Pʉɔ-Lɔ́mɑ 9:22 - Kɑɑ Fí

²² Ɛ́ ndʉ́ŋndʉŋ pɑ́Ꞌ Sɛ́ ŋ́ɡɛ nǔu pʉɔmɛsɔŋ. A kɑ kɔŋ nɛnyɛt ŋɡɔ lɔ́ŋ wɛ sɛ́ ńzɑ́ŋ nǔu mɛnu mi pʉɔmɛsɔŋ ɡɛnɛ, pɛ́ fú nǔu ńjʉ́ɔ pɑ́Ꞌ ɑ tɛnnɛ pɔ́Ꞌɔ. Lɑ́, mbɔ ɑ kɑ ɡʉ nǔu pʉɔ pi, ɑ kɑ pɔ́ ŋ́ɡʉ ńzɑ́ŋ lɔ́ŋ nǔu pɔ́p, ŋ́kɛ́ ɛ́sʉk sʉknɛ ńzẅíꞋlɛ. Mbɔ ɛ́ kɑ ɡɔ́ ḿbɔ́, ḿbɔ́ pɔ́p kuꞋ pɑ́Ꞌ ɑ ɡʉ ḿbík wɔ́p píknɛ.

Pʉɔ-Lɔ́mɑ 9:22 교차 참조

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

Pʉɔ-Lɔ́mɑ 9:17

Ɛ́ tsɛt ŋwɑꞋnɛ-Sɛ́, mbɔ pɛ́ kɑ zɛɛ ŋ́ŋwɑꞋnɛ ŋɡɔ: Sɛ́ cú mbɔ̌ fɔɔ Fɑlɑhɔŋ ŋɡɔ: Ŋ kɑ lɔk wú ŋ́ɡɛ fɔɔ nɛpɔ́ yi ŋ ɡʉ ńnyɛt wú nɛ́ yúu, pʉɔ fú nǔu ńjʉ́ɔ pɑ́Ꞌ n tɛnnɛ pɔ́Ꞌɔ, lɑ́ pɛ́ ɡɔ́ɔ ńjí lík yɑ́ɑ zʉꞋ tsʉʉ ndǔ tsɛ́tsɑ́Ꞌ.

Pʉɔ-Lɔ́mɑ 9:20

Gu ŋumɛsɔŋ, ɔ lɑɑ ḿbíkŋɛ pɔ́Ꞌɔ, mbɔ ɔ wɔ̌ tɛ Sɛ́ cú nu ɔ pɑ́Ꞌ? Mbɔ tsɑ́Ꞌ píkŋɛ mbɔ́ɔtsɑ́Ꞌ ŋɡɔ, ɔ kɑ pɔ́ɔ wɑ́ɑ nǔu yɔ ntɛ́ pɑ́Ꞌnɛ mbíꞋ kʉ̈ɔ́ ɔɔ?

Pʉɔ-Lɔ́mɑ 9:21

Mbɔ́ɔtsɑ́Ꞌ, pɛ́ɛ tsɑ́Ꞌ ńdɔk ḿbɔ́ɔ yúu nǔu ntɛ́ yi ɑ tsɑ́ɑnɛ. A lɔk pɔ tɑ́Ꞌ ntɛ́ tsɑ́Ꞌ ḿbɔ́ɔ tsɑ́Ꞌ yi ndɛn nǔu, ḿbɛn ńdɔk pɔ yîyɑ́ ḿbɔ́ɔ yi ndɛn kuꞋ kuꞋnɛ.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

1 Tɛsɑlɔník 5:9

Sɛ́ ŋkɑɑ zɛɛ ńtsɔ́Ꞌ wɛkŋɛ pɔ nɛzɑ́ŋ lɔ́ŋ nǔu pɛkŋɛ, pɛkŋɛ jʉ́ɔ ŋɡʉ̈ɔ́Ꞌ pɔ́, ɑ kɑ tsɔ́Ꞌ wɛkŋɛ pɔ nɛɡɛ pɛkŋɛ lɛɛ nzʉʉ Tsɑpʉɔ wɛkŋɛ Yɛ́su Kɛlístɔ ŋ́ɡẅɛɛ luk.

2 Timɔtɛ́ɛ 2:20

Pɛ́ lɑɑ ŋ́ɡʉ ndɑ́-ŋɡɑŋyúu pɛ́ jʉ́ɔ mɛkɑ́ŋ ntɛ́ nɛ́ ntɛ́. Pɛ́ jʉ́ɔ mi pɛ́ kɑ lɔk tʉ́n-ŋɡɔ̂l ńniitɛ, ńjʉ́ɔ mi pɛ́ kɑ lɔk tʉ́n-ŋkɑ́p ńniitɛ, ḿbɛn ńjʉ́ɔ mbɑ mi pɛ́ kɑ lɔknɛ tʉ́ ŋ́kɔ́ɔ, mbɑ mi pɛ́ kɑ lɔknɛ tsɑ́Ꞌ ḿbɔ́ɔ. Mɛcɔ́ pɔ́ mi pɛ́ tíknɛ sɛ́ pɔ nǔu mɛlɛ́Ꞌlɑ́Ꞌ ɡwɛ́. Mɛcɔ́ pɔ́ mi pɛ́ tíknɛ sɛ́ lɛ́Ꞌ tsʉʉ.

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.

1 Pyɛ̂ 3:20

Mîmɑ́ mɛzẅikŋɛ pɔ́ mɛ́ pʉɔ pi pɔ́p kɑ tʉʉnɛ tú mbɔ̌ Sɛ́ ŋkɑ́ yi Nɔwɛ kɑ pɔ́ ńniitɛ kɑnúꞋ, Sɛ́ pɔ́ ńdɔk kɔkmbʉʉ ńzẅíꞋlɛ pʉɔ zẅíꞋlɛnɛ. Lɑ́ pʉɔ pɛ́nɛ́fɔ́m ndɑꞋ ɡɛnɛ ŋ́kúu tsɛt kɑnúꞋ tɛ ńduk ŋki.

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

2 Pyɛ̂ 3:15

Tɑ́Ꞌ yúu mi ɛ́ pɛn ḿbɔ́ ḿbíkŋɛ ŋɡɔ pʉʉ kẅíitɛ ɛ́ pɔ́ pɔ ŋɡɔ, Tsɑpʉɔ pɔ́tnɛ ńzẅíꞋlɛ, ɑ kɑ́ pɔ́ fɛ́Ꞌnɛ ńtɔ́ pɔ́, nɛɡɑ́ shʉ́ pɑ́Ꞌ ḿbɔ́ pʉɔ luk. Ɛ́ pɛn ḿbɔ́ pɔ yúu mi Pɔ̂l, mɔ́ɔmɑ́ wɛkŋɛ, ḿbɔ́ súu wɛkŋɛ kɑ cúnɛ tsɛt mɛŋwɑꞋnɛ mi ɑ kɑ ɡɑ́nɛ mbɔ̌ pʉʉ. A kɑ lɔk pɔ jínu nu yi Sɛ́ kɑ ɡɑ́nɛ mbɔ̌ wɛ́ lɑ ńdɔk ńcú.

Jẅidɛ 1:4

N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.