14 Ɛ́ píkŋɛ ŋɡɔ pɔ́ɔpɛ́mɑ́ pɛkŋɛ nzʉʉ Kɛlístɔ ɡẅɛɛ nɛsɑ́Ꞌ tʉʉ ŋ́ɡɛ mɛnu sʉ́Ꞌnɛ, nɛlɔk ńcẅɛ́lɛ́ pʉɔ pi kwɑꞋ nu tʉ́ʉnɛ nǔu pɔ́p, kɔɔ pɔ́p pɔ́ pʉɔ kɛ pɛ́ ńdúꞋnɛ wɔ́p.
A jʉ́ɔ tʉ́-ŋɡɛ̌m mbʉʉ-sɛ̂ndúŋ, ŋ́ɡʉ nɛtsɛ́n nú, ńjʉ́ɔ pɔ ndɑꞋ mɛfu nǔu, ńcú mbɔ̌ tʉ́ ɛ̂yɑ́ ŋɡɔ: «Ɔ kɛ́ lɑ́Ꞌ ḿbɛn ńzɛ́m ntɑ́ɑ pɔ́!» Tʉ́ ɛ̂yɑ́ ɡɔ́ɔ ńzúu.
Tʉ́ tsʉʉ yi ɛ́ kɑ́ pɔ́ ńzɛ́m ntɑ́ɑ sʉ́Ꞌnɛ pɔ́, pɛ́ kʉ́ɔꞋ ńtɔɔ múk.
«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»
«Yúu mi ɛ́ lɑɑ ḿbɔ́ ɛ́ ɡɛ pɛ́ ɡúꞋlɛ Tɑ̌ɑ mɔ, ɛ́ pɑ́Ꞌ ɛ́ lɑɑ ḿbɔ́ pʉʉ ɡɛ yúu sʉ́Ꞌnɛ tɛꞋ, ḿbɛn ḿbɔ́ ɡɑŋku pɑ́ɑ.»
Pɑ́Ꞌ pɔ́p pɛ́ pɔ́p kɑ pɔ́ ɛ́fɑꞋ pɔ tɑ́Ꞌ ntɛ́ fɑꞋ, ɛ́ pɔ́ ńniitɛ mɛntɑp lɑ́, Pɔ̂l tsʉ́Ꞌ ńtswɛ́ pɔ njɛ́Ꞌ pɔ́p, pɔ́p pɛ́ pɔ́p tɛmtɛ ɛ́fɑꞋ.
Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»
Yúu lɑɑ ńjɑ́k mbɔ̌ pɔ́ɔpɛ́mɑ́, pʉʉ pʉɔ-Kɛlístɔ, pʉʉ cẅɛ́lɛ́ wɔ́p. Pʉʉ ńnɑ́ŋ ńcẅɛ́ɛ pʉɔ-túu sʉ́Ꞌnɛ.
Mɔ ŋ́ɡɛ ḿbɔ́ tɛ ŋ́ɡʉ ŋ́ɡɑ́ yɔ ŋkɑ́p yi pɛ́ kɑ mɑꞋnɛ lɑɑ, ŋ́ɡʉ Ɛspɑ̂nɛ, ŋɡɔ ŋ́ɡʉ ńdɛɛ wɛ́ lɑ́Ꞌ pʉʉ.
Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,
Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.
Ŋ kɑ pɔ́ tɛ ŋ́kúu Tɛsɑlɔnik, pʉʉ túu yúu mi ɛ́ kɑ pɔ́ ńjɑ́k mbɔ̌ mɔ. Pʉʉ kɑ túu mɛŋkɑ́ tɛ ńzɑ́ɑ.
N cú pɑ́Ꞌɑ, ɛ́ pɔɔ pɔ́ pɔ ŋɡɔ mɔ sɛ́ ńdɔɔ pɔ yúu mi pɛ́ ɡʉ ńtúu ŋ́ɡɑ́ mbɔ̌ mɔ pɔ́. Mɔ sɛ́ ńtsɑ́ɑ pɔ ŋɡɔ Sɛ́ fú nǔu ńníꞋ mbɔ́tnɛ nǔu pʉʉ.
Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.
Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.
Pɛk ŋ́kɑɑ ńjʉ́ yúupɛjʉ́-ŋu níinɛ pɔ́, pɛk kɑ fɑꞋ tɛ ŋ́kíɛ ziꞋnɛ lɑ ńjʉ́ yúu, ɛ́fɑꞋ nɛtúꞋ mbɑ nɛnɛm ḿbɔ́k nɛtsʉ́Ꞌ pʉɔ pi pʉʉ ɡʉ ńjúk ńzẅík wɔ́p zẅíknɛ.
Cú nu ɛ́ tʉ́ʉ ndʉ́ŋndʉŋ, yi ɛ́ lɑɑ ḿbɔ́ pɛ́ pɔɔ zɔŋ, ńjí ŋɡɔ pʉɔ pi pɔ́p lʉꞋnɛ nu-Sɛ́, ɡʉ ńjɑ́k nu kɛpɔŋ yi pɔ́p ɡʉ ńcú nǔu pɛkŋɛ, sʉ́ʉ kɔ́ wɔ́p.
Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.
MbíꞋŋɡɔ pʉʉ lɑɑ ḿbɔ́ ŋ́ɡɛ mɛnu mi pɛ́ kẅíinɛ lɑɑ, ḿbɔ́ ńdɔk ŋ́ɡʉ nɛ́ mbi, mbɔ ɛ́ ɡʉ ŋ́ɡɛ mbʉʉ yʉʉ zɑŋɛ nɛɡɛ yúu mi Sɛ́ kɔŋnɛ, ɛ́ pɛn ŋ́ɡɛ pʉʉ pɔ́ ŋ́kẅiꞋ ńjí ŋu ẅí Tsɑpʉɔ wɛkŋɛ Yɛ́su Kɛlístɔ jʉ́.
