Pagaa 22:12 - Kewa East: Gotena epe agale

¹² Gore Yesumi pagalepape lisa. Neme wagepu ipuma nimi giape rudu maa epalua lisa. Go puma enaali raayome kogono pisimi-rupa adomare go madaa neme nimuna yoto rumaalua lisa.

Pagaa 22:12 교차 참조

Matyu 16:27

Abiri enaali Raapu Pirape alina Siri nipuna Aapana epe paana purimi nipuna ensel-nu raapu epalia. Go raburi enaali raayo nimuna kogono peme-rupa mada yoto katea.

Rom 14:12

Go pea-le naa komea komea laalopuri naana pemade kogonore Gote lakelamina.

1 Korin 3:14

Go page ali medame nipuna ada go ada madaa paare repena sulaa mada naralia-daare go madaa epe yoto mealia.

1 Korin 3:8

Eda kili wai poaaya enaalinu-para ipa katea enaalinu-para nimu bi komea-rupa meme. Gote-me enaalinuna kogono abala adoma go madaa yoto rado rado gialia.

Pagaa 11:18

Gore mo pa ribaale-para piri enaalinumi ora rono waru pagalimi. Gore abi nena rono pagape di re-para saina-le Kome enaalinu kose lena epa aalimi. Abiri neme naa kogono naakinu-para Nena agale raluma ae alinu epe yoto kalaina. Go puma nena ruru raayo page naralinu page adaa bi wimi enaalinu page Nimumi ne paalame komalimi-le Epe yoto meape yape di abi go ipula-daa. Go page abiri enaalinumi su makoyaaeme-pulu Nimu tyape di abi go ipula-daa.

Pagaa 2:23

Go puma go ename madu saliade nogo naakinu nimu raayo page tyabalua. Go palua rabu lotu ada raayo-para kiritape enaalinumi mada adalimi. Gore neme enaali raayona kone-para ado rekele muma adoba pi-daa lalo. Neme nimi komea komea lo kogono adalua rabu go madaa yoto abutua.

Pagaa 20:12

Go puma neme abala kome enaali raayo adisua. Go puma mo enaali naralinu-para mudunu-para ali mudu pirape siaa wia-nane rekaasimi. Go puma mo siaa madaa piri alimi buk lobenalo maa kalisimi. Go puma ora epe-rupa kagaa piramala pope buk page mea lobesa. Go pumare nipumi buk-nupara nimuna pisimide kogono adoma rumaasa. Go rabu mo abala kome enaali raayo kose naloma yoto rumaasa.

Pagaa 22:20

Gore Yesumiri go agale raayo madaa nipuna ora agale lea-le loma kone mapiraalimiri go-rupa lalo: Go agalere ora yaade. Go pea-pulu ni page wagepu epalua lisa. Gore Mudu Ali Yesu ne wagepu nipu.

Pagaa 22:7

Yesumi talo: Pagalepape. Niri nimi piri-para wagepu epalua. Gore enaali raayome Gote-na agale go buk madaa wia waru pago piralimiri nimu raaname waru komena lisa.

Pagaa 3:11

Go pumare pare nimi piri-para werepe epalua. Go pea-le nimina saapimi elere waru irulu saapiralepape. Go palimi rabu pa ali medame nimina ade abuna mapiraape yoto-daa paake namealia.