Pʉɔ-Lɔ́mɑ 6:18 - Kɑɑ Fí

¹⁸ mbíꞋŋɡɔ Sɛ́ ŋ́kíɛꞋ ŋkʉ-nu kɛpɔŋ nǔu pʉʉ, pʉʉ ŋkɔ̂ɔnɛ ńtsʉ́Ꞌ pɛkwɑɑ-nu yi ɛ́ ndʉ́ŋndʉŋ.

Pʉɔ-Lɔ́mɑ 6:18 교차 참조

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Jɑ̂ŋ 8:32

Mbɔ pʉʉ ɡʉ ńjí nu nɛ́nẅín, nu nɛ́nẅín ńtsúꞋ wʉ́ʉ.»

Jɑ̂ŋ 8:36

Ɛ́ pɔ́Ꞌɔ, lɑ́ ḿbɔ́ yi mɔ́ɔ-Sɛ́ lɑɑ ńcẅɛɛtɛ wʉ́ʉ ndɑ́-kwɑɑ, mbɔ pʉʉ ɡʉ ɛ́fú zúꞋu ńcẅɛt, kwɑꞋ nɛ́nẅín.

Pʉɔ-Lɔ́mɑ 6:14

Nu kɛpɔŋ zɛɛ ḿbɔɔ ńdɑ́Ꞌ ŋ́ɡʉ ḿbɛn ŋ́ɡẅɛɛ wʉ́ʉ pɔ́, mbíꞋŋɡɔ pʉʉ kɑ́ pɛ́t ńnɛn nǔu sɛ̂ndúŋ nɛpʉ́ʉ pɔ́, pʉʉ ńtsʉ́Ꞌ ńnɛn pɔ nǔu sɛ̂ndúŋ ẅi Sɛ́ sɛ́ ńdɛɛ nǔu ŋ́ɡɑ́ fuꞋ níinɛ yʉ́ʉ, pʉʉ pɔ́ ŋ́ɡɛ yúu mi ɛ́ ndʉ́ŋndʉŋ.

Pʉɔ-Lɔ́mɑ 6:22

Lɑ́ pɑ́Ꞌ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ Sɛ́ kíɛꞋ ŋkʉ-nu kɛpɔŋ nǔu pʉʉ, pʉʉ tsʉ́Ꞌ pɛkwɑɑ pɛ́ lɑ́, pii yi ɛ́ sɛ́ ńcẅɛt ɛ́ pɑ́Ꞌ Sɛ́ sɛ́ ńcẅɛ́lɛ wʉ́ʉ pʉʉ pɔ́ ŋ́ɡẅɛɛ tsẅɛ́-pʉɔ pɛ́, ɛ́ ɡʉ ŋ́ɡɛ ńtsʉ́Ꞌ nɛmɛkŋɛ pʉʉ ɡẅɛɛ luk kɛ́mɛ,

Pʉɔ-Lɔ́mɑ 6:7

Ŋu zɛɛ ḿbɔ́ tɛ ḿpfú, ɑ pɔɔ pɛn ŋ́kuꞋ nɛɡɛ yɛcɔ́ yúu pɔ́, ŋkʉ-nu kɛpɔŋ fú nǔu wɛ́ ŋ́kíɛꞋnɛ.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

Ŋɡɑlɑ̂t 5:1

Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.

1 Pyɛ̂ 2:16

Pʉʉ lɔk mɑt wʉʉ ḿbɔ́ pɑ́Ꞌ pʉɔ pi pɛ́ kɑ cẅɛɛtɛ́nɛ wɔ́p ndɑ́-kwɑɑ. Lɑ́, kɔɔ ẅîwɑ́ nɛpɔ́ kɛ́ ńtsʉ́Ꞌ mbɔ̌ pʉʉ ḿbɔ́ ŋkwɑ́ yi pʉʉ ɡʉ ńdɔk ńdʉɔ mɛnu kɛpɔŋ. Pʉʉ lɔk mɑt wʉʉ ḿbɔ́ pɔ pɛkwɑɑ-Sɛ́.