Pʉɔ-Lɔ́mɑ 4:16 - Kɑɑ Fí

¹⁶ Ɛ́ yúu mi ɛ́ ɡɛnɛ, ŋu lɔk pɔ nɛzɑ́p tʉ́m nǔu Sɛ́ lɑ ŋ́ɡẅɛɛ yúu mi pɛ́ kɑ kɑ́Ꞌnɛ. Sɛ́ lɔk pɔ́Ꞌɔ, ŋ́ɡɑ́ pɔ fuꞋ níinɛ yɛ́, ɛ́ lɛɛ pɔ́Ꞌɔ, mbɑ wɔ̌ lɑ́ ẅi ɑ nǔu njẅɛt-Ábɛlɛhɑ̂m ɡẅɛɛ yɛ́ yúu. Tɛ ɛ́ pɔɔ pɔ́ ndɑꞋ pʉɔ pi pɔ́p nɑ́ŋnɛ ńzúꞋ yɔ́p pɔ mbɔ̌ nɛpʉ́ʉ pɔ́, ɛ́ pɛn ḿbɔ́ mbɑ pʉɔ pi pɔ́p zɑ́pnɛ yɔ́p pɔ tʉ́m nǔu Sɛ́ pɑ́Ꞌ Ábɛlɛhɑ̂m. A tɑ́t wɛkŋɛ pɛtsʉʉ pi pɛkŋɛ pʉɔ-Sɛ́.

Pʉɔ-Lɔ́mɑ 4:16 교차 참조

Lúkɑ́shi 19:9

Yɛ́su zúꞋ, ńcú ŋɡɔ: «Sɛ́ ɡɛ yɔ ndɑ́ luk lɔ́Ꞌnɛ, mbíꞋŋɡɔ Sɑkíyɔ pɛn ḿbɔ́ yɛ́ wɛcɔ́ mɔ́ɔ-Ábɛlɛhɑ̂m!

Pʉɔ-Lɔ́mɑ 15:8

Ɛ́ yúu mi ɛ́ kɑ ɡɛnɛ Kɛlístɔ tɔ́ ɛ́fɑꞋ mbɔ̌ pɑyúdɑ, nɛɡɛ mɛnu mi Sɛ́ kɑ kɑꞋnɛ mbɔ̌ pɛmɑ̂ɑŋɡɑpnjẅɛt pɔ́p puutɛ. Ndʉ́ŋndʉŋ pɑ́Ꞌ mbɑ kʉ̈ɔ́ lɑ́ yi Sɛ́ cúnɛ ŋ́kɛ́ ḿbuutɛ puutɛ́nɛ.

Pʉɔ-Lɔ́mɑ 3:22

Pɔ pɑ́Ꞌ ŋu lɑɑ ńzɑ́p tʉ́m nǔu Yɛ́su Kɛlístɔ, mbɔ Sɛ́ ɡʉ tsʉ́Ꞌ ńdíŋɛ ŋɡɑŋ, ɑ pɔ́ mbi yɛ́ ḿbɔ́ pɔ ndʉ́ŋndʉŋ. Ɛ́ ndɑꞋ ndúŋ mbɔ̌ pʉɔ tsʉʉ. Pɔ́p mbi Sɛ́ tɛꞋ ḿbɔ́ pɔ tɑ́Ꞌ yúu,

Pʉɔ-Lɔ́mɑ 3:30

MbíꞋŋɡɔ Sɛ́ pɔ́ pɔ wɛ́mɔ́Ꞌ. A líŋɛ pɑyúdɑ pi pɔ́p zɑ́pnɛ tʉ́m nǔu Yɛ́su, pɔ́p tsʉ́Ꞌ ḿbɔ́ mbi yɛ́ ḿbɔ́ pɔ ndʉ́ŋndʉŋ, jʉ́ pɛnnɛ ńdíŋɛ pʉɔ pinɛ pɔ́p kɑ́ pɔ́ pɑyúdɑ pɔ́, lɑ́ mbɔ pɔ́p zɑ́p tʉ́m nǔu Yɛ́su, pɔ́p tsʉ́Ꞌ ḿbɔ́ mbi yɛ́ ḿbɔ́ pɔ ndʉ́ŋndʉŋ.

Pʉɔ-Lɔ́mɑ 4:11

Pɛ́ kɑ ɡɔ́ ḿbúꞋ Ábɛlɛhɑ̂m, Sɛ́ pɔ́ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́, mbíꞋŋɡɔ ɑ kɑ pɔ́ ńzɑ́p tʉ́m yɛ́ nǔu Sɛ́. Pɛ́ kɑ ɡɛ tɛ ńcʉɔꞋ lii-ŋu ẅí pɛ́ púꞋnɛ wɛ́ nǔu wɛ́. Yîyɑ́ lii kɑ lɔk ńdɛꞋlɛ ŋɡɔ Sɛ́ fú nǔu pɑ́Ꞌ jʉ́ Ábɛlɛhɑ̂m zɑ́pnɛ tʉ́m nǔu wɛ́, ńdɔk wɛ́ ŋ́ɡɛ ŋu ẅí ɑ ndʉ́ŋndʉŋ mbi yɛ́. Ɛ́ fú pɔ́Ꞌɔ Ábɛlɛhɑ̂m tsʉ́Ꞌ tɑ́t pɛ́ pʉɔ tsʉʉ pi pɔ́p sɛ́ ńzɑ́p tʉ́m nǔu Sɛ́ tɛ mbɑ pɑ́Ꞌ pɛ́ ŋ́kɑɑ wɔ́p púꞋ, Sɛ́ tsʉ́Ꞌ ńdíŋɛ wɔ́p pɔ́p pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

Pʉɔ-Lɔ́mɑ 9:8

Yɔ nu lɔk ńcú ŋɡɔ: Pɔ́ɔ pi ŋu mbɛ́ɛnɛ pɔ́p mɑŋɡɛ́ kɔŋ kɔŋnɛ ḿbí, kɑ́ pɔ́ pɔ́ɔ-Sɛ́ pɔ́. Pʉɔ pi pɛ́ kɑ pínɛ wɔ́p nǔu pɑ́Ꞌ Sɛ́ kɑ kɑꞋnɛ lɔknɛ ḿbɔ́ pɔ́ɔ-Sɛ́.

Ŋɡɑlɑ̂t 3:14

Yɔ nu pɔ́ pɑ́Ꞌɑ nɛpɔ́ wi Sɛ́ ɡʉ ɛ́fú nǔu yúu mi Yɛ́su Kɛlístɔ, ẅí ɑ nǔu njẅɛt-Ábɛlɛhɑ̂m ɡɛnɛ, ńníꞋ mbɔ́tnɛ nǔu pʉɔ pi pɔ́p kɑ́ pɔ́ pɑyúdɑ pɔ́, ɛ́ lɛɛ nǔu Ábɛlɛhɑ̂m, mbɑ nɛpɔ́ yi pɛkŋɛ ɡʉ ńdɔk pɑ́Ꞌ pɛkŋɛ zɑ́pnɛ tʉ́m nǔu Kɛlístɔ ŋ́ɡẅɛɛ Zẅikŋɛ yi Sɛ́ kɑ kɑꞋnɛ mbɔ̌ pɛkŋɛ.

Ŋɡɑlɑ̂t 3:16

Ɛ́ mbɔ̌ Sɛ́ ḿbɛn ḿbɔ́ pɔ pɔ́Ꞌɔ. Sɛ́ kɑ kɑꞋ yúu mbɔ̌ Ábɛlɛhɑ̂m tɛ mbɑ mbɔ̌ ŋu ẅí Ábɛlɛhɑ̂m kɑ pɔ́ ŋ́ɡʉ ńdɑ́Ꞌ lɑ́ ḿbí wɛ́. ŊwɑꞋnɛ-Sɛ́ kɑ cú ŋɡɔ pɛ́ kɑ kɑꞋ mbɔ̌ pʉɔ pi ɑ kɑ pɔ́ ŋ́ɡʉ ŋ́ɡɛ lɑ ḿbí wɔ́p pɑ́Ꞌ ŋkɑ́ yi pʉɔ pi pɛ́ kɑ pɔ́ ŋ́kɑꞋ yîyɑ́ yúu ɛ́ pɔ́ yɔ́p ŋ́kɑɑ zɑ́ɑ zɑ́ɑnɛ pɔ́. Ŋɡɑ́ŋ ɛ́ kɑ pɔ́ pɔ nu tɑ́Ꞌ ŋu, mbíꞋŋɡɔ pɛ́ zɛɛ ɛ́fúŋ tsɛt ŋwɑꞋnɛ-Sɛ́ ŋɡɔ: Tɛ mbɑ mbɔ̌ ŋu ẅí ɔ ɡʉ ŋ́ɡɛ ḿbí wɛ́. Ẅîwɑ́ ŋu pɛn ḿbɔ́ Kɛlístɔ.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Ɛ́fɛ̂zɛ 2:5

ɑ kɑ ɡɛ pɛkŋɛ pɛ Kɛlístɔ pɛn ḿbɔ́ ɡú, tɛ mbɑ pɑ́Ꞌ pɛkŋɛ kɑ pɔ́ mbɔ̌ wɛ́ yɛcɔ́ ŋkɑ́, mbɔ pɛkŋɛ kɑ pfú mbíꞋ mɛfɑɑnɛ mɛkŋɛ lɑ́. A kɑ lɔk pɔ pɔŋtʉ́m yɛ́ ŋ́ɡɛ pɛkŋɛ luk.

Ɛ́fɛ̂zɛ 2:8

A kɑ ɡɑ́ fuꞋ fɛ̌ɛ yʉ́ʉ, ŋ́ɡɛ pʉʉ luk, ɛ́fú nǔu pɑ́Ꞌ pʉʉ kɑ zɑ́pnɛ tʉ́m nǔu Yɛ́su. Ɛ́ kɑ́ pɔ́ ɛ́fú mbɔ̌ pʉʉ pɔ́, ɑ kɑ lɔk pɔ pɔŋtʉ́m yɛ́ ŋ́ɡɛ.

Tîtɛ 3:7

A kɑ níꞋ pɑ́Ꞌɑ nɛpɔ́ yi pɛkŋɛ ɡʉ ńdɛɛ nǔu pɔŋ tʉ́m yɛ́, ńtsʉ́Ꞌ pʉɔ ndʉ́ŋndʉŋ ŋ́ɡẅɛɛ luk kɛ́mɛ pɑ́Ꞌ pɛkŋɛ nɑŋ ḿbɔ́ ńzẅíꞋlɛ lɑ́.

2 Pyɛ̂ 1:10

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.