Pʉɔ-Lɔ́mɑ 5:8 - Kɑɑ Fí

⁸ Lɑ́ pʉʉ jʉ́ɔ ntɛ́ yi Sɛ́ kɑ lɔknɛ ńnyɛt pɑ́Ꞌ ɑ kɔŋnɛ wɛkŋɛ pɔ́Ꞌɔ, ɛ́ pɑ́Ꞌ Kɛlístɔ kɑ tɔ́nɛ ḿpfú nǔu tú yɛkŋɛ tɛ pɛkŋɛ zɛɛ ḿbɛ́t ḿbɔ́ pɔ pʉɔ kɛpɔŋ.

Pʉɔ-Lɔ́mɑ 5:8 교차 참조

Jɑ̂ŋ 15:13

«Wɛcɔ́ ŋu kɛ́ pɛn ŋ́ɡẅɛɛ ŋkɔŋɛ tɛ ɛ́ lɛɛ yi ŋu ẅí ɑ ɡɑ́nɛ yɛ luk nǔu tú-pʉɔ pí ɑ kɔŋnɛ wɔ́p pɔ́.»

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Pʉɔ-Lɔ́mɑ 3:5

Ḿbɔ́ pɛcɔ́ pʉɔ cú ŋɡɔ: «Mɛnu kɛpɔŋ mi pɛkŋɛ fʉꞋnɛ nɛɡɛ pʉɔ jí ŋɡɔ Sɛ́ ndʉ́ŋndʉŋ, mbɔ pɛkŋɛ ɡʉ ńtsɔ́Ꞌ mbɔ̌ pɔ́p ŋɡɔ kʉ̈ɔ́? Pɛkŋɛ ɡʉ ńcú ŋɡɔ Sɛ́ pɔ́ tɛ ḿbɔ́ ńníꞋ ŋɡʉ̈ɔ́Ꞌ tú pɛkŋɛ ntɛ́ mɛfʉꞋnɛ mɛnu mɛkŋɛ, kɑ́ lɔknɛ ḿbɔ́ ndʉ́ŋndʉŋ pɔ́ kɛkʉ̈ɔ́?» N cú pɑ́Ꞌɑ pɔ́ nu yi pʉɔmɛsɔŋ sɛ́ ńcú.

Pʉɔ-Lɔ́mɑ 4:25

Jʉ́ kɑ níꞋnɛ Kɛlístɔ mbɔ̌ pʉɔ pɑ́Ꞌ ɑ ɡʉ ḿpfú mbíꞋ mɛnu kɛpɔŋ mɛkŋɛ. A kɑ pɛn ńzẅíimɛ wɛ́ nǔu nɛvú ɛ́fú nǔu ńtsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 5:20

Lɑ́ ɛ́ pɛn ŋ́ɡʉ nǔu nɛpʉ́ʉ-Mɔ̌sɛ̂ɛ, mbɔ Sɛ́ kɑ pɔ́ ńzɑ́p nɛpɔ́ yi pʉɔ ɡʉ ŋ́ɡɛ ɛ́fú nǔu ńjʉ́ɔ ndɛn ẅi pɔ́p lɔknɛ ŋ́ɡɛ nu kɛpɔŋ pɔ́Ꞌɔ. Pɑ́Ꞌ mɛnu kɛpɔŋ sɛ́ ńzɑ́ɑ ŋɡɔ́ku lɑ́ Sɛ́ pɔ́ ńtsɑ́ɑ mɛjʉ́ŋ pʉɔ ŋ́ɡɑ́ fuꞋ níinɛ yɔ́p tɛ ńdɛɛ ntɛ́.

Pʉɔ-Lɔ́mɑ 5:6

Ɛ́ pɔ́ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ zɛɛnɛ ḿbɛ́t pɔ pɑ kɛ́ ɡẅɛɛ mɛtʉʉ, Kɛlístɔ tɔ́ nǔu ŋkɑ́ yi Sɛ́ kɑ zɑ́pnɛ, ḿpfú nǔu tú-pʉɔ kɛpɔŋ.

Pʉɔ-Lɔ́mɑ 5:7

Ɛ́ zɛɛ ńtɛn tɛꞋ lɑ ŋumɛsɔŋ pɛ́m nɛpfú nǔu tú wɛcɔ́, tɛ mbɑ pɑ́Ꞌ ẅîwɑ́ ŋu lɑɑ ḿbɔ́ pɔ ŋu ẅí ɑ kɑ́ kúꞋlɛ nɛpʉ́ʉ pɔ́. Líkcɔ́ mbɔ ŋu pɛ́m nɛpfú mbíꞋ ŋu ẅi ɑ ɡɛnɛ mɛnu sʉ́Ꞌnɛ.

Pʉɔ-Lɔ́mɑ 8:32

Jʉ́ ẅi ɑ ŋkɑɑ pɑ́ɑ kwɑꞋ Mɔ́ɔ nɛ nɛjʉ́ɔ ŋɡʉ̈ɔ́Ꞌ pɔ́, jʉ́ ẅi ɑ kɑ ɡɛnɛ pɛ́ jẅí wɛ́ mbíꞋ wɛkŋɛ pɛ́tsʉʉ, ɛ́ ɡʉ ŋ́ɡɛ pɑ́Ꞌ lɑ́ ɑ pɔɔ pɛn ŋ́ɡɑ́ pɔ fuꞋ níinɛ yɛkŋɛ ńdɔk pɔ jʉ́ mɔ́ɔ nɛ ŋ́ɡɑ́ mɛcɔ́ mɛyúu tsʉʉ mbɔ̌ pɛkŋɛ pɔ́ ɔɔ?

Pʉɔ-Lɔ́mɑ 8:39

ḿbɔ́ pɔ mɛtʉʉ ntɛ́ nɛ́ ntɛ́ mi ɛ́ ndǔmbí, mi ɛ́ tʉ́, kɛ mi ɛ́ tsɛt sɛ́ ɔɔ, ḿbɔ́ pɔ yɛcɔ́ yúu ndɛꞋ yi Sɛ́ kɑ pɔ́ɔnɛ, mbɔ yɛcɔ́ yúu kɛ́ lɑ́Ꞌ ŋ́kuꞋ nɛtɑɑtɛ Sɛ́ nɛkɔŋ wɛkŋɛ pɔ́. A kɑ lɛɛ nǔu Yɛ́su Kɛlístɔ, Tsɑpʉɔ wɛkŋɛ, ńnyɛt ŋɡɔ ɑ kɔŋ wɛkŋɛ.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

1 Timɔtɛ́ɛ 1:16

Lɑ́, Sɛ́ kɑ tsɑ́ɑ mɛjʉ́ŋ mɑ́ɑ, tɛ Yɛ́su Kɛlístɔ nyɛt nǔu mɔ ẅí mɔ ndúu tsɛtsɛt pɑɡɛ mɛnu kɛpɔŋ ŋɡɔ ɑ jí nɛsʉk. Pɔ́Ꞌɔ ńdɔk ŋ́ɡɑ́ fʉꞋ mbɔ̌ pʉɔ pi pɔ́p ɡʉ ŋ́ɡɛ ńzɑ́p tʉ́m nǔu wɛ́, ŋ́ɡẅɛɛ luk kɛ́mɛ.

Ɛ́bɛlʉʉ 8:3

Pɛ́ zɛɛ ńzɑ́p NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ńdɔk yúu ńtɔ́ mbi Sɛ́ ńnyɛt wɛ́ mbɑ pɑ́Ꞌ ɑ ɡʉ ńnɔŋ pɔꞋ mbi Sɛ́. Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ wɛkŋɛ NɔŋpɔꞋ wɛ ɡwɛ́ pɛn ŋ́ɡẅɛɛ yɛ́ yúu mi ɑ ɡʉ ŋ́ɡɑ́ mbɔ̌ Sɛ́.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Jɑ̂ŋ 3:16

Ŋkɔŋɛ kʉ̈ɔ́? Pɛkŋɛ ŋkɔ̂ɔnɛ, mbɔ pɛkŋɛ jí ŋɡɔ: Yɛ́su kɑ ɡɑ́ tú yɛ́ mbíꞋ wɛkŋɛ. Pɔ́Ꞌɔ lɑ́, ɛ́ sɛ́ ḿbíkŋɛ ŋɡɔ pɛkŋɛ ɡɑ́ tú yɛkŋɛ mbíꞋ pɔ́ɔpɛ́mɑ́ pɛkŋɛ.