Pʉɔ-Lɔ́mɑ 2:13 - Kɑɑ Fí

¹³ MbíꞋŋɡɔ ŋu zɛɛ mbɔɔ zúꞋ nɛpʉ́ʉ-Sɛ́ zúꞋnɛ ndɑꞋ ńtsʉ́Ꞌ ŋu ẅi ɑ mbi Sɛ́ ḿbɔ́ ndʉ́ŋndʉŋ pɔ́. Ŋu zúꞋ ḿbɛn ŋ́ɡɛ pɑ́Ꞌ ɛ́ píkŋɛ́nɛ lɑ ńtsʉ́Ꞌ kwɑꞋ wɛ́tɛ́.

Pʉɔ-Lɔ́mɑ 2:13 교차 참조

Lúkɑ́shi 18:14

Yɛ́su mɑꞋ tú yɔ nu ŋɡɔ: «Tsʉ́nɛ ŋ kɛ sẅíi wʉ́ʉ, wɔ ńcẅɛ́ɛ ntsup kɑ ɡɔ́ ḿbɛn nɛ ndɑ́ yɛ, Sɛ́ pɔɔ pɛ́t ḿbɔ́ ńdɑ́Ꞌ wɛ́ pɔ́. Lɑ́, ŋ́ɡʉ nǔu ŋu-Pɑfɑlísɑy ɛ̂wɑ́, Sɛ́ kɛ ḿbɔ́ ńdɑ́Ꞌ wɛ́ lɑ́Ꞌnɛ. Ɛ́ pɔ́Ꞌɔ, lɑ́ ḿbɔ́ yi ŋu lɑɑ ŋ́ŋɑ́Ꞌ mbʉʉ yɛ, mbɔ pɛ́ ɡʉ ŋ́kɔk wɛ́, ŋ́kɔk mbʉʉ yɛ, mbɔ Sɛ́ ɡʉ ŋ́ŋɑ́Ꞌ wɛ́.»

Lúkɑ́shi 8:21

A tsɔ́Ꞌ ŋɡɔ: «Mɑ́ wɑɑ pɔ́p pɔ́ɔpɛ́mɑ́ pɑ́ɑ pʉɔ pinɛ pɔ́p zúꞋnɛ nu-Sɛ́, Ḿbɛn ŋ́ɡɛ pɑꞋ sẅiŋɛ ɛ̂yɑ́ sɛ́ ḿbíkŋɛ.»

Jɑ̂ŋ 13:17

Pɑ́Ꞌ pʉʉ sɛ́ ńjí ŋkɔ̂ɔnɛ lɑ́, pʉʉ lɑɑ ŋ́ɡɛ pɔ́Ꞌɔ, mbɔ pʉʉ pɛpɔ́ttú.

ŊwɑꞋnɛ-Gɑŋntúu Yɛ́su Kɛlístɔ 13:39

Mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su ɛ̂wɑ́ lɑ́, Sɛ́ líŋɛ wɛ́ ɑ pɔ́ mbi yɛ́ ḿbɔ́ ndʉ́ŋndʉŋ. Yɔ pɛn ḿbɔ́ yúu mi nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ pɔ́.

Pʉɔ-Lɔ́mɑ 10:5

Pʉʉ zúꞋ yúu mi Mɔ̌sɛ̂ɛ kɑ ŋwɑꞋnɛ́nɛ nǔu nu-sɛ̂ndúŋ ẅi ŋu ɛ́fú nǔu pɑ́Ꞌ ɑ ɡẅɛɛnɛ nɛpʉ́ʉ, ḿbɔ́ ndʉ́ŋndʉŋ mbi Sɛ́. «A kɑ cú ŋɡɔ: Ŋu lɑɑ ŋ́kúꞋlɛ nu tsʉʉ yi nɛpʉ́ʉ kɑ cúnɛ, lɑ́ mbɔ ɑ ɡʉ ńdúꞋnɛ nɛpʉ́ʉ lúꞋnɛ́nɛ»

Pʉɔ-Lɔ́mɑ 2:25

Ɛ́ nɛ́nẅín ŋɡɔ ɔ lɑɑ ńnɛn nǔu pɑ́Ꞌ nɛpʉ́ʉ sɛ́ ḿbíkŋɛ, mbɑ nɛpɔ́ ẅí pɛ́ kɑ púꞋnɛ wú pɑ́Ꞌ ɔ ɡʉ ḿbɔ́ ŋu-Sɛ́ ɑ ɡɛ cẅɛ́lɛ́. Lɑ́ ŋ́kɛ́ mbɔɔ nɛn nǔu pɑ́Ꞌ nɛpʉ́ʉ sɛ́ ḿbíkŋɛ pɔ́, mbɔ pɛ́ kɑ zɛɛ ḿbúꞋ mbɑ wú lɑ́, ɔ ɡʉ ńtsʉ́Ꞌ ḿbɔ́ ŋu ẅi pɛ́ ŋkɑɑ wɛ́ púꞋ pɔ́,

Pʉɔ-Lɔ́mɑ 3:20

Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

Pʉɔ-Lɔ́mɑ 3:23

mbíꞋŋɡɔ pɔ́p pɛtsʉʉ kɑ zɛɛ ŋ́ɡɛ mɛnu kɛpɔŋ tɛ sɑ́ɑ nɛɡúꞋ ẅi ɛ́ nɛjɔ́ŋ Sɛ́.

Pʉɔ-Lɔ́mɑ 3:30

MbíꞋŋɡɔ Sɛ́ pɔ́ pɔ wɛ́mɔ́Ꞌ. A líŋɛ pɑyúdɑ pi pɔ́p zɑ́pnɛ tʉ́m nǔu Yɛ́su, pɔ́p tsʉ́Ꞌ ḿbɔ́ mbi yɛ́ ḿbɔ́ pɔ ndʉ́ŋndʉŋ, jʉ́ pɛnnɛ ńdíŋɛ pʉɔ pinɛ pɔ́p kɑ́ pɔ́ pɑyúdɑ pɔ́, lɑ́ mbɔ pɔ́p zɑ́p tʉ́m nǔu Yɛ́su, pɔ́p tsʉ́Ꞌ ḿbɔ́ mbi yɛ́ ḿbɔ́ pɔ ndʉ́ŋndʉŋ.

1 Kɔlɛ̂ŋtɛ 4:4

Ɛ́ nɛ́nẅín ŋɡɔ mbʉʉ yɑɑ kɑ́ pɔ́ ńtswɑ́ɑ wɑ́ɑ nǔu yɛcɔ́ nu pɔ́. Lɑ́ ŋ kɑ́ pɔ́ ńdɔk ńcú ŋɡɔ yɛcɔ́ lɔ́Ꞌ kɑ́ pɔ́ nǔu fɑꞋ yi mɔ ŋ́ɡɛ pɔ́ pɔ́. Tsɑpʉɔ pɔ́nɛ ŋu ẅí ɑ ɡẅɛɛnɛ nɛtɑꞋ fɑꞋ yɑ́ɑ ńtíitɛ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

Ŋɡɑlɑ̂t 5:4

Pʉʉ pi pʉʉ sɛ́ ńdɔɔ nɛɡɛ yúu mi nɛpʉ́ʉ ɛ̂nɑ́ sɛ́ ḿbíkŋɛ lɑ́ ńdɔk ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pʉʉ pɑ́Ꞌɑ ńdɔk ḿbɔ́ pʉɔ pí pʉʉ fɑknɛ mbʉʉ nǔu Kɛlístɔ. Ɛ́ pɔ́ pɔ́Ꞌɔ pʉʉ lɔk ḿbɛ́ nu yi Sɛ́ lɑ́Ꞌ ḿbɔ́ ŋ́ɡʉ ńdɔk ŋ́ɡɑ́ fuꞋ fɛ̌ɛ yʉ́ʉ.

Jɑ̂k 1:27

Nɛɡɛ ŋɡɔ nu-Sɛ́ pɔ́ kɛ́ lɔ́Ꞌ, ɛ́ píkŋɛ ŋɡɔ ŋu líŋɛ pɔ́ɔ pɛcí mbɑ pɛpfúk tsɛt ŋɡʉ̈ɔ́Ꞌ yɔp, ḿbɔ́ ŋu ẅí ɑ pɑ́ɑ mbʉʉ yɛ, ḿbɔ́k ntsɛ́llɛ́ nɛpʉ́ʉpɛ wɛ́.

1 Jɑ̂ŋ 2:29

Pʉʉ sɛ́ ńjí ŋɡɔ Kɛlístɔ ɡɛ yúu mi ɛ́ ndʉ́ŋndʉŋ mbi Sɛ́, pɔ́Ꞌɔ lɑ́ pʉʉ pɛn ńjí ŋɡɔ ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ɑ ɡʉ ńtsʉ́Ꞌ mɔ́ɔ-Sɛ́.

1 Jɑ̂ŋ 3:7

Mbɔ́ŋkʉ̈ɔ́ pɑ́ɑ, ḿbɑ́ɑ ŋu nɛɡɛ pʉʉ fɑɑnɛ sɛ̂ndúŋ. Ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ŋɡɑŋ lɔk ŋ́ɡɛ yɛ́ pɑ́Ꞌ Yɛ́su Kɛlístɔ. A ɡɛ yúu mi ɛ́ ndʉ́ŋndʉŋ mbi Sɛ́.