Pʉɔ-Lɔ́mɑ 2:4 - Kɑɑ Fí

⁴ Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

Pʉɔ-Lɔ́mɑ 2:4 교차 참조

Pʉɔ-Lɔ́mɑ 10:12

Pɔ́Ꞌɔ lɑ́, yɛcɔ́ tɔŋ kɑ́ pɛn ḿbɔ́ tsɛtsɛt ŋu-Pɑyúdɑ pɔ́p ŋu ẅí ɑ kɑ́ pɔ́ ŋu-Pɑyúdɑ pɔ́ pɔ́. Pɔ́p pɛ́tsʉʉ tɛmtɛ ŋ́ɡẅɛɛ pɔ tɑ́Ꞌ Tsɑpʉɔ wɛ́mɔ́Ꞌ ẅí ɑ ɡɛnɛ mɛnu sʉ́Ꞌnɛ mɛ́ nǔu pʉɔ tsʉʉ pi pɔ́p lɑɑnɛ ɛ́fúŋ wɛ́.

Pʉɔ-Lɔ́mɑ 11:22

Jí ŋɡɔ Sɛ́ lɑɑ ḿbɔ́ yi ɑ ɡẅɛɛ pɔŋtʉ́m, mbɔ ɑ pɛn cʉ́ɔk. A kɑ cʉ́ɔk pʉɔ pi pɔ́p kɑ vunɛ sɛ́. M bɛn ḿbɔ́ ŋ́ɡẅɛɛ pɔŋtʉ́m nǔu ɡu. Lɑ́ ɛ́ sɛ́ ḿbíkŋɛ ŋɡɔ ɔ kɛ́ ḿbɔ́ ŋ́kẅiꞋ ŋ́ɡɛ pɔ yúu mi ɛ́ pɔŋnɛ wɛ́, tɛ ɛ́ pɔɔ pɔ́Ꞌɔ pɔ́, mbɔ ɑ ɡʉ ńzɑ́Ꞌ wú mɛꞋ pɑ́Ꞌ pɔ́tʉ́ lɑ́.

Pʉɔ-Lɔ́mɑ 11:33

Sɛ́ tsuŋ ŋ́ɡẅɛɛ pɔŋtʉ́m nzʉʉ pʉɔ tsʉʉ, mbɔ ŋumɛsɔŋ pɔɔ tíi jínu Sɛ́ pɔ́, ŋ́kɛ́ ḿbɔɔ jí yúu mi Sɛ́ sɛ́ ŋ́kwɑŋɛ pɔ́, ḿbɔ́ wɔ̌ jí yúu mi Sɛ́ zɑ́pnɛ ŋɡɔ ɑ ɡʉ ŋ́ɡɛ? Mbɔ wɔ̌ kyɛ́Ꞌtɛ pɑ́Ꞌ Sɛ́ ɡɛnɛ mɛnu pɔ́Ꞌɔ?

Pʉɔ-Lɔ́mɑ 3:25

Sɛ́ kɑ lɔk wɛ́ ńnɔŋ pɔꞋ pɑ́Ꞌ mɛci mɛ́ ɡʉ ɛ́suk mɛnu kɛpɔŋ-pʉɔ pinɛ pɔ́p zɑ́pnɛ tʉ́m nǔu jʉ́ Kɛlístɔ. Pɑ́Ꞌ ŋu kɑ ɡẅɛɛnɛ nɛpfú nǔu mɛnu kɛpɔŋ-pʉɔ lɑ́, ɛ́ lɔk ńnyɛt ŋɡɔ Sɛ́ ɡɛ mɛnu mɛ́ ndʉ́ŋndʉŋ. Ɛ́ kɑ pɔ́ yɛcɔ́ ŋkɑ́, pʉɔmɛsɔŋ pɔ́ ŋ́ɡɛ nu kɛpɔŋ, jʉ́ Sɛ́ ɡɛ pɔ pɑ́Ꞌ ŋkɑ́ yi ɑ kɑ́ pɔ́ ńjʉ́ɔ pɔ́ lɑ́.

Pʉɔ-Lɔ́mɑ 6:1

Tɛ ɛ́ pɑ́Ꞌɑ pɛkŋɛ ŋ́ɡɛ ŋɡɔ́ku? Pɛkŋɛ kɛ́ ŋ́kẅiꞋ ŋ́ɡɛ pɔ nu kɛpɔŋ nɛpɔ́ yi Sɛ́ ɡʉ ńdɔk nɛlikŋɛ mɛfɑɑnɛ mɛkŋɛ, pɛ́ tsuŋ ńjʉ́ɔ pɑ́Ꞌ ɑ sɛ́ ŋ́ɡɑ́ fuꞋ níinɛ-pʉɔ kíi?

Pʉɔ-Lɔ́mɑ 6:15

Pɔ́Ꞌɔ, ńdɔk ńcú ŋɡɔ kʉ̈ɔ́? Pɛ́ lɔk ńcú ŋɡɔ pɛkŋɛ ɡɛ mɛnu kɛpɔŋ, mbíꞋŋɡɔ pɛkŋɛ kɑ́ pɛ́t ńnɛn nǔu sɛ̂ndúŋ-nɛpʉ́ʉ pɔ́, ńtsʉ́Ꞌ ńnɛn pɔ nǔu ẅi Sɛ́ ńdɛɛ nǔu ŋ́ɡɑ́ fuꞋ níinɛ yɛkŋɛ, ńdɔk wɛkŋɛ ŋ́ɡɛ pʉɔ pɛ́ kɛkʉ̈ɔ́? Ŋɡɑ́ŋ ḿbɔ́ pɛkŋɛ pɔɔ pɔ́Ꞌɔ ɡɛ.

2 Kɔlɛ̂ŋtɛ 8:2

Ŋɡʉ̈ɔ́Ꞌ mɛntɛ́ mɛntɛ́ sɛ́ ŋ́kúu pʉɔ-Kɛlístɔ zúꞋu lɑ́, tʉ́m yɔ́p pɔ́ ńtsɑ́ɑtɛ tsɑ́ɑtɛ́nɛ tɛꞋ. Pɔ́p zɛɛ ḿbɔ́ pɔ pɛpúŋ tɛꞋ lɑ́, ŋ́ɡẅɛɛ tʉ́m sʉ́Ꞌnɛ nɛɡɑ́ yúu tɛ ɛ́ zɑ́ɑ zɑ́ɑnɛ.

Ɛ́fɛ̂zɛ 1:18

Mɔ sɛ́ ḿbɛn ḿbúꞋ mbɔ́ mbɔ̌ wɛ́, ŋɡɔ ɑ ɡɛ tʉ́m yʉ́ʉ jí kyɛꞌ yɛ́ nɛpɔ́ yi pʉʉ ɡʉ tsuŋ ńjí yúu mi ɑ kɑ pɔ́ ɛ́fúŋ wʉ́ʉ ntɛ́ yɛ́tɛ́. Mbɑ pɑ́Ꞌ pʉʉ ɡʉ ńjí mɑ́mɑ́ nu sʉ́Ꞌnɛ yi pʉʉ pɛ́ pɛcɔ́ pʉɔ pi ɑ kɑ tsɔ́Ꞌnɛ wɔ́p ɡʉ ŋ́ɡɛ cẅɛ́ɛ, ɛ́ pɔ́ yúu mi ɑ kɑ niitɛ́nɛ ńzɑ́p mbɔ̌ pʉʉ.

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

Ɛ́fɛ̂zɛ 2:4

Lɑ́ Sɛ́ tsɑ́ɑ mɛjʉ́ŋ-pʉɔmɛsɔŋ tɛꞋ. A kɑ pɛn ńdɛɛ pɔ nǔu ntɛ́ yi ɑ kɑ lɔknɛ ŋ́kɔŋ wɛkŋɛ,

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Ɛ́fɛ̂zɛ 3:16

mɔ sɛ́ ńdɔ́ɔ mbɔ̌ wɛ́ ŋɡɔ ɑ lɔk pɑ́Ꞌ nɛɡúꞋ wɛ ɡú tɛꞋ lɑ́, ḿbɛ́m, ŋ́ɡɛ Zẅikŋɛ yɛ́ ɡɑ́ yʉ́ʉ tʉʉ nɛpɔ́ yi tʉ́m yʉ́ʉ ɡʉ tsuŋ tɛntɛ tɛꞋ.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Filipɛ 4:19

Sɛ́ wɑɑ ɡʉ ńdɔk ntɛ́ yi ɑ ɡẅɛɛnɛ yúu pɔ́Ꞌɔ, ńdɛɛtɛ nǔu Yɛ́su Kɛlístɔ, ŋ́ɡɑ́ mbɑ kʉ̈ɔ́ lɑ́ yi ɛ́ sɛ́ ńjɑ́k mbɔ̌ pʉʉ kɛ́ sɑ́ŋ.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

1 Timɔtɛ́ɛ 1:16

Lɑ́, Sɛ́ kɑ tsɑ́ɑ mɛjʉ́ŋ mɑ́ɑ, tɛ Yɛ́su Kɛlístɔ nyɛt nǔu mɔ ẅí mɔ ndúu tsɛtsɛt pɑɡɛ mɛnu kɛpɔŋ ŋɡɔ ɑ jí nɛsʉk. Pɔ́Ꞌɔ ńdɔk ŋ́ɡɑ́ fʉꞋ mbɔ̌ pʉɔ pi pɔ́p ɡʉ ŋ́ɡɛ ńzɑ́p tʉ́m nǔu wɛ́, ŋ́ɡẅɛɛ luk kɛ́mɛ.

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

1 Pyɛ̂ 3:20

Mîmɑ́ mɛzẅikŋɛ pɔ́ mɛ́ pʉɔ pi pɔ́p kɑ tʉʉnɛ tú mbɔ̌ Sɛ́ ŋkɑ́ yi Nɔwɛ kɑ pɔ́ ńniitɛ kɑnúꞋ, Sɛ́ pɔ́ ńdɔk kɔkmbʉʉ ńzẅíꞋlɛ pʉɔ zẅíꞋlɛnɛ. Lɑ́ pʉɔ pɛ́nɛ́fɔ́m ndɑꞋ ɡɛnɛ ŋ́kúu tsɛt kɑnúꞋ tɛ ńduk ŋki.

2 Pyɛ̂ 1:11

Ɛ́ pɔ́ pɔ́Ꞌɔ, pɛ́ lɑ́Ꞌ ɛ́sɑ́ɑnɛ sɑ́ɑnɛ́nɛ ńtsɔ́Ꞌ ndúŋ ẅi ɛ́ ɡʉnɛ ŋ́kúu tsɛt nɛfɔɔ kɛ́mɛ-Yɛ́su Kɛlístɔ, ŋ́ɡɑ́ mbɔ̌ pʉʉ. A Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Pyɛ̂ 3:15

Tɑ́Ꞌ yúu mi ɛ́ pɛn ḿbɔ́ ḿbíkŋɛ ŋɡɔ pʉʉ kẅíitɛ ɛ́ pɔ́ pɔ ŋɡɔ, Tsɑpʉɔ pɔ́tnɛ ńzẅíꞋlɛ, ɑ kɑ́ pɔ́ fɛ́Ꞌnɛ ńtɔ́ pɔ́, nɛɡɑ́ shʉ́ pɑ́Ꞌ ḿbɔ́ pʉɔ luk. Ɛ́ pɛn ḿbɔ́ pɔ yúu mi Pɔ̂l, mɔ́ɔmɑ́ wɛkŋɛ, ḿbɔ́ súu wɛkŋɛ kɑ cúnɛ tsɛt mɛŋwɑꞋnɛ mi ɑ kɑ ɡɑ́nɛ mbɔ̌ pʉʉ. A kɑ lɔk pɔ jínu nu yi Sɛ́ kɑ ɡɑ́nɛ mbɔ̌ wɛ́ lɑ ńdɔk ńcú.

2 Pyɛ̂ 3:3

Pʉʉ zɛɛ ḿbiitɛ ńjí ŋɡɔ, ɛ́ ŋ́ɡɛ ḿbɔ́ nǔu ndẅiknzʉʉ mɛlɛ́Ꞌlɑ́Ꞌ, pɛcɔ́ pʉɔ cẅɛt, ŋ́ɡɛ yɔ́p pɔ yúu mi mɛtʉʉ mɔ́p sɛ́ ńtsʉ́ʉnɛ wɔ́p ŋɡɔ pɔ́p ɡɛ. Pɔ́p ŋ́ɡɛ ŋ́ɡwɛ wʉ́ʉ,

2 Pyɛ̂ 3:9

Tsɑpʉɔ ŋ́kɑɑ líi nɛɡɛ yúu mi ɑ kɑ kɑꞋnɛ nɛɡɛ pɑ́Ꞌ pɛcɔ́ pʉɔ sɛ́ ŋ́kwɑŋɛ pɔ́. A ɡẅɛɛ pɔ kɔkmbʉʉ mbíꞋ wʉ́ʉ, mbíꞋŋɡɔ ɑ kɑ́ pɔ́ ŋ́kɔŋ ŋɡɔ wɛcɔ́ tɑ́Ꞌ ŋu pɛ́ pɔ́, ɑ sɛ́ ŋ́kɔŋ pɔ ŋɡɔ pʉɔ pɛtsʉʉ ɡẅɛɛ shʉ́ nɛkúpmɛ mɑt.

Mɛnu ɛ́ ńdɑ́Ꞌ ńcẅɛt 2:21

Ŋ kɑ nɑ́Ꞌ ḿbɔ́ ńzẅíꞋlɛ zẅíꞋlɛ́nɛ ŋɡɔ ɑ kúpmɛ mɑt wɛ. Lɑ́, ɑ pɔɔ ḿbɔ́ ŋ́kɔŋ nɛkúpmɛ mɑt-mpfuꞋ ɛ̂wɑ́ pɔ́.

Mɛnu ɛ́ ńdɑ́Ꞌ ńcẅɛt 3:20

M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.