Tîtɛ 3:9 - Kɑɑ Fí

⁹ Lɑ́ pɑ́ɑ nɛzɔŋ mɛnu kɛ́ tú, ḿbɑ́ɑ mɛnu nǔu mɛlík-pɛmɑ̂ŋɡɑpnjẅɛt, ḿbɑ́ɑ nɛzɔŋ nu ńdɔk ɛ́shɔt shʉ́-nɛpʉ́ʉ-Mɔ̌sɛ̂ɛ, ɛ́ mɛnu kɛ́ tú mi mbɔ ɛ́ pɔɔ cẅɛ́lɛ́.

Tîtɛ 3:9 교차 참조

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 8:1

Ɛ́ ɡʉ nǔu nu-pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ ɛ́ nɛ́nẅín ŋɡɔ pʉʉ pɛtsʉʉ júk ńcú ŋɡɔ pʉʉ jínɛ nu nǔu. Lɑ́ yîyɑ́ ntɛ́ jínu ɡɛ ŋu ŋɑ́Ꞌlɛ ŋɑ́Ꞌlɛ́nɛ. Lɑ́ yúu mi ɛ́ ɡɛnɛ pɛ́ kẅiꞋ ńzɑ́p pɔ tʉ́m nǔu Sɛ́, ɑ ŋu nɛpɔ́ ŋ́kɔŋ mɔ́ɔmɑ́ wɛ.

1 Timɔtɛ́ɛ 4:7

Kɛ́ ḿbɑ́ɑ mɛnu mɑ́pítsɔꞋ mi ɛ́ kɛ́ cẅɛ́lɛ́ pɔ́, tɛ ńtsʉ́Ꞌ pɔ́Ꞌɔ, ɛ́ tɔꞋ pɔ pʉɔ nɛzɑ́p tʉ́m nǔu Yɛ́su. Kɛ́ ḿbɔ́ ńzíꞋ pɔ nɛɡɛ yúu mi ɛ́ ḿbɔŋ Sɛ́.

2 Timɔtɛ́ɛ 2:14

Mɔnɛ mɛnu tsʉʉ mi ɔ ɡẅɛɛ nɛkẅíitɛ mbɔ̌ pʉɔ tsʉʉ, ńtʉ́ʉ mbi Sɛ́ ɛ́sɑ́ɑnɛ sɑ́ɑnɛ́nɛ ɛ́sẅíi pʉɔ ŋɡɔ kɔɔ pɔ́p kɑ́t ńzɔŋ nu. Pɔ́p zɔŋ nu pɔ́Ꞌɔ, ɛ́ pɔɔ cẅɛ́lɛ́ nǔu yɛcɔ́ yúu pɔ́, tɛ ńtsʉ́Ꞌ pɔ́Ꞌɔ, mbɔ ɛ́ ḿbʉ́ʉpɛ pʉɔ pi pɔ́p zúꞋnɛ mîmɑ́ mɛnu pʉ́ʉpɛ́nɛ nzʉʉ Sɛ́.

2 Timɔtɛ́ɛ 2:16

Pɑ́ɑ nɛzɑ́p wú ntsu nǔu wɛ pɑzɔŋ mɛsẅíŋɛ mi ɛ́ pɔ́ pɔ níinɛ, mɛsẅíŋɛ mi ɛ́ tɑ́ɑtɛ ŋu tɑ́tɛ́nɛ nɛzɑ́p tʉ́m nǔu Sɛ́. Pʉɔ pi pɔ́p zɔŋnɛ mîmɑ́ mɛsẅíŋɛ kɛ́ ḿbɔ́ ɛ́fú nɛjɔ́ŋ Sɛ́ ŋ́kẅiꞋ ŋ́kʉɔ kʉɔnɛ.

2 Timɔtɛ́ɛ 2:23

Kʉɔ mɛnu mi pɛ́ júknɛ ńzɔŋ ɛ́ pɔ́ pɔ mɛ ɡʉɡʉʉ mɛnu mi ɛ́ kɑ́ cẅɛ́lɛ́. Ɔ jí ŋɡɔ pɛ́ zɔŋ mîmɑ́ mɛnu tɛ ńtsʉ́Ꞌ nɛmɛk, ńtɑ́k pɔ mɛfɛꞋ.

Tîtɛ 1:14

pɔ́p pɔɔ pɛn ńzúꞋ mɛnu-mɑ́pitsɔꞋ-pɑyúdɑ, ńcʉŋɛ nǔu pɔ́, tɛ mbɑ nɛpʉ́ʉ ni pʉɔ pi pɔ́p tɛ́mnɛ ŋkwɛn nǔu nu yi ɛ́ nɛ́nẅín zɑ́pnɛ.

Jɑ̂k 4:1

Mɛntsu mɛntsu pɑ́Ꞌɑ ɛ́fú ɡɔ́ tsɛtsɛt pʉʉ? Mɛlɑ́Ꞌ ɛ́fú ɡɔ́ tsɛtsɛt pʉʉ? Ŋ kwɑŋɛ ŋɡɔ ɛ́ fú nǔu yʉʉ ntɛ́ nɛtsɑ́ɑ yúu mi ɛ́ tsɛt tʉ́m yʉ́ʉ tsʉ́ʉnɛ́nɛ wʉ́ʉ.