Pagaa 12:2 - Kewa East: Gotena epe agale

² Go ena nogo naaki padaa pirisa-pulu maitapena koau nisa. Go puma ora radaa waru pisa-pulu nipumi puri paloma epa yaalisa.

Pagaa 12:2 교차 참조

Matyu 24:8

Go ele raayo abala ririna epalia pare ename naaki maitalo koau nalade-rupa epalia.

Jon 16:21

Go-rupa lisa: Nogo naaki madialimi rabu enanumi nimuna madini di rudu lea rabu enanuna pu robaa-para kedaa pea. Pare nimumi mo nogo naaki madu sumare pedo pedo puma kedaa pi kone nasalimi.

Galesia 4:19

Gore nana nogo naakinu ni nimi madaa radaa go-rupa pia. Enanumi naaki maitalo koau nalade-rupa radaa pia. Go radaa no piralo-le Yesu Keriso-na konere nimina lo robaa-para waru rubitabaliade rabu go kone pu dia yaalia.

Galesia 4:27

Gote-na agale wi buk-miri saa pi agale meda go-rupa lea: Go ename nipuna lo robaa-para kaapu lisa-daa nogo naaki namadisa. Pare abi raana komape. Go ena abala nogo naaki radaa napina namadea pare abi raaname komea-le epe-rupa pirape. Go ena aali giyena pa pirimiri nogo naaki adaapu madea. Pare aali piri enanumi nogo naaki go-rupa mada namadialimi ta.

Pagaa 12:4

Gore kuba raayo robo repo rumaaoma mo kalu kepa kepa pi 7-pela ae daliki adaae nipuna aapumiri so yaa-para ae kuba kedo robo komea maa yoloma no su kamaa maa lopasa. Go puma so yaa-parare kubana robo laapo komeare pa aasipi. Go kero mukunumi mo ena nogo naaki maitalo pisade enana le agaa madaa epa rekoma aasa. Gore nipumi adapaba pirina nipumi mo naaki madu wi mea nolalo pisa.