1 Jon 4:2 - Kewa East: Gotena epe agale

² Gore ora Gote-na Holi Spirit-mi go agale lakela pea yaalore go-rupa adalimina: Ali raayome Yesu Keriso su kamaa madisa rabu ali aulisa leme-daare go alinuri nimuna lo robaa-para Gote-na Holi Spirit pia.

1 Jon 4:2 교차 참조

Jon 1:14

Go Agalere nipu yogale ma-aoma saba ali-rupa pirumare naana rikirana epa pirisa. Nipuri nipuna Aapana Si komea yaa-pulu Aaraana puri paa mu pirina adema. Naana rikirana pirisa rabu ora agale-para raba meape kone page nipuna lo robaa-para rubitabesa.

1 Korin 12:3

Go pea-le waru pagalepa: Gote-na Holi Spirit-mi ali meda pora mea waatea-daare go alimi Yesu-para go-rupa napeape mada natea. Go page Holi Spirit piri ali medame Yesuri ora Mudu Ali pia mada tea.

1 Timoti 3:16

Gore Gote-na agale mea waalisa-daa go agalena re gore ora adema. Go-rupa pea-pulu ali medame go epe agale madaa narabuainalia. Naame Keriso madaa go-rupa lema: Nipu ora ali aulaoma yogale muma su kamaa ipisa. Nipumi Holi Spirit-na epe pora raayo pename mea waalisa. Go rabu ensel-numi page adisimi. Enaalinumi nipuna ruru raayo piri-para mogelesimi. Su kamaa enaalinumi raayome nipu madaa kone rulasimi. Go-rupa puma Gote-me nipuna epe paana puri kalalore nipu so yaa madaa maa pisa.

1 Jon 1:2

Go ade abuna pirape agalere abalade pename kamaa ipisa rabu naame adisima. Go pea-pulu naame go ele madaa agale loma epe-rupa ade abuna pirape ele madaa remaa laketema. Abalade nipu Aapa raapu pirisa pare kamaa pename ipisa-pulu naame nimi lagialema.

1 Jon 2:23

Go puma Si Yesu koau waalea rabu aapa page koau waalea. Go pea pare Si Yesu madaa kone rulalia-daare Aapa madaa page kone rulalia.

1 Jon 4:15

Gore enaali raayome Yesuri ora Gote-na Si leme-daare nimuri Gote raapu komea-para pirina Gote page go enaalinuna lo robaa-para pia.

1 Jon 4:3

Go pea pare ali raayome Yesu su kamaa ali pirisa lo naleme-daare go alinu nimuna lo robaa-para Holi Spirit napia. Yesu madaa makirae agale leme-pulu nimuna lo-parare koe remo Satan pia. Gore abalade go ali epalia lo remaa pagisimidere abiri go su kamaa abala epa pia.

1 Jon 5:1

Enaali raayome Yesuri ora Keriso Mesaia piruma go su kamaa ipisa-daa kone rulalimiri nimu Gote-na si wanenu pimi. Go puma enaali raayome nimuna aapa madaa ranaame komalimiri gore nipuna si wanenu-para page go kone salimi.

2 Jon 1:7

Gore Mudu enaali adaapumi naa makiralalo su raayona pora pamuaeme. Go puma nimumi Yesu Keriso nipu abalade su kamaa ali naipisa leme. Gore ali medame go-rupa teare go ali nipu ora makirae agale le ali piruma nipu Keriso-na yada lore ali pia.