Pʉɔ-Lɔ́mɑ 5:9 - Kɑɑ Fí

⁹ Ɛ́ nǔu ŋkɔ̂ɔnɛ, mbɔ mɛci mɛ́ ɡɛ Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́, mbɔ kʉ̈ɔ́ pɛn ŋ́ɡɛ tɛ Kɛlístɔ lɑ́Ꞌ ńnɑ́ kɛ́ ɡɛ pɛkŋɛ luk ŋɡʉ̈ɔ́Ꞌ yi ɛ́ ɡʉ ńdɑ́Ꞌ ɛ́fú nǔu pɑ́Ꞌ Sɛ́ sɛ́ ńzɑ́ŋ lɔ́ŋ?

Pʉɔ-Lɔ́mɑ 5:9 교차 참조

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Pʉɔ-Lɔ́mɑ 8:30

Pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ lɛɛ tɛ ḿbɛn ɛ́fúŋ pɔ wɔ́p, ɛ́fúŋ wɔ́p pɔ́Ꞌɔ, ḿbɛn ńtsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́, ɛ́ pɔɔ kuꞋ pɔ ndɑꞋ pɔ́Ꞌɔ pɔ́, ɑ kɑ pɛn ŋ́ɡɑ́ nɛɡúꞋ mbɔ̌ pɔ́p.

Ɛ́fɛ̂zɛ 2:13

Lɑ́, ɛ́ kɛ́ ḿbɔ́ ŋkɔ̂ɔnɛ, mbɔ pʉʉ pi pʉʉ kɑ pɔ́nɛ ŋɡɑ sɛsɑ, pʉʉ kɑ lɔk pɑ́Ꞌ pʉʉ lɑtnɛ mbʉʉ nǔu Kɛlístɔ ńdɛɛ pɑ́Ꞌ ɑ kɑ lɔknɛ mbʉʉ yɛ ńnɔŋ pɔꞋ. Sɛ́ tíi wʉ́ʉ ńtík nɛjɔ́ŋ wɛ́, mbíꞋŋɡɔ Yɛ́su Kɛlístɔ kɑ tswɛt mɛci mɛ́ ḿpfú mbíꞋ wʉ́ʉ.

Ɛ́fɛ̂zɛ 2:3

Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Ɛ́bɛlʉʉ 9:22

Pɛ́ lɑɑ ńdíŋɛ nǔu ntɛ́ yɛ́ nɛpʉ́ʉ-Mɔ̌sɛ̂ɛ, mbɔ ḿbɔ́ pɛ́ cú ŋɡɔ pɛ́ lɔk mɛci-mɛnɑɑ, suk lɔ́Ꞌ nǔu nɛlʉ́m mɛyúu. Pɛ́ pɛn ńjí ŋɡɔ: Pɛ́ lɑɑ ŋ́kɛ́ mbɔɔ tswɛt mɛci pɔ́, Sɛ́ kɛ́ mbɔɔ mɛfɑɑnɛ pʉɔmɛsɔŋ likŋɛ.

1 Jɑ̂ŋ 1:7

Lɑ́ ŋ́kɛ́ ḿbɔ́ yi pɛkŋɛ lɑɑ ḿbɔ́ ńnɛn nǔu zʉꞋ fúknɛ pɑ́Ꞌ jʉ́ nɛ́ tú yɛ́ nǔu zʉꞋ-fúknɛ lɑ́, mbɔ pɛkŋɛ ɡʉ ńtɛmtɛ ŋ́ɡẅɛɛ tɑ́Ꞌ ntsu tsɛtsɛt pɛkŋɛ, mɛci-Mɔ́ɔ nɛ Yɛ́su suk wɛkŋɛ nǔu nu kɛpɔŋ tsʉʉ.