Tîtɛ 1:15 - Kɑɑ Fí

¹⁵ Kʉ̈ɔ́ lɑ́ kɛ́ lɔ́Ꞌ mbɔ̌ pʉɔ pi pɔ́p ɡẅɛɛnɛ tʉ́m lɛ́ɛnɛ́nɛ mbi Sɛ́. Lɑ́ ŋ́ɡʉ nǔu pʉɔ pi tʉ́m yɔ́p kɑ́ lɛ́ɛnɛ, pɔ́p pɔɔ zɑ́p nǔu Sɛ́ pɔ́, kʉ̈ɔ́ lɑ́ mbɔ̌ pɔ́p ŋ́ɡẅɛɛ pɔ lɔ́Ꞌ. MbíꞋŋɡɔ kwɑŋɛnu yɔ́p nɑ́ŋ ńtʉ́ʉ pɔ nǔu mɛnu kɛpɔŋ, tʉ́m yɔ́p pɔɔ lɛ́ɛnɛ.

Tîtɛ 1:15 교차 참조

Mɑtʉ̈ɔ 15:18

Lɑ́, yúu mi ɛ́ fúnɛ ntsu-ŋu ńcẅɛt, ɛ́ fú tsɛt tʉ́m yɛ́, yɛ́tɛ́ níꞋnɛ lɔ́Ꞌ nǔu ŋɡɑŋ.

ŊwɑꞋnɛ-Gɑŋntúu Yɛ́su Kɛlístɔ 10:15

Pyɛ̂ pɛn ńzúꞋ ŋɡi ɛ̂yɑ́ nǔu mbɑ́ɑtɛ yɛ́pɑ́, ɛ́ cú mbɔ̌ wɛ́ ŋɡɔ: «Yúu lɑɑ ḿbɔ́ tɛ Sɛ́ cẅɛɛtɛ lɔ́Ꞌ nǔu, kɔɔ pɛn ńji nji nǔu.»

Pʉɔ-Lɔ́mɑ 14:14

Mɔ sɛ́ ńjí, lɑ́ ńdɔk pɔ pɑ́Ꞌ n dɑtnɛ mbʉʉ yɑɑ nǔu Tsɑpʉɔ Yɛ́su, ńniitɛ ńjí ŋɡɔ yɛcɔ́ yúu kɑ́ pɔ́ ɡú yi ɛ́ ɡẅɛɛnɛ lɔ́Ꞌ pɔ́. Lɑ́ ŋ́kɛ́ ḿbɔ́ yi ŋu lɑɑ ḿbɔ́ ŋ́kwɑŋɛ ŋɡɔ lɔ́Ꞌ nǔu yɛcɔ́ yúu, mbɔ ɛ́ ɡʉ ḿbɔ́ nǔu yɛ́ tú lɔ́Ꞌ pɔ́ nǔu yîyɑ́ yúu.

Pʉɔ-Lɔ́mɑ 14:20

Kɔɔ pʉ́ʉpɛ fɑꞋ-Sɛ́ mbíꞋ nu yúupɛjʉ́. Ɛ́ nɛ́nẅín ŋɡɔ lɔ́Ꞌ kɑ́ pɔ́ nǔu yɛcɔ́ yúupɛjʉ́ pɔ́, lɑ́ ɛ́ pʉ́k nǔu ŋu nɛjʉ́ yɛcɔ́ yúu mi pʉɔ ɡʉ ńjʉ́ɔ ŋ́kɔɔtɛ nǔu ḿvu Sɛ́.

Pʉɔ-Lɔ́mɑ 14:23

Lɑ́ ŋu lɑɑ ḿmʉ́Ꞌlɛ nǔu yúu kɔɔ ɑ jʉ́, ŋ́kɛ́ ńjʉ́, mbɔ ɑ vu ntsɑŋ mbi Sɛ́. MbíꞋŋɡɔ ɑ kɑ́ ɡɛ pɑ́Ꞌ ɑ jínɛ ŋɡɔ nu-Sɛ́ sɛ́ ḿbíkŋɛ pɔ́. Ŋu lɑɑ ŋ́ɡɔ́ ŋ́ɡɛ yúu ḿbɔ́ ḿmʉ́Ꞌlɛ, mbɔ ɑ ɡɛ nu kɛpɔŋ.

1 Kɔlɛ̂ŋtɛ 10:23

Pɛcɔ́ pʉɔ tsɛtsɛt pʉʉ, ḿbɔ́ ńcú ŋɡɔ mbɔ ŋu ɡɛ kʉ̈ɔ́ lɑ́ pɔ́ kɛ́ pɔ́k nɛpʉ́ʉ. Ɛ́ nu lɑ́, yúu tsʉʉ kɑ́ cẅɛ́lɛ́ pɔ́. Ɛ́ nu ŋɡɔ ḿbɔ́ ŋu ɡɛ mbɑ kʉ̈ɔ́ lɑ́ pɔ́ kɛ́ pɔ́k nɛpʉ́ʉ, lɑ́ yúu tsʉʉ yi pɛ́ ɡɛnɛ kɑ́ cẅɛ́lɛ́ pʉɔ nɛkẅiꞋ ńzɑ́p tʉ́m nǔu Sɛ́ pɔ́.

1 Kɔlɛ̂ŋtɛ 10:25

Ɛ́ ɡʉ nǔu nu-mbɑp, mbɔ pʉʉ lɑɑ ńtɔ́ mɛntɑ́ɑ ńjʉ́ɔ mbɑp pʉʉ zúu, ńtɔ́ lɑ́Ꞌ ŋ́kwɛ́t kɛ́ ɡẅɛɛ yɛcɔ́ kwɑŋɛ, kɛ́ píkŋɛ yɛcɔ́ nu.

1 Kɔlɛ̂ŋtɛ 10:31

Ŋ ɡʉ ńcú yɑ́ɑ ŋɡɔ, pʉʉ lɑɑ ḿbɔ́ ńjʉ́ pɔ yúu, kɛ ḿbɔ́ ńnɔ́ pɔ mɛluꞋ ɔɔ, kɛ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ ɡɛ mîmɑ́ mɛyúu tsʉʉ pɔ nǔu ntɛ́ yi pɛ́ ɡʉ ŋ́ɡúꞋlɛ Sɛ́.

1 Kɔlɛ̂ŋtɛ 8:7

Lɑ́ pʉɔ tsʉʉ tsɛtsɛt pɛkŋɛ kɑ́nɛ jí ŋɡɔ mɛsɛ́ zɛɛ mbɔɔ tsuŋ ḿbɔ́ ɡú pɔ́. Ntí kɑ́ sɑk pɑ́Ꞌ yɛcɔ́ ntɑ́Ꞌ pʉɔ kɑ pɔ́ ŋ́ɡʉ zʉꞋ-yúu mi pɛ́ ɡúꞋlɛ́nɛ ŋɡɔ ɛ́ mɛcɔ́ mɛsɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pɔ́p kɑ pɔ́ ŋ́kwɛ́t pfuꞋ-mbɑp yi pɛ́ ɡɑ́nɛ nǔu yúu ɛ̂mɑ́ pɛ́Ꞌnɛ, ɛ́ pɔ́ mbɔ̌ pɔ́p, pɔ́p pɔ́ ńjí ŋɡɔ pɛ́ ɡɑ mbɔ̌ kwɑꞋ mɛsɛ́, mbɔ mbʉʉ yɔp ńtswɑ́ɑ wɔ́p. Tʉ́m yɔ́p yí ɛ́ pɛ́t ḿbɔ́t pɔ́tnɛ zúꞋ ńtíi ntsɛ́llɛ́.

1 Timɔtɛ́ɛ 6:5

ḿbɔ́ ŋkɑ́ tsʉʉ ńzɔŋ nu tsɛtsɛt pɔ́p zɔŋnɛ, ŋ́kwɑŋɛ yɔ́p fu wɔ́p, mbíꞋŋɡɔ pɔ́p kɑ́ pɛ́t ńjí nu nɛ́nẅín pɔ́, ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɛ́ sɛ̂ndúŋ ẅí ɑ ɡʉ ɛ́fú nǔu ŋ́ɡẅɛɛ ŋkɑ́p.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.