Hibru 4:7 - Kewa East: Gotena epe agale

⁷ Go-rupa pomo mu piralimi-daare Gote-me yapi di rado meda page mea wisa. Go wisa yapi di-na biri ora go rabu-le go bi abi maasa. Werepe maali adaapu abala patinaloma Gote-me Devit lakenaloma Devit-mi buk-para lu mapaitaasa. Go agalere naame go-rupa yarepealima: Go rabu nimimi nipuna agale pagalimi rabu Nimina lo robaana pora poalepape lisa.

Hibru 4:7 교차 참조

Matyu 22:43

Go-rupa lisimi rabu nipumi nimu lakalisa: Holi Spirit-mi ake paa-daa Devit-na kone marekaasa-daa nipu ake paa-daa nina ali mudu lisana ya? Gore Devit-mi talo:

Mak 12:36

Holi Spirit-mi Devit kone kalisa-pulu Devit-mi gu-rupa lisa: Gote-me nina Ali Mudu-para gu-rupa lakalisa: Nina popo ki-nane ali mudu piraina-le lore alinu nena age rolo-para marabuaniaalua lisa.

Luk 20:42

Buk Sam madaare Devit nipuna agale gu-rupa lisa: Gote-me nina Ali Mudu-para gu-rupa lakalisa: Naa popeke ki-nane ali mudu mapiraalia lisa.

Aposel 2:29

Ame balinu-ya, naana kasua Devit-na agale epe-rupa lagialo. Nipu komenaloma tapa-para rogaasimi. Go puma nipu rogaae kana apedaa go su-para aaya.

Aposel 2:31

Devit-mi Yesuna papeanu werepe epaliade elenu adisa-pulu nipu rekape-ai agale lakalisa. Go puma Keriso kome enaalina su-para napiruma yogale page naramualua lisa.

Aposel 28:25

Gore nimumi agale rado rado loma pulalo pirisimi rabu Pol-me agale meda gu-rupa lakalisa: Go Gote-na agale lakale ali Aisaia-me agale waru lisa. Holi Spirit-mi nimina kasuanu agale lakalisa-pulu Aisaia-me buk madaa gu-rupa lu wisa:

Hibru 3:15

Go madaare Gote-na buk madaa wi agaleme go-rupa luma su aaya: Gore abi go rabu nipuna agale pagalimiri gore nimi lo robaa narogaatepape. Abalade nimimi nipuna agale yokoma koe enaali pirisimide-rupa go kone namogealepape lisa.