Pʉɔ-Lɔ́mɑ 5:7 - Kɑɑ Fí

⁷ Ɛ́ zɛɛ ńtɛn tɛꞋ lɑ ŋumɛsɔŋ pɛ́m nɛpfú nǔu tú wɛcɔ́, tɛ mbɑ pɑ́Ꞌ ẅîwɑ́ ŋu lɑɑ ḿbɔ́ pɔ ŋu ẅí ɑ kɑ́ kúꞋlɛ nɛpʉ́ʉ pɔ́. Líkcɔ́ mbɔ ŋu pɛ́m nɛpfú mbíꞋ ŋu ẅi ɑ ɡɛnɛ mɛnu sʉ́Ꞌnɛ.

Pʉɔ-Lɔ́mɑ 5:7 교차 참조

Mɑtʉ̈ɔ 13:15

MbíꞋŋɡɔ tʉ́m pʉɔ-lɑ́Ꞌ pɔ́nɛ kɑ sʉk pɔ́p kɑ zʉnɛ mɛtúutɛ́ mɔ́p, ŋ́kẅíipɛ mík mɔ́p, ńdɔk ḿbɔɔ ŋ́kɔŋ nɛlɔk mík mɔ́p ńjʉ́ɔ zʉꞋ pɔ́, nɛlɔk mɛtúutɛ́ mɔ́p ńzúꞋ nu pɔ́, tʉ́m yɔ́p pɔɔ pɑ́klɛ. Pɔ́p pɔɔ kɔŋ nɛkúpmɛ mɑt wɔp pɔ́, ńdɔk ḿbɔɔ ŋ́kɔŋ ŋɡɔ ŋ ɡɛ pɔ́p fíitɛ pɔ́.»

Jɑ̂ŋ 15:13

«Wɛcɔ́ ŋu kɛ́ pɛn ŋ́ɡẅɛɛ ŋkɔŋɛ tɛ ɛ́ lɛɛ yi ŋu ẅí ɑ ɡɑ́nɛ yɛ luk nǔu tú-pʉɔ pí ɑ kɔŋnɛ wɔ́p pɔ́.»

ŊwɑꞋnɛ-Gɑŋntúu Yɛ́su Kɛlístɔ 11:24

Pɑnɛpɑ́ɑshi ɛ̂wɑ́ zɛɛ ḿbɔ́ ŋu ŋ́ɡẅɛɛ tswɛ́ sʉ́Ꞌnɛ. Mbɔ Zẅikŋɛ Lɛ́ɛnɛ́nɛ kɑ jʉ́ mɔ́ wɛ́. A pɛn ńzɑ́p tʉ́m yɛ́ nǔu Tsɑpʉɔ tɛꞋ. Pʉɔ tɛ ńzɑ́ɑ fú lɛ́Ꞌ ɛ̂yɑ́, ńtsʉ́Ꞌ pʉɔ-Tsɑpʉɔ.

Pʉɔ-Lɔ́mɑ 16:4

Ɛ́ kɑ tsʉ́Ꞌ mɔ́zʉꞋ pɔ́p pfú nǔu tú yɑ́ɑ. Mɔ kɑ́ pɔ́nɛ ndɑꞋ ŋu ẅí yɔ nu nɑ́ŋnɛ ḿbɔŋ wɛ́ pɔ́. Ɛ́ pɛn ḿbɔŋ mbɑ mɛcúꞋlɛ-pʉɔ-Kɛlístɔ mí ɛ́ tsɛt mɛlɑ́Ꞌ mi ɛ́ kɑ́ pɔ́ mɛ́ pɑyúdɑ pɔ́.

Pʉɔ-Lɔ́mɑ 5:6

Ɛ́ pɔ́ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ zɛɛnɛ ḿbɛ́t pɔ pɑ kɛ́ ɡẅɛɛ mɛtʉʉ, Kɛlístɔ tɔ́ nǔu ŋkɑ́ yi Sɛ́ kɑ zɑ́pnɛ, ḿpfú nǔu tú-pʉɔ kɛpɔŋ.

Pʉɔ-Lɔ́mɑ 5:8

Lɑ́ pʉʉ jʉ́ɔ ntɛ́ yi Sɛ́ kɑ lɔknɛ ńnyɛt pɑ́Ꞌ ɑ kɔŋnɛ wɛkŋɛ pɔ́Ꞌɔ, ɛ́ pɑ́Ꞌ Kɛlístɔ kɑ tɔ́nɛ ḿpfú nǔu tú yɛkŋɛ tɛ pɛkŋɛ zɛɛ ḿbɛ́t ḿbɔ́ pɔ pʉɔ kɛpɔŋ.

1 Jɑ̂ŋ 3:16

Ŋkɔŋɛ kʉ̈ɔ́? Pɛkŋɛ ŋkɔ̂ɔnɛ, mbɔ pɛkŋɛ jí ŋɡɔ: Yɛ́su kɑ ɡɑ́ tú yɛ́ mbíꞋ wɛkŋɛ. Pɔ́Ꞌɔ lɑ́, ɛ́ sɛ́ ḿbíkŋɛ ŋɡɔ pɛkŋɛ ɡɑ́ tú yɛkŋɛ mbíꞋ pɔ́ɔpɛ́mɑ́ pɛkŋɛ.