Pʉɔ-Lɔ́mɑ 8:29 - Kɑɑ Fí

²⁹ MbíꞋŋɡɔ pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ kɑ pɛn ńzɑ́Ꞌ njí ńzɑ́p ŋɡɔ mɔ́yúu ɡʉ ńdɑ́Ꞌ ḿbɔ́ ŋ́kúpmɛ nǔu pɔ́p kúpmɛ́nɛ, tɛ pɔ́p fí Mɔ́ɔ nɛ. Ɛ́ lɛɛ pɔ́Ꞌɔ, Mɔ́ɔ nɛ pɔ́ wɛ ndʉ́m nǔu nɔɔ-pɔ́ɔpɛ́mɑ́ pɛ́ pi pɔ́p zɑ́ɑ zɑ́ɑnɛ.

Pʉɔ-Lɔ́mɑ 8:29 교차 참조

Mɑtʉ̈ɔ 12:50

Ŋu ɡɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ, mbɔ ẅîwɑ́ ŋu mɔ́ɔmɑ́ wɑɑ wɛ mbɛ́ɛnɛ, ḿbɔ́ wɛ mɑŋɡɛ́, ḿbɔ́ mɑmɑ́ wɑɑ.

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Mɑtʉ̈ɔ 28:10

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.

Mɑtʉ̈ɔ 7:23

Ŋ ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Mɔ ŋkɑɑ mɔ zɛɛ ńjí wʉ́ʉ pɔ́, pʉʉ pɑfʉꞋ mɛnu kɛpɔŋ, pʉʉ fú nɛjɔ́ŋ mɔ ńtsʉ́ʉtɛ.»

Jɑ̂ŋ 17:16

Pɔ́p kɑ́ pɔ́ pʉɔ-ndǔmbí pɔ́, ndʉ́ŋndʉŋ pɑ́Ꞌ mɔ yɑ́ɑ ŋ kɑ́ pɔ́ ŋu ndǔmbí pɔ́.

Jɑ̂ŋ 17:19

Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

Pʉɔ-Lɔ́mɑ 11:2

Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,

Pʉɔ-Lɔ́mɑ 13:14

Pʉʉ tíi nɛpɔ́ wɛ fí ẅi Yɛ́su Kɛlístɔ Tsɑpʉɔ wɛkŋɛ ɡɑ́nɛ ḿmɑꞋ. Kɔɔ pʉʉ pɛn ńnɑ́ŋ ŋ́kwɑŋɛ nu nǔu mɛyúu kɛpɔŋ mi mbɑp-mbʉʉ yʉʉ tsʉ́ʉnɛ́nɛ wʉ́ʉ pʉʉ tsɑ́ɑ nɛɡɑ́ mbɔ̌ wɛ́.

Pʉɔ-Lɔ́mɑ 9:23

Lɑ́ Sɛ́ kɑ pɔ́ ḿbɛn ŋ́kɔŋ nɛnyɛt ndɛn fuꞋ yi ɛ́ tsɛt nɛɡúꞋ wɛ, ḿbɔ́ yi ɑ ŋ́ɡɑ́ mbɔ̌ pʉɔ pi ɑ tsɑ́ɑnɛ mɛjʉ́ŋ mɔ́p, pʉɔ pi ɑ kɑ lɑ́Ꞌnɛ ńzɑ́Ꞌ njí ńniitɛ wɔ́p ńtík, nɛɡẅɛɛ nɛɡúꞋ wɛ ẅîwɑ́.

1 Kɔlɛ̂ŋtɛ 15:49

Ndʉ́ŋndʉŋ pɑ́Ꞌ, pɛkŋɛ fínɛ ŋu ẅí Sɛ́ kɑ lɔknɛ tsɛ́tsɑ́Ꞌ ḿbɔ́ɔ wɛ́ lɑ́, ɛ́ ɡʉ ńdɑ́Ꞌ ḿbɔ́ yɛcɔ́ lɛ́Ꞌ, pɛkŋɛ fí ŋu ẅí ɑ kɑ fúnɛ tʉ́nɛ́pú ńcúŋ.

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

1 Kɔlɛ̂ŋtɛ 8:3

Lɑ́ ḿbɔ́ yi ŋu lɑɑ ḿbɔ́ ŋ́kɔŋ Sɛ́, mbɔ ŋɡɑŋ ŋu ẅí Sɛ́ ńdɑ́Ꞌ mɔ́ ńjí wɛ́.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.

Ɛ́fɛ̂zɛ 4:24

Ɛ́ pɛn ḿbɔ́ ḿbíkŋɛ ŋɡɔ pʉʉ kúu nǔu mɑt fí pɑ́Ꞌ ŋu tíi ndẅí fí ḿmɑꞋ nǔu wɛ́ lɑ́. Sɛ́ kɑ nɔŋnɛ ẅîwɑ́ mɑt. Ẅîwɑ́ mɑt ẅí pɛ́ jʉ́ɔnɛ nǔu ŋu ẅí ɑ sɛ́ ńnɛn nǔu pɑ́Ꞌ ɛ́ sɛ́ ḿbíkŋɛ, ḿbɔ́ ŋu ẅí ɑ kɑ nɑ́ yɛ́ luk tsʉʉ mbɔ̌ Sɛ́. Ẅîwɑ́ nɛnɛn ɛ́fú nǔu nu nɛ́nẅín.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

Kɔlɔsíyɛ̂ŋ 3:10

Pʉʉ pɑ́Ꞌɑ, mbɔ pʉʉ kɑ tíi mɑt-ŋu fí, ḿmɑꞋ mbʉʉ pʉʉ. Ẅîwɑ́ mɑt fú mbɔ̌ Sɛ́. Jʉ́ niitɛ́nɛ ŋɡɔŋ ŋkɑ́ tsʉʉ nɛpɔ́ yi mɑt ɛ̂wɑ́ ɡʉ fí wɛ. Sɛ́ ɡɛ pɔ́Ꞌɔ, nɛpɔ́ yi pʉʉ ɡʉ tsuŋ ńjí wɛ́.

2 Timɔtɛ́ɛ 1:9

A kɑ ɡɛ pɛkŋɛ luk, ɛ́fúŋ wɛkŋɛ ńdɔk ŋ́ɡɛ pʉɔ pɛ́. A ŋ́kɑɑ ɡɛ pɔ́Ꞌɔ, ɛ́fú nǔu mɛfɑꞋ sʉ́Ꞌnɛ mi pɛkŋɛ fɑꞋnɛ pɔ́, ɑ kɑ ɡɑ́ pɑ́Ꞌ ɑ kɑ kwɑŋɛ́nɛ ḿbɛn ŋ́ɡɛ pɔŋtʉ́m yɛ́. A kɑ lɛɛ nǔu Yɛ́su Kɛlístɔ ńnyɛt pɔŋtʉ́m yɛ́ ɛ̂yɑ́ tɛ ndǔmbí pɛ́t pɔ kɛ́ pɔ́ ɡú.

2 Timɔtɛ́ɛ 2:19

Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

1 Pyɛ̂ 1:20

Sɛ́ kɑ piitɛ ńtsɔ́Ꞌ wɛ́ nǔu yîyɑ́ nu, lɑ ńniitɛ ndǔmbí. Ɛ́ kɛ́ ŋ́ɡʉ nǔu yɔ ŋkɑ́ yi ɛ́ nɛlɔk ńdẅiklɛ lɑɑ, ńtík wɛ́ mɑ́ntɑ́ɑ mbíꞋ wʉ́ʉ.

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.