5 Pʉɔ pi pɔ́p zɛɛ ńnɑ́ŋ pɔ nǔu ntɛ́ yi mbʉʉ yɔp sɛ́ ɛ́sẅíi wɔ́p, ńtík tʉ́m yɔ́p pɔ nǔu yúu mi mbʉʉ yɔp sɛ́ ŋ́kɔŋ, lɑ́ pʉɔ pi pɔ́p nɑ́ŋnɛ nǔu ntɛ́ yi Zẅikŋɛ Lɛ́ɛnɛ́nɛ sɛ́ ɛ́sẅíi wɔ́p, tík tʉ́m yɔ́p pɔ nǔu yúu mi Zẅikŋɛ Lɛ́ɛnɛ́nɛ sɛ́ ŋ́kɔŋ.
Lɑ́ Yɛ́su shɔtnɛ, ńdíŋɛ ɡɑŋku pɛ́, ńcʉ̈ɔ́k Pyɛ̂, ńcú nɛ́ jʉ́ ŋɡɔ: «Fú nzʉʉ mɔ ńtsʉ́ʉtɛ mbɑ̌ɑ Sɑ́ttɑ, ɔ kɑ́ kwɑŋɛ pɑꞋɑ, ɛ́ pɔ́ pɑꞋ Sɛ́ sɛ́ ŋ́kwɑŋɛ pɔ́, yɑ́ pɔ́ pɔ kwɑŋɛ-pʉɔmɛsɔŋ.»
Ŋu ẅí ŋu mbɛ́ɛnɛ pɔ́p mɑŋɡɛ́ pínɛ wɛ́, ɑ pɔ́ pɔ ŋumɛsɔŋ, ŋu ẅí Zẅikŋɛ Lɛ́ɛnɛ́nɛ pínɛ wɛ́, ɑ ŋu-Zẅikŋɛ Lɛ́ɛnɛ́nɛ.»
Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɛ́ ńnɑ́ŋ nǔu ntɛ́ yi mbʉʉ yʉʉ sẅíinɛ wʉ́ʉ pɔ́, pʉʉ nɑ́ŋ pɔ nǔu ntɛ́ yi Zẅikŋɛ-Sɛ́ sɛ́ ɛ́sẅíi wʉ́ʉ, ŋkɔ̂ɔnɛ yi Zẅikŋɛ-Sɛ́ nǔu pʉʉ. Zẅikŋɛ-Kɛlístɔ lɑɑ mbɔɔ nǔu ŋu pɔ́, mbɔ ŋɡɑŋ kɑ́ pɔ́ ŋu-Kɛlístɔ pɔ́.
Pʉɔ pi pɔ́p ndǔ tsɛ́tsɑ́Ꞌ, fí ŋu ẅí Sɛ́ kɑ lɔknɛ tsɛ́tsɑ́Ꞌ ḿbɔ́ɔ wɛ́, pʉɔ pi pɔ́p tʉ́nɛ́pú fí ŋu ẅí ɑ kɑ fúnɛ tʉ́nɛ́pú ńcúŋ.
Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.
Pɛk zɛɛ ḿbɔ́ pɔ pʉɔmɛsɔŋ pɑ́Ꞌ pɛcɔ́ lɑ́, yɛk ntɛ́ nɛmɑꞋ ntsɔ kɑ́ ɡɔ́ɔ ḿbɔ́ pɔ yɛ́ pʉɔmɛsɔŋ pɔ́.
MbíꞋŋɡɔ mɛnu mi mbʉʉ-ŋumɛsɔŋ tsʉ́ʉnɛ́nɛ wɛ́ ŋɡɔ ɑ ɡɛ ɛ́ kɑ́ pɔ́ mi Zẅikŋɛ Lɛ́ɛnɛ́nɛ sɛ́ ŋ́kɔŋ ŋɡɔ ɑ ɡɛ pɔ́. Mɛnu mi Zẅikŋɛ Lɛ́ɛnɛ́nɛ sɛ́ ŋ́kɔŋ ɛ́ kɑ́ pɔ́ mi mbʉʉ-ŋumɛsɔŋ kɔŋnɛ pɔ́, pɔ́p pɛ́pɑ́ lɔk ńdʉꞋnɛ lʉꞋnɛ́nɛ. Ɛ́ pɔ́Ꞌɔ lɑ́ pʉʉ kɑ́ ɡẅɛɛ nɛɡɛ yúu mi pʉʉ tsɑ́ɑnɛ pɔ́.
N cú pɔ́Ꞌɔ, mbíꞋŋɡɔ, pii nɛpɔ́ zʉꞋ fúknɛ ɛ́ nɛɡɛ mɛnu sʉ́Ꞌnɛ, ŋ́ɡɛ mɛnu mi ɛ́ mbi Sɛ́ ḿbɔ́ ndʉ́ŋndʉŋ, ńnɑ́ŋ tsɛt nu nɛ́nẅín.
A ŋ́ɡɛ ḿbɔ́ lɛ́Ꞌ ɛ̂yɑ́, ḿbiitɛ ńtsuŋ ńzɑ́p ŋɡʉ̈ɔ́Ꞌ pɔ tú-pʉɔ pi pɔ́p ńnɑ́ŋnɛ ŋ́ɡɛ yúu mi mbʉʉ yɔ́p tsʉ́ʉnɛ́nɛ wɔ́p nɛɡɛ, ńnɑ́ŋ ńtsɑ́ɑ mɛnu-ncɛ́llɛ́. Sɛ́ cú nu pɔ́p ɡwɑ́k ɡwɑ́knɛ. PɑzíꞋ pʉɔ nɛ́ cɔtnu, pɔ́p kwɛn nzɔꞋ yɔp tɛꞋ, ḿbɛ́m mɛ́m tɛ mbɔɔ pɔ́k nɛzɔɔtɛ mɛzẅikŋɛ mi ɛ́ ɡẅɛɛnɛ nɛɡúꞋ pɔ́.
