1 Jon 4:18 - Kewa East: Gotena epe agale

¹⁸ Enaali raayome ranaame komalima-daare koe kedaa madaa paalame nakomamina. Dia-le go yago raana kome kone rubitabea-pulu go konemere paalame komape kone ralu rubalia. Go puma enaali raayome koe ele madaa koe kedaa mealua kone salimi-daare nimumi paalame komalimi. Go pea pare enaali raayome paala komalimi-daare nimuna lo-parare ranaa komape kone narubitabea.

1 Jon 4:18 교차 참조

Matyu 9:34

Pare Farisi alinumi talo: Koe remonuna ali mudumi nipu puri kalenaloma go remo koena ali kalunumi puri kalenaloma pamu pia lisimi.

Rom 8:15

Gore Gote-na gisade Holi Spirit-mi nimi paala komape kogono adili enaali-rupadaa namapiraaya. Dia, pare Holi Spirit-mi nimi Gote-na si wane mapiraasa-pulu naame Gote-para naana Aapa mada lema.

2 Timoti 1:7

Dia nipuna Holi Spirit-na puri naana lo robaa-para rubitaboma naa puri paloma ranaa komape kone suma naa surubema. Go-rupa puma naame paala nakomoma kogono pamina.

Hibru 12:28

Naame Gote-na Surube Suri lewa lewa nalina mealima-pulu Gote-para ora pili lamina. Go puma nipuna raaname komea kogono puma naame beten waru loma nipuna kone mu piramina. Go puma naame nipuna bi minasaoma nipu madaa paalame komamina.

Jems 2:19

Gore neme Gote ora komea kama raapu pia kone go-rupa rulaaye pa? Go kone ora epelea pare koe remonumi page go-rupa kone rulaeme-pulu nimu waru pogolasaeme.

1 Jon 4:12

Gore abalade go su kamaa piri ali medame nipuna leme Gote-na le agaa na-adisa. Dia, pare naame naana ame balinu-para ranaame komalima-daare Gote naa raapu piruma nipuna ranaa komape konere naana lo robaa-para waru rubitabalia.