Pʉɔ-Lɔ́mɑ 15:27 - Kɑɑ Fí

²⁷ Pɔ́p kɑ jʉ́ɔnɛ pɔ́Ꞌɔ lɑ́, ɛ́ zɛɛ ḿbɔ́ pɔ nzɔ́ yi pɔ́p ɡẅɛɛnɛ nɛtɔŋɛ mbɔ̌ pɔ́p. MbíꞋŋɡɔ ɛ́ lɑɑ ḿbɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡẅɛɛ yɔ́p yúu nǔu yúu mi Sɛ́ kɑ niitɛ́nɛ, mbɔ pîpɑ́ pʉɔ ɡẅɛɛ pɑ́Ꞌ pɔ́p ŋ́ɡʉ nǔu yúu mi ɛ́ yɔ́p, ḿbɛ́ɛ yɛcɔ́ nǔu pɛ́ lɔk ńcẅɛ́lɛ pɑyúdɑ.

Pʉɔ-Lɔ́mɑ 15:27 교차 참조

Mɑtʉ̈ɔ 6:12

likŋɛ mɛfɑɑnɛ mɛ́k, ŋ́ɡɑ́ mbɔ̌ pɛk, pɑ́Ꞌ pɛk sɛ́ ńdikŋɛ yɛ́k ŋ́ɡɑ́ mbɔ̌ pʉɔ pi pɔ́p ɡɛnɛ nǔu pɛk lɑ́.

Pʉɔ-Lɔ́mɑ 11:17

Lɑ́ pɑíslɑyɛ̂l pɑ́Ꞌ tʉ́-mɛɡwɛ́t-ɔliivɛ-ŋu, mbɔ ŋɡɑŋ kɑ kʉ́ɔꞋ mɛcɔ́ mbɔ́ nǔu ḿmɛꞋ. Gu ẅí ɔ kɑ́ pɔ́ ŋu-Yúdɑ pɔ́, ɔ pɑ́Ꞌ pɛpɔ́tʉ́ mɛɡwɛ́t-ɔliivɛ yi ɛ́ pɔ́ pɔ mbɛ́n, mbɔ pɛ́ kɑ lɔk wú ńtɔ́ ńdɑt tsɛtsɛt mbɔ́ mi ɛ́ kɑ pɛ́tnɛ ḿbɔ́ nǔu tʉ́ ɛ̂yɑ́. Ɔ nǔu ŋkɔ̂ɔnɛ ḿbɔ́ ńdúꞋnɛ mɛci-tʉ́ mi ɛ́ fúnɛ nǔu mɛŋɑŋ ŋ́kúu nǔu pʉʉ pɛpɔ́p pɛtsʉʉ.

Pʉɔ-Lɔ́mɑ 7:14

Pɛkŋɛ zɛɛ ḿbɔ́ ńjí ŋɡɔ nɛpʉ́ʉ fú mbɔ̌ Sɛ́. Lɑ́ ɛ́ kɛ́ ŋ́ɡʉ nǔu mɔ ŋumɛsɔŋ n zɑŋɛ zɑŋɛ́nɛ, mbɔ pɛ́ kɑ fɛn wɑ́ɑ n tsʉ́Ꞌ ŋkwɑɑ-nu kɛpɔŋ.

1 Kɔlɛ̂ŋtɛ 9:11

Pɛk kɑ pi mbiyúu mi ɛ́ fúnɛ mbɔ̌ Sɛ́ tsɛtsɛt pʉʉ. Pɛk lɑɑ ḿbɔ́ pɑ́Ꞌɑ ŋ́ɡʉ nǔu yúu pʉ́ʉ, ŋ́ɡẅɛɛ yɛcɔ́ pɑ́Ꞌ pʉɔ pi pɔ́p fúnɛ ŋkɑ́Ꞌ lɑk yúu lɑ́, mbɔ pɛk lɔk ŋ́ɡɔ́ɔ ńjʉ́ pii yʉ́ʉ tɛ ɛ́ lɛɛ lɛɛnɛ kii?

Ŋɡɑlɑ̂t 6:6

Ɛ́ pɔ́ŋ ŋɡɔ ŋu ẅí pɛ́ sɛ́ ńzíꞋ wɛ́ nɛ nu-Sɛ́ ɡɑp yúu pɛ́ ŋ́ɡɑ́ yɛ ŋu ẅí ɑ sɛ́ ńzíꞋ wɛ́.

Filɛmɔ̂ŋ 1:19

KwɑꞋ mɔ Pɔ̂l n dɔknɛ pɔ́ yɑ́ɑ ŋ́ŋwɑꞋnɛ yɔ zʉꞋ, ŋɡɔ ŋ ɡʉ ŋ́ɡɛ ńtú mbɔ̌ ɡu. Lɑ́ jí ŋɡɔ ŋ ɡẅɛɛ yɛcɔ́ yúu mi ɛ́ lɑɑ ḿbɔ́ m bíkŋɛ ŋɡɔ ɔ tú mbɔ̌ mɔ. Ɛ́ pɔ́ pɑ́Ꞌ ɔ ɡɔ́ ŋ́ɡẅɛɛ nɛpɔ́ ẅi ɔ ɡẅɛɛnɛ ŋkɔ̂ɔnɛ tɛꞋ, ńtẅɛꞋ pɔ wɑ́ɑ.