Pʉɔ-Lɔ́mɑ 3:20 - Kɑɑ Fí

²⁰ Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

Pʉɔ-Lɔ́mɑ 3:20 교차 참조

ŊwɑꞋnɛ-Gɑŋntúu Yɛ́su Kɛlístɔ 13:39

Mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su ɛ̂wɑ́ lɑ́, Sɛ́ líŋɛ wɛ́ ɑ pɔ́ mbi yɛ́ ḿbɔ́ ndʉ́ŋndʉŋ. Yɔ pɛn ḿbɔ́ yúu mi nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ pɔ́.

Pʉɔ-Lɔ́mɑ 2:13

MbíꞋŋɡɔ ŋu zɛɛ mbɔɔ zúꞋ nɛpʉ́ʉ-Sɛ́ zúꞋnɛ ndɑꞋ ńtsʉ́Ꞌ ŋu ẅi ɑ mbi Sɛ́ ḿbɔ́ ndʉ́ŋndʉŋ pɔ́. Ŋu zúꞋ ḿbɛn ŋ́ɡɛ pɑ́Ꞌ ɛ́ píkŋɛ́nɛ lɑ ńtsʉ́Ꞌ kwɑꞋ wɛ́tɛ́.

Pʉɔ-Lɔ́mɑ 3:28

Pɛk zɛɛ ḿbɔ́ ńjí yɛ́k ŋɡɔ: Sɛ́ ɡɔ́ ńdíŋɛ ŋu ɑ pɔ́ ndʉ́ŋndʉŋ mbi yɛ́, ntɛ́ pɔ nǔu pɑꞋ ɑ zɑ́pnɛ tʉ́m yɛ́ nǔu Yɛ́su, ɛ́ kɑ́ fú nǔu pɑ́Ꞌ ɑ ɡɛnɛ yúu mi nɛpʉ́ʉ píkŋɛ́nɛ pɔ́.

Pʉɔ-Lɔ́mɑ 4:13

Yɛcɔ́ nu pɛn ḿbɔ́ ŋɡɔ Sɛ́ kɑ kɑꞋ mbɔ̌ Ábɛlɛhɑ̂m, mbɑ mbɔ̌ njẅɛt yɛ́ ŋɡɔ ɑ ɡʉ ńdɑ́Ꞌ ŋ́ɡɑ́ ŋɡɔŋ mbɔ̌ pɔ́p. Sɛ́ ŋ́kɑɑ ḿbɔ́ ŋ́kɑꞋ pɑ́Ꞌɑ, pɔ́ mbíꞋŋɡɔ Ábɛlɛhɑ̂m kɑ pɔ́ ŋ́ɡɛ yúu mi nɛpʉ́ʉ sɛ́ ḿbíkŋɛ pɔ́, ɛ́ kɑ fú pɔ nǔu pɑ́Ꞌ ɑ zɑ́pnɛ tʉ́m nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 4:15

Nɛpʉ́ʉ zɛɛ ŋ́ɡɛ lɔ́ŋ-Sɛ́ zɑ́ŋ zɑ́ŋnɛ mbíꞋŋɡɔ pʉɔ kɑ́ pɔ́ ŋ́kúꞋlɛ pɔ́. Ɛ́ kɑ pɔ́ pɛ́Ꞌnɛ nɛpʉ́ʉ pɔɔ ɡú pɔ́, mbɔ pʉɔ kɑ́ fɑɑnɛ nɛpʉ́ʉ pɑ́Ꞌnɛ pɔ́.

Pʉɔ-Lɔ́mɑ 5:13

Sɛ́ kɑ zɛɛ ŋ́ɡɔ́ ŋ́ɡɑ́ nɛpʉ́ʉ mbɔ̌ Mɔ̌sɛ̂ɛ, mbɔ nu kɛpɔŋ kɑ lɑ́Ꞌmɔ́ ŋ́kúu ndǔmbí. Ɛ́ kɑ pɔ́ ŋkɑ́ yi nɛpʉ́ʉ kɑ pɛ́t kɛ́ pɔ́ ɡú, Sɛ́ pɔɔ sɑ́ŋ nu kɛpɔŋ-pʉɔmɛsɔŋ pɔ́.

Pʉɔ-Lɔ́mɑ 5:20

Lɑ́ ɛ́ pɛn ŋ́ɡʉ nǔu nɛpʉ́ʉ-Mɔ̌sɛ̂ɛ, mbɔ Sɛ́ kɑ pɔ́ ńzɑ́p nɛpɔ́ yi pʉɔ ɡʉ ŋ́ɡɛ ɛ́fú nǔu ńjʉ́ɔ ndɛn ẅi pɔ́p lɔknɛ ŋ́ɡɛ nu kɛpɔŋ pɔ́Ꞌɔ. Pɑ́Ꞌ mɛnu kɛpɔŋ sɛ́ ńzɑ́ɑ ŋɡɔ́ku lɑ́ Sɛ́ pɔ́ ńtsɑ́ɑ mɛjʉ́ŋ pʉɔ ŋ́ɡɑ́ fuꞋ níinɛ yɔ́p tɛ ńdɛɛ ntɛ́.

Pʉɔ-Lɔ́mɑ 7:11

Ŋ kɑ zúꞋ nînɑ́ nɛpʉ́ʉ, nu kɛpɔŋ yi ɛ́ nǔu mɔ jʉ́ɔ shʉ́ ńdɔk nɛpʉ́ʉ ɛ̂nɑ́ ńdẅɑklɛ wɑ́ɑ, ŋ ɡɛ nu kɛpɔŋ, nu kɛpɔŋ lɛɛ nǔu ńjẅí wɑ́ɑ.

Pʉɔ-Lɔ́mɑ 9:32

Pɔ́p ŋkɑɑ kuꞋ pɔ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ pɔ́p ŋ́kɑɑ ḿbɔ́ ŋ́kwɑŋɛ ŋɡɔ pɔ́p ɡʉ ńzɑ́p tʉ́m yɔ́p nǔu Sɛ́ lɑ jʉ́ ɡɛnɛ pɔ́p pɔ́ ndʉ́ŋndʉŋ mbi yɛ́ pɔ́, pɔ́p kɑ pɔ́ ńcú pɔ ŋɡɔ pɔ́p ɡʉ ŋ́ɡɔ́ ḿbɔ́ ndʉ́ŋndʉŋ mbi Sɛ́, ńdɛɛ pɔ nǔu mɛfɑꞋ mɔ́p. Pɔ́p ɡɛ pɔ́Ꞌɔ, ŋ́ɡɔ́ɔ ŋ́kɛ́ ńtɛ́m ku yɔ́p nǔu ŋɡɔꞋ yi pɛ́ kɔɔtɛ́nɛ nǔu ḿvu sɛ́.

1 Kɔlɛ̂ŋtɛ 15:56

Sʉʉ ẅi nɛvú lɔknɛ ńtsúk ŋu ɛ́ mɛnu kɛpɔŋ, mɛtʉʉ-mɛnu kɛpɔŋ fú nǔu nɛpʉ́ʉ-Sɛ́ ni ɛ́ nyɛtnɛ ŋɡɔ ŋu vu ntsɑŋ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

Ŋɡɑlɑ̂t 2:19

Ɛ́ kɑ pɔ́ ŋkɑ́ yi ŋ kɑ pɛ́tnɛ ḿbɔ́ ńdɔɔ ŋɡɔ Sɛ́ fú nǔu pɑ́Ꞌ n cúnɛ ŋɡɔ ŋ kúꞋlɛ nɛpʉ́ʉ, ńtsʉ́Ꞌ ńdíŋɛ wɑ́ɑ pɔ pɑ́Ꞌ ŋu ẅí ɑ ndʉ́ŋndʉŋ, n zúꞋ ŋɡɔ mbɔ ɛ́ pɔɔ pɔ́Ꞌɔ pɔ́, yɛ́tɛ́ ɡɛnɛ lɑ n tsʉ́Ꞌ ḿbɔ́ yɑ́ɑ nǔu nu nɛpʉ́ʉ ḿbɔ́ pɔ mpfú, pɔ́Ꞌɔ lɑ́, ńjí ŋɡɔ ŋ ɡʉ ḿbɔ́ mbi Sɛ́ ḿbɔ sʉ́Ꞌnɛ. Sɛ́ kɑ zɛɛ ńdɑt wɛ́k Kɛlístɔ pɛ́ tɛmtɛ wɛ́knɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ.

Ŋɡɑlɑ̂t 5:4

Pʉʉ pi pʉʉ sɛ́ ńdɔɔ nɛɡɛ yúu mi nɛpʉ́ʉ ɛ̂nɑ́ sɛ́ ḿbíkŋɛ lɑ́ ńdɔk ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pʉʉ pɑ́Ꞌɑ ńdɔk ḿbɔ́ pʉɔ pí pʉʉ fɑknɛ mbʉʉ nǔu Kɛlístɔ. Ɛ́ pɔ́ pɔ́Ꞌɔ pʉʉ lɔk ḿbɛ́ nu yi Sɛ́ lɑ́Ꞌ ḿbɔ́ ŋ́ɡʉ ńdɔk ŋ́ɡɑ́ fuꞋ fɛ̌ɛ yʉ́ʉ.

Ɛ́bɛlʉʉ 7:19

Pɔ́Ꞌɔ mbíꞋŋɡɔ nɛpʉ́ʉ-Mɔ̌sɛ̂ɛ ŋkɑɑ ɡɛ tɛ yɛcɔ́ yúu kuꞋ nǔu ntɛ́ yi Sɛ́ sɛ́ ŋ́kɔŋ pɔ́. Ɛ́ ŋkɔ̂ɔnɛ, mbɔ Sɛ́ kɑ tík yɛcɔ́ ndúŋ fí, kwɑŋɛ yɛkŋɛ nɑ́ŋ ŋkɔ̂ɔnɛ ńtsʉ́Ꞌ ńtʉ́ʉ pɔ nǔu. Ɛ́ pɔŋ ńdɛɛ wɛcɔ́, mbíꞋŋɡɔ pɛkŋɛ ńdɛɛ nǔu ŋ́ɡʉ tɛ ŋ́kúu nɛjɔ́ŋ Sɛ́.