩ꤭ ꤗꤤꤔꤤ ꤏꤛꤢꤩ꤭ꤞꤌꤣ꤭ꤞꤛꤥ ꤕꤢ꤭꤯ ꤢ꤬ ꤊꤟꤢꤦ ꤕꤣ ꤒꤟꤣꤊꤟꤌꤣ꤭ ꤒꤟꤢꤧ꤬ ꤔꤢ ꤒꤟꤢꤧ꤬ꤗꤟꤤ꤬ꤒꤟꤢꤧ꤬ꤗꤟꤛꤢ ꤖꤢꤨ ꤡꤢꤪꤖꤛꤢ꤬ ꤒꤢ꤬ꤟꤢꤩ꤬ꤔꤌꤣ꤬ ꤕꤢ꤭꤯

Tè̤dyéluô̌htya 17:12 교차 참조

Tè̤dyéluô̌htya 10:11

Phúnuôhtuô̌rò ǔ hé vǎ, “Nè̤ bè hépro̤ one khyěthyá pé̤ kayǎ è́prè̤, myěcô è́cô, prè̤hébè khólǔ ngó̤ è́cô ná khwícò́phya è́prè̤ yětahe ari-akyǎ ní꤮.”

Tè̤dyéluô̌htya 12:3

Rò tè̤mátè̤dyǎ khókhye dố aruô tôcô oluô̌htya pó̤ dố mò́lè̤̌. Rò plya̤li̤du dố a khuklò́o thuô̌thyótômě, anò̤ o aphyǎshyé rò a klwǒ̤ní̤ lò̌ khuklwǒ̤htè̌ dố a khuklò́lo̤ pwǒ̤tômě cò́.

Tè̤dyéluô̌htya 13:1

Bínuôakhè̌, vǎ myáhtye tè̤mi̤tè̤myá̤ tôduô̌ o dố htyědutava̤ akǔ rò a hyǎhtya. Anò̤ o aphyǎshyé, a khuklò́o thuô̌thyótômě, anò̤ pwǒ̤꤮ tôbǒ nuô, a khuklwǒ̤htè̌ olò̌plǐ, htuô̌rò dố akhuklò́ pwǒ̤tômě alo̤nuô ǔ rǎ olò̌plǐ lǔmwi̤ ná tè̤pacyé̤ishyé Cò́marya phúnuô.

Tè̤dyéluô̌htya 17:16

Anò̤ o aphyǎshyé dố nè̤ myáhtye htuô̌hò́ nuô ná tè̤mi̤tè̤myá̤ nuôtôduô̌ ki thè́htekyǎ himyáphèmuố̤ nuôtôprè̤ pǎ. Èthǐ ki phyéphekyǎ lò̌phe lǔ lò̌꤮ tè̤ dố a o ná lǔ nuôtahe pǎ, rò a nò̌ okhǎklo̤kyǎ lǔ pǎ. Èthǐ ki ekyǎ lǔzye pǎ, rò a ki sû́û̌kyǎ lò̌ lǔ ná mi pǎ.

Tè̤dyéluô̌htya 18:10

Èthǐ thè́isě ná pǎma a khyábè tố̤kuô̌ tè̤cyě̤yě he꤮ a tane̤ lahyǎ rò a cuốo kahtòmyá lahyǎ dố aye̤ rò a hé lahyǎ, ‘Kố꤮ a taròthè́ thyěkyǎ hò́ ní꤮, acyě̤ thyěkyǎhò́ nè̤ ní꤮, Kố꤮ Babylonia, nè̤ ma vǐ̤duvǐ̤htǔ, vǐ̤tanyǎ nyacò́ tôvǐ̤ manárò Cò́marya cirya prè́ nè̤ taplô̤phú rò nè̤ pyékyǎ lò̌ cò́ ní꤮.’

Tè̤dyéluô̌htya 18:17

Khǒnyá̤yě Cò́marya ciryaprè́ nè̤ taplô̤phú akǔ rò, lò̌꤮ nè̤ tè̤duzá̤htyathè̌ nuôtahe lamé̤kyǎ pé̤lò̌ hò́ nè̤.’ “Lò̌꤮ thòklyědu khuklò́ ná prè̤krwǒ sidyákuô̌ tahe ná prè̤me̤tè̤phú tahe ná lò̌꤮ kayǎ dố aruô tahe dố a myápṳ̌e ahò́kǔsè ná tè̤cuốtè̤ka̤ dố htyědutava̤kǔ yětahenuô, a ki cuố kahtòo taphǎye̤kyǎ pǎ.

Tè̤dyéluô̌htya 18:19

Èthǐ ki dyéluô̌ a tè̤thè́plè̤̌ rò a ki phahtya lahyǎ hemû dố a khuklò́khu pǎ, rò a kinguố̤kihè lahyǎ pǎ, rò a ki hé lahyǎ, ‘Kố꤮ a taròthè́ thè́isě thyěkyǎ hò́ vǎ ní꤮, Kố꤮ acyě̤ thyěkyǎ hò́ nè̤ ní꤮. Nè̤ ma vǐ̤du tôvǐ̤ rò, lò̌꤮ kayǎ dố a thòklyědu o dố htyědutava̤ akǔ tahenuô, a duzá̤htyathè̌ lahyǎ ná nè̤tè̤ ngṳdupri̤du akhu-akhyě manárò, Cò́marya ciryaprè́ nè̤ taplô̤phú rò, nè̤ pyékyǎ lò̌ cò́ hò́.