9 Pɛk tsuŋ ḿbɔ́ ńjí ŋɡɔ Kɛlístɔ kɑ piitɛ tɛ ńzẅíimɛ nǔu nɛvú, ɑ kɛ́ lɑ́Ꞌ ḿbɛn ḿpfú pɔ́. Nɛvú kɑ́ pɛn ŋ́ɡẅɛɛ yɛcɔ́ nu nǔu wɛ́ pɔ́.
Tɛ mbɑ pɔ́Ꞌɔ, ɛ́fú nǔu ŋkɑ́-Adɑm ŋ́ɡʉ ŋ́kúu nǔu ŋkɑ́-Mɔ̌sɛ̂ɛ, nɛvú ɡẅɛɛ pʉɔmɛsɔŋ ŋ́ɡẅɛɛ mbɑ pi pɔ́p ŋkɑɑ ɡɛ nu kɛpɔŋ pɑ́Ꞌ Ádɑm ẅí ɑ kɑ fɑɑnɛ́nɛ nɛpʉ́ʉ ni Sɛ́ kɑ ɡɑ́nɛ mbɔ̌ wɛ́ pɔ́. Nu-Ádɑm fí yɛ́ ŋu ẅí ɑ kɑ pɔ́ ŋ́ɡʉ lɑ ńdɑ́Ꞌ ńtɔ́.
Kɛlístɔ kɑ pfú, ḿpfú pɔ tɑ́Ꞌ ŋkɑ́, nǔu mɛnu kɛpɔŋ-pʉɔ. A ŋkɔ̂ɔnɛ ḿbɔ́ ɡú pɔ nɛɡɑ́ mɛkuꞋ-Sɛ́.
Nu kɛpɔŋ zɛɛ ḿbɔɔ ńdɑ́Ꞌ ŋ́ɡʉ ḿbɛn ŋ́ɡẅɛɛ wʉ́ʉ pɔ́, mbíꞋŋɡɔ pʉʉ kɑ́ pɛ́t ńnɛn nǔu sɛ̂ndúŋ nɛpʉ́ʉ pɔ́, pʉʉ ńtsʉ́Ꞌ ńnɛn pɔ nǔu sɛ̂ndúŋ ẅi Sɛ́ sɛ́ ńdɛɛ nǔu ŋ́ɡɑ́ fuꞋ níinɛ yʉ́ʉ, pʉʉ pɔ́ ŋ́ɡɛ yúu mi ɛ́ ndʉ́ŋndʉŋ.
Pɑ́Ꞌ ɛ́ kɑ fúnɛ nǔu cẅɛ́ɛ ŋki, pɛkŋɛ pɛpɔ́p tɛmtɛ ḿpfú, pɛ́ pɛn ńtɛmtɛ wɛkŋɛ pɛpɔ́p ńtẅíi lɑ́, nɛpɔ́ yi pɑ́Ꞌ Sɛ́ Tɑ̌ɑ kɑ lɔknɛ mɛtʉʉ mi ɛ́ ɡẅɛɛnɛ nɛɡúꞋ, ŋ́ɡɛ Kɛlístɔ zẅíimɛ nǔu nɛvú lɑ́, pɛkŋɛ ɡúu ɡʉ tsʉ́Ꞌ ḿbɔ́ pɔ tsɛt luk fí.
A kɑ́ ɡɔ́ ḿbɔ́ nɔŋpɔꞋ pɑ́Ꞌɑ, ɛ́ fú nǔu nɛcɔ́ nɛpʉ́ʉ ni pɛ́ kɑ zɑ́pnɛ ŋɡɔ pʉɔmɛsɔŋ nɛn nǔu pɔ́. Ɛ́ fú pɔ nǔu mɛtʉʉ mi ɛ́ nǔu yɛ luk. Ẅîwɑ́ nɛpɔ́ pɔ́ luk kɛ́mɛ,
Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.
Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»
