Hibru 11:3 - Kewa East: Gotena epe agale

³ Naame page go-rupa kone rulaema. Go puma Gote-me su yaa laapore go agaleme warisaaya-daa makuaaema. Go puma ele raayo naame namakuaaema elenu muma Gote-me warisa.

Hibru 11:3 교차 참조

Jon 1:3

Gote-me ele raayo go Agaleme warisa-pulu wariape ele meda pa-rupa na-opapalisa.

Aposel 14:15

Go konere ake paa-daa wimi pae? Saa ora nimi pa ali laapo pipa. Saame Epe Agale lagula epapa. Nimimi komape remonu giyoma ade abuna piri Gote madaa kone rulalimina. Gote-mere su yaa ipa page nipuna piri ele page warisa.

Aposel 17:24

Gore Gote-me su kamaa wi elenu-para su raapu warisa. Go Gote-re su yaa laapona Mudu Ali yaa-pulu enaalinumi warili adanu-para napia.

Rom 4:17

Go pumare Gote-na agale buk-mi gu-rupa lea: Ni Gote-mere Abraham su adaapuna aaraa mapiraayo lisa. Go pea-le naa kone rulae enaalinuri Gote-na le agaana Abraham-na si wane pima. Gote-mere kome enaalinu wala marekaaoma puri pale agale katea rabu abala nimu kagaa piralimi.

1 Korin 2:7

Dia, neme Gote-na kone lakele raburi abalade go pagaa wi konere Gote-me su kamaa piri enaalinu pename nawisade. Gote-me su yaa nawarisa rabu nipumi naa go epe paana puri gulalo yarare pisa-pulu nipuna makuaae konena re managola adema.

1 Timoti 4:5

Gore Gote-na agale-para beten laapomere naa Gote nipuna ruru ma-aulaaya.

Hibru 1:2

Go lisimi pare abi page ora werepe yapi di rabu Gote nipuna Simi naa nipuna agale lagu aaya. Gore Gote-na Si nipumi go su ele raayo warisa. Go puma su yaa perekealia rabu Gote-me nipuna Si ele raayo minalo mapiraasa.

Hibru 6:5

Gore nimumi Gote-na agale pagoma nimu pora pamuma ora epelea kone wisimi. Go puma nimumi Gote-na werepe epape Di-na puri medaloma adisimi.

2 Pita 3:5

Go lalimi pare nimumi go ora agale giyoma go-rupa namakuaalalo pimi: Ora abalade Gote-na agaleme su yaa laapo warisa. Go puma go suri ipa raapu wari wisa-le ipame page warisa.

Pagaa 4:11

O Gote, nere naana Mudu Ali komea yaade. Ne komeare enaali raayome epe paana puri page Bi minasaape kone page puri raayo page meaina leme. Gore abalade neme ele raayo warisi. Go puma neme kone suma ele waru pisi rabu Go ele raayo epe-rupa pirape kone kalisi leme.