Pʉɔ-Lɔ́mɑ 2:23 - Kɑɑ Fí

²³ Gu ẅi ɔ sɛ́ ŋ́ŋɑ́Ꞌtɛ tɛꞋ ŋɡɔ ɔ jí nɛpʉ́ʉ-Sɛ́, ḿbɛn ɛ́fɑɑnɛ nɛpʉ́ʉ ɛ̂nɑ́, ɔ lɔk pɔ́Ꞌɔ, ńzɔɔtɛ Sɛ́.

Pʉɔ-Lɔ́mɑ 2:23 교차 참조

Lúkɑ́shi 18:11

Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

Jɑ̂ŋ 5:45

Kɔɔ pʉʉ kwɑŋɛ ŋɡɔ ŋ ɡʉnɛ ńdɑ́Ꞌ ńtʉ́ʉ mbi Tɑ̌ɑ, ńzɑ́p nu tú pʉʉ. Nzɑ́pnu tú pʉʉ ɡʉ ńdɑ́Ꞌ ḿbɔ́ pɔ Mɔ̌sɛ̂ɛ ẅí pʉʉ kwɑŋɛ yʉ́ʉ kʉ̈ɔ́ lɑ́ ńtík pɔ nǔu wɛ́.

Pʉɔ-Lɔ́mɑ 2:17

Ɛ́ ɡʉ nǔu ɡu, ɔ sɛ́ ńniitɛ ńcú ŋɡɔ ɔ ŋu-Pɑyúdɑ, ŋɡɔ ɔ fú nǔu pɑ́Ꞌ ɔ kúꞋlɛ́nɛ nɛpʉ́ʉ pɔ́Ꞌɔ, ḿbɔ́ ŋu-Sɛ́,

Pʉɔ-Lɔ́mɑ 3:2

Pii kɛ́ ḿbɔ́ ɡú tɛꞋ, mɛshʉ́ mɛshʉ́ nǔu nɛpɔ́ ŋu-Pɑyúdɑ. Nduŋmbi pɔ́ pɑ́Ꞌ Sɛ́ kɑ ɡɑ́nɛ sẅiŋɛ yɛ́ pɔ mbɔ̌ pɑyúdɑ.

Pʉɔ-Lɔ́mɑ 3:27

Tɛ ɛ́ pɑ́Ꞌɑ yɛcɔ́ yúu mi mbɔ ŋumɛsɔŋ pɛn ńdɔk ŋ́ŋɑ́Ꞌtɛ pɔ́ ɡú? Ŋɡɑ́ŋ ɛ́ kɑ́ pɛn ḿbɔ́ ɡú pɔ́ kɑ́ɑ yɛcɔ́ yúu. Pɔ́Ꞌɔ, mɛlɑ́Ꞌ kʉ̈ɔ́? MbíꞋŋɡɔ yúu mi Sɛ́ zẅíꞋlɛ́nɛ, kɑ́ pɔ́ pɔ ŋu nɛcú ŋɡɔ ɑ ɡɛ yúu mi nɛpʉ́ʉ sɛ́ píkŋɛ pɔ́, ɛ́ pɔ́ pɔ ŋu nɛzɑ́p tʉ́m yɛ́ nǔu Yɛ́su.

Pʉɔ-Lɔ́mɑ 9:4

Pɔ́p Pɑíslɑyɛ̂l. Mbɔ Sɛ́ kɑ kɑŋ wɔ́p ńdɔk wɔ́p ŋ́ɡɛ pɔ́ɔ pɛ́, ńnyɛt wɔ́p nɛ́ nɛɡúꞋ wɛ, ŋ́ɡɛ pɔ́p pɛpɔ́p ɡwɑt kɑɑ, ɑ ɡɑ́ nɛpʉ́ʉ nɛ́ mbɔ̌ pɔ́p, ɛ́sẅíi wɔ́p nɛ́ ntɛ́ yi pɔ́p ɡʉ ńdɔk ŋ́ɡúꞋlɛ wɛ́, ŋ́kɑꞋ mɛnu mbɔ̌ pɔ́p tɛ ɛ́ zɑ́ɑ zɑ́ɑnɛ.