Pʉɔ-Lɔ́mɑ 16:2 - Kɑɑ Fí

² Pʉʉ lɔk lík-Tsɑpʉɔ ŋ́kúkŋɛ wɛ́ nǔu ntɛ́ yi pʉɔ-Kɛlístɔ ɡẅɛɛnɛ nɛkúkŋɛ ŋu pɔ́Ꞌɔ. Pʉʉ tʉ́ʉ pɑ́Ꞌ mbɑ yɛ́tɛ́ nu lɑ́ lɑɑ ńdɛɛ wɛ́, tɛ ɑ kíi mbɔ̌ pʉʉ, pʉʉ cẅɛ́lɛ́ wɛ́ nǔu. KwɑꞋ jʉ́ kɑ cẅɛ́lɛ́ mɔ́ pʉɔ tɛꞋ, ḿbɛn ńcẅɛ́lɛ mbɑ wɑ́ɑ ɡúu.

Pʉɔ-Lɔ́mɑ 16:2 교차 참조

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

ŊwɑꞋnɛ-Gɑŋntúu Yɛ́su Kɛlístɔ 9:13

Anɑníyɑs pʉ̈ɔt ŋɡɔ: «Tsɑpʉɔ, n zɛɛ ńzúꞋ pʉɔ tɛ ńzɑ́ɑ kẅíi ŋu ẅí ɔ cúnɛ lɑ́. Mɔ yɑ́ɑ ńjí nu kɛpɔŋ yi ɑ kɑ ɡɛnɛ nǔu pʉɔ pú Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 9:15

Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 9:36

Wɛcɔ́ mɑŋɡɛ́ pɔ́ Jɔp, lík yɛ́ pɔ́ ŋɡɔ Tɑpítɑ, ńdɔk ńcú ŋɡɔ Ndɔlkɑs nǔu cú-Ŋɡɛlɛk, ɛ́ lɔk ńcú ŋɡɔ ŋ́ɡɑ́p nǔu cú wɛkŋɛ. A pɔ́, mbɔ ɑ kɑ pɛ́m nu-Yɛ́su, ḿbɔ́ ŋ́kɑ́ tsʉʉ ŋ́ɡɛ pɔ nu sʉ́Ꞌnɛ, ḿbɛn ńtɔ́ɔtɛ pɑkɛ́yúu.

ŊwɑꞋnɛ-Gɑŋntúu Yɛ́su Kɛlístɔ 9:39

Pyɛ̂ ɡɔ́ɔ ńzúꞋ, pɔ́p pɛ́pɔ́p cʉ́ɔ sɛ̂ndúŋ kɛ́ lɑ́ɑtɛ, ŋ́ɡʉ tɛ ŋ́kúu zúꞋu, pɛ́ lɔk wɛ́ ŋ́ɡʉ tsɛt lûmndɑ́ ẅi ɛ́ ndǔ ndɛ̂k wɛ tʉ́. A kúu tsɛtú, pɛpfúk pɑŋɡɛ́ tsʉʉ tɔ́ ńcúꞋlɛ nɛjɔ́ŋ wɛ́, ḿbɔ́ ńdɑɑ, ḿbɔ́ ḿmɑꞋ mɛjʉ́ŋ ńnyɛt wɛ́ nɛ́ mɛkɛm-ndẅí nɛ́ mɛcɔ́ mɛndẅí mi Tɑpítɑ kɑ pɛ́tnɛ ntʉʉ, ńtɛ́m ŋ́ɡɑ́ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 9:41

Pyɛ̂ ɡẅɛɛ pɔ́ yɛ́, ŋ́ɡɛ ɑ lɔ sɛ́. A ɛ́fúŋ pɑpɛ́m Yɛ́su pɔ́p pɛpfúk, ńnyɛt Tɑpítɑ mbɔ̌ pɔ́p, ɑ pɔ́ sʉ́Ꞌnɛ.

Pʉɔ-Lɔ́mɑ 15:7

Pɔ́Ꞌɔ lɑ́, mbɑ wɔ̌ lɑ́ tsɛtsɛt pʉʉ pɛ́m pɛcɔ́ pʉɔ nɛjɔ́ŋ wɛ́, ndʉ́ŋndʉŋ pɑ́Ꞌ Kɛlístɔ kɑ pɛ́mnɛ wʉ́ʉ nɛjɔ́ŋ wɛ́, pʉʉ ɡɛ pɔ́Ꞌɔ, pʉɔ jʉ́ɔ ŋ́ɡúꞋlɛ Sɛ́.

Pʉɔ-Lɔ́mɑ 16:15

Pʉʉ cɛꞋlɛ Filɔlɔk, nɛ́ Julí, nɛ́ Nɛ́lɛ tɛ mbɑ mɔ́ɔmɑ́ wɛ wɛ mɑŋɡɛ́, ŋ́ɡɛ Ɔlɛmpɑ́s, tɛ mbɑ pʉɔ-Kɛlístɔ pɛtsʉʉ pi pɔ́p pɛpɔ́p pɔ́nɛ.

Pʉɔ-Lɔ́mɑ 16:23

Ŋɡɑẅîs ẅí ɑ kúkŋɛ́nɛ wɑ́ɑ, cɛꞋlɛ wʉ́ʉ, cúꞋlɛ-pʉɔ-Kɛlístɔ ndɑ́ yɛ́. Ɛlɑstɛ, ẅí ɑ tʉ́sɔŋ ḿbɔ́ ndẅɛꞋ ŋkɑ́p, mbɑ mɔ́ɔmɑ́ wɛkŋɛ Kɑɑtẅis pɔ́p tɛmtɛ ḿbúꞋ mbɔ́ mbɔ̌ pʉʉ. [

Pʉɔ-Lɔ́mɑ 16:6

Pʉʉ ńcɛꞋlɛ Mɑlíyɑ. A kɑ kíɛ ziꞋnɛ tɛꞋ mbíꞋ wʉ́ʉ.

Pʉɔ-Lɔ́mɑ 16:9

Pʉʉ ńcɛꞋlɛ Ulbɛŋ, pɛkŋɛ fɑꞋ fɑꞋ-Kɛlístɔ, ḿbúꞋ mbɔ́ mbɔ̌ mbɑ mbɔ̌ mɔ́ɔmɑ́ wɑ́ɑ wɛ tʉʉndɛn Stɑshis.

Ɛ́fɛ̂zɛ 5:3

Pɑ́Ꞌ pʉʉ ŋkɔ̂ɔnɛ ḿbɔ́ pʉɔ-Sɛ́ lɑ́, yɛcɔ́ yúu mi ɛ́ kɑ́ píkŋɛ ŋɡɔ ŋu wʉʉ ɡɛ pɔ́, ḿbɛn mbɔɔ píkŋɛ ŋɡɔ pɛ́ zɛɛ ŋ́kẅíi mbɑ kẅíinɛ tsɛtsɛt pʉʉ pɔ́, pɛ́ cú nu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ mɛnu ntsɛ́llɛ́ mbɑ nu kɛ́ɡʉ̈ɔꞋ.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Filipɛ 2:29

Pɔ́Ꞌɔ lɑ́, pʉʉ kúkŋɛ wɛ́ nɛ́ kwɑꞋ tsɑ́ɑtɛ, mbíꞋŋɡɔ ɑ mɔ́ɔmɑ́ wʉ́ʉ nzʉʉ Tsɑpʉɔ. Pʉʉ ɡɛ mɛkuꞋ-ntɛ́ pʉɔ pɑ́Ꞌ pɔ́p lɑ́,

Kɔlɔsíyɛ̂ŋ 4:10

Alistɑk ẅí pɛknɛ tɛmtɛ́nɛ ḿbɔ́ ndɑ́tsɑ́ŋ cɛꞋlɛ wʉ́ʉ. Mɑ́lɛ́kúshi ẅí ɑ mɔ́ɔmɑ́-Pɑnɛpɑ́ɑshi pɛn ḿbúꞋ mbɔ́ mbɔ̌ pʉʉ ɡúu. Ŋ kɑ zɛɛ ŋ́kẅíi wɛ́ mbɔ̌ pʉʉ. A lɑɑ ŋ́kúu zɑ́Ꞌɑ, pʉʉ kúkŋɛ wɛ́ sʉ́Ꞌnɛ.

1 Timɔtɛ́ɛ 2:10

Ɛ́ píkŋɛ ŋɡɔ pɔ́p lɔk pɔ mɑt wɔp ńnyɛt ŋɡɔ pɔ́p pɑŋɡɛ́ pi pɔ́p síinɛ. Ɛ́ pɑ́Ꞌ pɑŋɡɛ́ pi pɔ́p ɡɛnɛ yúu mi ɛ́ pɔŋnɛ Sɛ́ ɡẅɛɛnɛ nɛɡɛ.

2 Timɔtɛ́ɛ 1:18

Mɔ sɛ́ ḿbúꞋ mbɔ́ mbɔ̌ Tsɑpʉɔ ŋɡɔ ɑ lɑ́Ꞌ lɛ́Ꞌ nɛzɑ́Ꞌ ntsɑŋ ŋ́ɡẅɛɛ pɔŋtʉ́m nǔu wɛ́. KwɑꞋ ɡu sɛ́ ńjí pɑ́Ꞌ ŋ kɑ pɛ́t tʉ́sɔŋ-Ɛ́fɛ̂zɛ ɑ cẅɛ́lɛ́ wɑ́ɑ pɔ́Ꞌɔ.

Tîtɛ 2:3

Ɛ́ ndʉ́ŋndʉŋ pɑ́Ꞌ ɔ ɡʉ ńzíꞋ mbɔ̌ pɛlʉ́m pɑŋɡɛ́ ŋɡɔ pɔ́p ɡẅɛɛ mɑt ẅi ɛ́ pɔŋnɛ Sɛ́, ŋɡɔ kɔɔ pɔ́p sẅíitɛ nǔu mɛlík-pʉɔ, ŋɡɔ kɔɔ pɔ́p mɑꞋ mbʉʉ yɔp nǔu mɛluꞋ. Ɛ́ píkŋɛ ŋɡɔ pɔ́p zíꞋ pʉɔ nɛ́ mɑt sʉ́Ꞌnɛ,

Filɛmɔ̂ŋ 1:12

N túu wɛ́ ŋɡɔ ɑ pɛn nzʉʉ ńtsɛ́t wú. A pɑ́Ꞌɑ ḿbɔ́ tʉ́m yɑ́ɑ.

Filɛmɔ̂ŋ 1:17

Ɛ́ lɑɑ ḿbɔ́ yi ɔ jí ŋɡɔ pûu nǔu tɑ́Ꞌ nu, ɔ kúkŋɛ wɛ́ pɑ́Ꞌ ɑ pɛ́Ꞌnɛ ḿbɔ́ mɔ, mbɔ ɔ kúkŋɛ wɑ́ɑ pɔ́Ꞌɔ,

2 Jɑ̂ŋ 1:10

Ŋu lɑɑ ńdɔk yɛcɔ́ nu ńtɔ́ tsɛtsɛt pʉʉ, tɛ ɛ́ pɔɔ pɔ́ pɔ yi Kɛlístɔ kɑ zíꞋnɛ wʉ́ʉ pɔ́, kɔɔ pʉʉ kúkŋɛ wɛ́, kɔɔ pʉʉ zɛɛ ḿbúꞋ mbɔ́ mbɔ̌ wɛ́ mbɑ nɛcɛꞋlɛ.