Tîtɛ 2:14 - Kɑɑ Fí

¹⁴ KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Tîtɛ 2:14 교차 참조

Mɑtʉ̈ɔ 1:21

A ɡʉ ńtɑ́ɑ ḿbí mɔ́ɔ mbɛ́ɛnɛ, ɔ cẅi lík yɛ́ ŋɡɔ Yɛ́su, ńdɔk ńcú ŋɡɔ ɛ́fúŋ wɛ́ pɔ́Ꞌɔ, mbíꞋŋɡɔ jʉ́ ɡʉnɛ ŋ́ɡɛ pʉɔ-lɑ́Ꞌ pɔ́p luk ndɔɔ-mɛnu kɛpɔŋ mɔ́p. Yɛ́su lɔk ńcú ŋɡɔ luk.»

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑtʉ̈ɔ 3:12

A ɡʉ ńtɔ́ ńtíitɛ yúu pinɛ pɛ́ lɑknɛ ŋkɑ́Ꞌ. ŃníꞋ yɛ sʉ́Ꞌnɛ tsɛt ŋkɛn. Ńtsʉ́Ꞌ kyɑŋɛ ḿbʉ̈ɔt tsɛt múk ẅi ɛ́ kɛ́ lɑ́Ꞌ ḿbɛ́ pɔ́.»

Jɑ̂ŋ 10:15

Ndʉ́ŋndʉŋ pɑ́Ꞌ Tɑ̌ɑ mɔ sɛ́ ńjí wɑ́ɑ, m bɛn ḿbɔ́ ńjí Tɑ̌ɑ mɔ. Ŋ ɡɑ́ tú yɑ́ɑ ntɛ́ mɛnjinjɔ mɑ́ɑ.

Jɑ̂ŋ 6:51

KwɑꞋ mɔ, mɔ yúujʉ́ yi ɛ́ kuꞋnɛ nɛɡɛ pɛ́ pɔ́ ɡú, ɛ́ yi ɛ́ fúnɛ tʉ́nɛ́pú ńcúŋ. Ŋu lɑɑ ńjʉ́ yîyɑ́ yúujʉ́, mbɔ ɑ ɡʉ ńdɑ́Ꞌ ḿbɔ́ pɔ ɡú mɛŋɡuꞋ mɛŋɡuꞋ. Yúujʉ́ yi ŋ ɡʉ ŋ́ɡɑ́, ɛ́ mbɑp-mbʉʉ yɑɑ. Ŋ ɡʉ ŋ́ɡɑ́ lɑ́ ɛ́ lɛɛ pɔ́Ꞌɔ, pʉɔmɛsɔŋ ndǔmbí pɔ́ ɡú.»

ŊwɑꞋnɛ-Gɑŋntúu Yɛ́su Kɛlístɔ 15:14

Símɔ lɔ sɛ́ nɛkẅíitɛ wɛkŋɛ nɛ́ nu yí Sɛ́ kɑ ɡɛnɛ nǔu pʉɔ pí pɔ́p kɑ́ pɔ́ pɑyúdɑ pɔ́. Yîyɑ́ nu pɔ́ ŋɡɔ tɛ ɛ́fú nzɛnɛ, Sɛ́ zɑ́p ŋɡɔ ɑ ɡʉ ŋ́ɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńtsɔ́Ꞌ pʉɔ ńdɔk ŋ́ɡɛ pʉɔ pí pɔ́p pɛ́.»

ŊwɑꞋnɛ-Gɑŋntúu Yɛ́su Kɛlístɔ 15:9

Sɛ́ ŋ́kɑɑ kɛ́ ŋ́ɡɛ yɛcɔ́ sɑ̌ɑ tɔŋ tsɛtsɛt pɛk pɛpɔ́p pɔ́. A kɑ lɛɛ nǔu pɑ́Ꞌ pɔ́p zɑ́pnɛ tʉ́m nǔu Yɛ́su, ɛ́suk nu kɛpɔŋ tʉ́m pɔ́p.

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 9:36

Wɛcɔ́ mɑŋɡɛ́ pɔ́ Jɔp, lík yɛ́ pɔ́ ŋɡɔ Tɑpítɑ, ńdɔk ńcú ŋɡɔ Ndɔlkɑs nǔu cú-Ŋɡɛlɛk, ɛ́ lɔk ńcú ŋɡɔ ŋ́ɡɑ́p nǔu cú wɛkŋɛ. A pɔ́, mbɔ ɑ kɑ pɛ́m nu-Yɛ́su, ḿbɔ́ ŋ́kɑ́ tsʉʉ ŋ́ɡɛ pɔ nu sʉ́Ꞌnɛ, ḿbɛn ńtɔ́ɔtɛ pɑkɛ́yúu.

Ŋɡɑlɑ̂t 1:4

Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

1 Timɔtɛ́ɛ 1:15

Yɛ́su Kɛlístɔ kɑ tɔ́ ndǔmbí nɛɡɛ pʉɔ kɛpɔŋ luk, yîyɑ́ nu ɛ́ zúꞋu ḿbɔ́ pɔ́Ꞌɔ, ɛ́ lɑɑ ḿbɔ́ ŋu zɑ́p tʉ́m yɛ́ nǔu tsʉʉ tsʉʉ. M bɛn ḿbɔ́ tsɛtsɛt pʉɔ kɛpɔŋ ḿbɔ́ ndúu.

1 Timɔtɛ́ɛ 2:10

Ɛ́ píkŋɛ ŋɡɔ pɔ́p lɔk pɔ mɑt wɔp ńnyɛt ŋɡɔ pɔ́p pɑŋɡɛ́ pi pɔ́p síinɛ. Ɛ́ pɑ́Ꞌ pɑŋɡɛ́ pi pɔ́p ɡɛnɛ yúu mi ɛ́ pɔŋnɛ Sɛ́ ɡẅɛɛnɛ nɛɡɛ.

1 Timɔtɛ́ɛ 2:6

KwɑꞋ Jʉ́ kɑ ɡɑ́nɛ tú yɛ́ ńdɔk ńtsúꞋ pʉɔ pɛtsʉʉ mbɔ̌ nɛvú, ńdɔk pɔ́Ꞌɔ, ńnyɛt nǔu ŋkɑ́ yi Sɛ́ kɑ zɑ́pnɛ ŋɡɔ jʉ́ Sɛ́ sɛ́ ŋ́kɔŋ ŋɡɔ pʉɔmɛsɔŋ tsʉʉ luk.

1 Timɔtɛ́ɛ 6:18

Cú mbɔ̌ pɔ́p ŋɡɔ pɔ́p ɡɛ nu sʉ́Ꞌnɛ. NɛfɑꞋ mɛfɑꞋ sʉ́Ꞌnɛ pɔ́ yɔ́p fuꞋ, ŋɡɔ pɔ́p zíꞋ nɛɡɑp pɔ́, ńdɔk yúu pɔ́p ńcẅɛ́lɛ́ pʉɔ.

Tîtɛ 2:7

mbɑ nǔu kʉ̈ɔ́ lɑ́. KwɑꞋ ɡu tʉ́ʉ nǔu kʉ̈ɔ́ lɑ́, ńnyɛt pɔ fʉꞋ-yúu sʉ́Ꞌnɛ. Ɔ lɑɑ ḿbɔ́ ńzíꞋ pʉɔ nɛ́ yúu, ɔ zíꞋ wɔ́p pɔ ndɑꞋ nɛ́ nu yi Sɛ́ kɔŋnɛ, ḿbɛn ńzíꞋ tɛ ńjí yúu mi ɔ zíꞋnɛ yɛ́tɛ́.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Ɛ́bɛlʉʉ 10:24

Kɔɔ ŋu wɛkŋɛ likŋɛ nɛlíŋɛ mɔ́ɔmɑ́ wɛ, ḿbɛn ńdíŋɛ wɛ́, ńjí ŋɡɔ pɛkŋɛ ɡʉ ńdɔk pɔ́Ꞌɔ, ńníꞋ mɛtʉʉ mɛkŋɛ nǔu nɛɡẅɛɛ ŋkɔŋɛ mbɑ nǔu nɛfɑꞋ mɛfɑꞋ sʉ́Ꞌnɛ.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Jɑ̂k 4:8

Pʉʉ kẅɛ́Ꞌlɛ mbʉʉ yʉʉ ŋ́ɡɑ́ nɛ́ nɛjɔ́ŋ Sɛ́, ɑ kẅɛ́Ꞌlɛ yɛ́ mbʉʉ ŋ́ɡɑ́ nɛjɔ́ŋ pʉʉ. Pʉʉ ɡɑŋmɛfɑɑnɛ, pʉʉ suk mbɔ́ mʉ́ʉ, pɛŋkɔŋmík, pʉʉ cẅɛɛtɛ ntsɛ́llɛ́ tsɛt mɛtʉ́m mʉ́ʉ.

1 Pyɛ̂ 1:18

Pʉʉ zɛɛ ḿbɔ́ ńjí tʉʉndɛn yúu mi Sɛ́ kɑ ɡɑ́nɛ lɑ ńdɔk ńcẅɛɛtɛ wʉ́ʉ nǔu ntɛ́ nɛnɑ́ŋ ẅi ɛ́ kɑ́ cẅɛ́lɛ́ pɔ́, yi pɛtɑ́t pʉʉ kɑ zíꞋnɛ wʉ́ʉ. Yîyɑ́ yúu kɑ́ pɔ́ pɑ́Ꞌ tʉ́n-ŋɡɔ̂l kɛ ŋkɑ́p ɔɔ, yi ndɛn wɛ́ ɡʉ ńdɑ́Ꞌ lɛ́Ꞌ ḿmɛ pɔ́.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Pyɛ̂ 2:12

Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Jɑ̂ŋ 1:7

Lɑ́ ŋ́kɛ́ ḿbɔ́ yi pɛkŋɛ lɑɑ ḿbɔ́ ńnɛn nǔu zʉꞋ fúknɛ pɑ́Ꞌ jʉ́ nɛ́ tú yɛ́ nǔu zʉꞋ-fúknɛ lɑ́, mbɔ pɛkŋɛ ɡʉ ńtɛmtɛ ŋ́ɡẅɛɛ tɑ́Ꞌ ntsu tsɛtsɛt pɛkŋɛ, mɛci-Mɔ́ɔ nɛ Yɛ́su suk wɛkŋɛ nǔu nu kɛpɔŋ tsʉʉ.

1 Jɑ̂ŋ 1:9

Pɛkŋɛ lɑɑ ḿbɛ́m mɛfɑɑnɛ mɛkŋɛ, mbɔ Sɛ́ ɡʉ ńdikŋɛ ŋ́ɡɑ́ mbɔ̌ pɛkŋɛ, ɛ́fú nǔu pɛkŋɛ ńcẅɛɛtɛ nu kɛpɔŋ tsʉʉ, mbíꞋŋɡɔ Sɛ́ kɑꞋnɛ yúu ḿbɛn ŋ́ɡɛ, ɛ́ pɔ́ ndʉ́ŋndʉŋ.

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.