Pʉɔ-Lɔ́mɑ 15:16 - Kɑɑ Fí

¹⁶ ńdɔk wɑ́ɑ ŋ́ɡɛ ŋu ẅí ɑ ɡʉ ḿbɔ́ ɛ́fɑꞋ fɑꞋ-Yɛ́su Kɛlístɔ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́. A kɑ tsɔ́Ꞌnɛ wɑ́ɑ nɛpɔ́ yi ŋ ɡʉ ńtsʉ́Ꞌ ńcẅi pɔ Ŋkʉʉ Sʉ́Ꞌnɛ mbɔ̌ pɔ́p, Zẅikŋɛ Lɛ́ɛnɛ́nɛ lɔk wɔ́p ŋ́ɡɛ pʉɔ-Sɛ́, mɔ ŋ́ɡɑ́ wɔ́p mbɔ̌ Sɛ́, pɔ́p pɔ́ pɑ́Ꞌ yúu pɔꞋ yi ɛ́ pɔŋnɛ Sɛ́.

Pʉɔ-Lɔ́mɑ 15:16 교차 참조

ŊwɑꞋnɛ-Gɑŋntúu Yɛ́su Kɛlístɔ 13:2

Yɛcɔ́ lɛ́Ꞌ, pɔ́p kɔŋ kɔŋnɛ ńnɑ́ŋ njí ńcɛꞋlɛ Sɛ́. Zẅikŋɛ Lɛ́ɛnɛ́nɛ cú mbɔ̌ pɔ́p ŋɡɔ: «Pʉʉ ɛ́fɑk Pɑnɛpɑ́ɑshi pɔ́p Sɔ̂l, ńnɑ́ wɔ́p, pɔ́p fɑꞋ fɑꞋ yí ŋ kɑ tsɔ́Ꞌnɛ wɔ́p ntɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 20:32

Ŋ kɛ́ ḿbɔ́ ŋkɔ̂ɔnɛ pɑꞋɑ ḿbɔ́ fɛ́ɛ wʉ́ʉ mbɔ̌ Sɛ́ ḿbɛn ḿbɔ́ ńcú mbɔ̌ pʉʉ ŋɡɔ pʉʉ zẅíꞋlɛ sẅiŋɛ yɛ́ yi ɛ́ nyɛtnɛ pɑ́Ꞌ ɑ ɡɑ́nɛ fuꞋ níinɛ yɛkŋɛ pɔ́Ꞌɔ. Yîyɑ́ sẅiŋɛ kuꞋ nɛɡɛ pʉʉ kẅiꞋ ńzɑ́p tʉ́m nǔu Sɛ́. A lɛɛ nǔu ŋ́ɡɑ́ yúu sʉ́Ꞌnɛ yi ɑ kɑ niitɛ́nɛ ńzɑ́p ntɛ́ pʉɔ pinɛ pɔ́p pɛ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 22:21

Lɑ́ Tsɑpʉɔ ńcú mbɔ̌ mɔ ŋɡɔ: Lu, n túu wú pɑ́Ꞌɑ ŋɡɑ sɛsɑ, tsɛtsɛt pʉɔ ntɛ́ nɛ́ ntɛ́ pi pɔ́p kɑ́ pɔ́ pɑyúdɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 9:15

Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

Pʉɔ-Lɔ́mɑ 11:13

Nu yi ŋ ɡʉ ńcú ŋkɔ̂ɔnɛ lɑɑ, n cú mbɔ̌ pʉʉ pi pʉʉ kɑ́ pɔ́ pɑyúdɑ pɔ́. Sɛ́ kɑ túu wɑ́ɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́. TúfɑꞋ yi Sɛ́ kɑ ɡɑ́nɛ mbɔ̌ mɔ, n níꞋ mɛkuꞋ nǔu.

Pʉɔ-Lɔ́mɑ 15:18

MbíꞋŋɡɔ n dɑɑ ńcú kʉ̈ɔ́ lɑ́ yi ŋ kɑ ɡɛnɛ nǔu fɑꞋ-Sɛ́, mbɔ ɛ́ pɔ́ pɔ yi Kɛlístɔ kɑ lɔknɛ wɑ́ɑ ŋ́ɡɛ. Pɔ́Ꞌɔ, nɛɡɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ ntsu-Sɛ́, ɛ́ lɛɛ nǔu sẅiŋɛ yi n cúnɛ mbɑ nǔu mɛfɑꞋ mi ɛ fɑꞋnɛ,

Pʉɔ-Lɔ́mɑ 15:19

ńdɛɛ nǔu mɛlii-mɛnu pɔ́p mɛnu mɑ̌ɑmɑɑnɛ, ḿbɛn ńdɛɛ nǔu mɛtʉʉ-Zẅikŋɛ-Sɛ́. Yɔ ntɛ́ yi ŋ kɑ lɔknɛ ńniitɛ ńcẅi Ŋkʉʉ Sʉ́Ꞌnɛ-Kɛlístɔ zʉꞋ tsʉʉ, nɛfú Yɛlúsɑlɛm ŋ́ɡʉ ŋ́kúu Ilylî.

Pʉɔ-Lɔ́mɑ 15:20

Lɑ́, ŋ kɑ sɑ́Ꞌ tʉʉ nɛ́ kɛ́ ńcẅi Ŋkʉʉ Sʉ́Ꞌnɛ pɔ zʉꞋ yi pɛ́ zɛɛ mbɔɔ Kɛlístɔ zúꞋu kẅii, ḿbɔ́k nɛkút ndɑ́ nǔu cʉ́ndɑ́ yi wɛcɔ́ ŋu ndɛꞋ kɑ nɔŋnɛ.

Pʉɔ-Lɔ́mɑ 15:29

M bɛn ḿbɔ́ ńjí ŋɡɔ mɔ ŋ́ɡɛ ńtɔ́, Sɛ́ lɛɛ nǔu mɔ, ńníꞋ mbɔ́tnɛ nǔu pʉʉ tɛꞋ.

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

1 Kɔlɛ̂ŋtɛ 3:5

Apɔlɔ́s pɑ́Ꞌɑ ḿbɔ́ wɔ̌? Pɔ̂l pɔ́ wɔ̌? Lɑ pʉʉ cú pɔ́Ꞌɔ? Pɛknɛ́ pɔ́ pɔ pɑfɑꞋ fɑꞋ-Sɛ́ pi pʉʉ kɑ lúꞋnɛ́nɛ wɛ́k lɑ ńzɑ́p tʉ́m nǔu Yɛ́su Kɛlístɔ. Mbɑ wɔ̌ lɑ́ nǔu pɛknɛ́ ɡɛ pɔ yúu mi Tsɑpʉɔ kɑ ɡɑ́nɛ shʉ́ ŋɡɔ ɑ ɡɛ.

1 Kɔlɛ̂ŋtɛ 4:1

Pɔ́Ꞌɔ lɑ́, pʉʉ líŋɛ wɛ́k pɑ́Ꞌ pɑfɑꞋ fɑꞋ-Kɛlístɔ mbɑ pɑ́Ꞌ pʉɔ pi pɔ́p ɡẅɛɛnɛ nu nǔu nɛkyɛ́Ꞌtɛ nu-Sɛ́ yi ɛ́ kɑ pɔ́ yɛ lʉɔmɛ́nɛ ɛ́sẅíi pʉɔ.

1 Kɔlɛ̂ŋtɛ 6:19

Pʉʉ kɑ́ pɔ́ ńjí ŋɡɔ mbʉʉ yʉʉ ndɑ́-Zẅikŋɛ Lɛ́ɛnɛ́nɛ pɔ́ kíi? Yîyɑ́ Zẅikŋɛ tsẅɛ́ tsɛtú, mbɔ Sɛ́ kɑ ɡɑ́nɛ mbɔ̌ pʉʉ. Pʉʉ pɔɔnɛ ɡẅɛɛ túmbʉʉ yʉ́ʉ pɔ́.

2 Kɔlɛ̂ŋtɛ 11:23

Kɛ pɔ pɑ́Ꞌ pɔ́p pɑfɑꞋ fɑꞋ-Kɛlístɔ? M bɔ́ ńcú nu kwɑꞋ pɑ́Ꞌ pɑ́lɛ́ lɑ́, ńcú ŋɡɔ mɔ ŋu ẅi ɛ fɑꞋnɛ fɑꞋ-Kɛlístɔ tɛ ńdɛɛ wɔ́p pɛ́tsʉʉ, ńcú pɔ́Ꞌɔ, ɛ́fú nǔu pɑ́Ꞌ ŋ kɑ kíɛ ziꞋnɛ ńdɛɛ wɔ́p, ɛ́fú nǔu ndɛn ẅi ŋ kɑ kúunɛ tsɑ́ŋ ńdɛɛ wɔ́p, ɛ́fú nǔu ndɛn ẅí pɛ́ kɑ tswɑ́ɑnɛ wɑ́ɑ ńdɛɛ wɔ́p, ɛ́fú nǔu ndɛn mɛŋkɑ́ tɛ ńzɑ́ɑ mi nɛvú kɑ nʉknɛ wɑ́ɑ ńdɛɛ wɔ́p,

2 Kɔlɛ̂ŋtɛ 5:20

Pɛk lɔk pɑ́Ꞌɑ ḿbɔ́ pɛmɑ́ntúu-Kɛlístɔ lɑ ńcú nu. Ɛ́ pɑ́Ꞌɑ ńdɔk ḿbɔ́ ŋɡɔ Sɛ́ ɛ̂wɑ́ fúŋnɛ pʉɔ. Pɛk lɔk lík-Kɛlístɔ, ḿbúꞋ mbɔ́ ŋɡɔ pʉɔ pɛ́m Sɛ́ ŋ́ɡɛ pɔ́p pɛpɔ́p pɛn ḿbɔ́ sʉ́Ꞌnɛ.

2 Kɔlɛ̂ŋtɛ 8:5

Pɛk kɑ zɛɛ mbɔɔ kwɑŋɛ ŋɡɔ mbɔ pɔ́p ɡɑ́ yúu ndɛn nú pɔ́, pɔ́p kɑ pɔ́ ŋ́ɡɑ́ ndɛn nú, mbíꞋŋɡɔ pɔ́p kɑ piitɛ ŋ́ɡɑ́ yɔ́p luk mbɔ̌ Tsɑpʉɔ, ḿbɛn tʉ́ʉ ńzẅíꞋlɛ mbɑ kʉ̈ɔ́ lɑ́ yi pɛk ɡʉ cú mbɔ̌ pɔ́p. Ɛ́ pɔ́ pɑ́Ꞌ Sɛ́ kɔŋnɛ.

Ŋɡɑlɑ̂t 3:5

Pɔ́Ꞌɔ lɑ́, ɛ́ pɔŋ ŋɡɔ pʉʉ pɛn ńjʉ́ɔ ŋɡɔ Sɛ́ sɛ́ ŋ́ɡɑ́ Zẅikŋɛ yɛ́ mbɔ̌ pʉʉ, ḿbɛn ḿbɔ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ. Pʉʉ kwɑŋɛ ŋɡɔ ɑ ɡɛ pɔ́Ꞌɔ, mbíꞋŋɡɔ pʉʉ sɛ́ ŋ́ɡɛ yúu mi nɛpʉ́ʉ sɛ́ ḿbíkŋɛ kîi? Ŋɡɑ́ŋ, ɑ ɡɛ mbíꞋ pɔ ŋɡɔ pʉʉ kɑ zúꞋ Ŋkʉʉ Sʉ́Ꞌnɛ ńzɑ́p tʉ́m wʉ́ʉ nǔu.

Ɛ́fɛ̂zɛ 2:18

Pɔ́Ꞌɔ, pʉʉ tɛ mbɑ pɛk pɑyúdɑ lɛɛ pɔ nǔu jʉ́ Kɛlístɔ, ŋ́ɡʉ nɛjɔ́ŋ Sɛ́ Tɑ́t, tɑ́Ꞌ Zẅikŋɛ Lɛ́ɛnɛ́nɛ wɛ́mɔ́Ꞌ kɛ́nɛ ńcẅɛ́lɛ wɛkŋɛ.

Ɛ́fɛ̂zɛ 2:22

Pʉʉ yʉ́ʉ nɛ́ pɛcɔ́ pʉɔ, pʉʉ lɔk pɔ pɑ́Ꞌ pʉʉ lɑtnɛ mbʉʉ yʉʉ nǔu Kɛlístɔ, lɑ ḿbɔ́ yɛcɔ́ ɡúŋ-ndɑ́ ɛ̂yɑ́, ńdɔk ḿbɔ́ ndɑ́ yi pɛ́ sɛ́ ḿbɔ́ɔ, ɛ́ pɔ́ zʉꞋ yi Sɛ́ nɑ́ŋnɛ zúꞋu, lɑ́ Zẅikŋɛ yɛ́ pɔ́nɛ zúꞋu.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

Filipɛ 2:17

Wʉ́ʉ nɛzɑ́p tʉ́m nǔu Yɛ́su ɛ́ pɑ́Ꞌ yúu-pɔꞋ yi pʉʉ nɔŋnɛ mbi Sɛ́ lɑ́, ḿbɔ́ yi pɛ́ lɑɑ ńjẅí wɑ́ɑ, mbɔ ɛ́ lɔk ḿbɔ́ pɑ́Ꞌ wɑ́ɑ pɔꞋ ẅí n nɔŋnɛ mbi Sɛ́. Ɛ́ tɔ́ ḿbɔ́ pɔ́Ꞌɔ, mbɔ mɔ pɔ́ttú, mbɔ pɛkŋɛ ɡʉ ńtɛmtɛ ńtsɑ́ɑtɛ.

Filipɛ 4:18

Ɛ́ ɡʉ nǔu yúu mi pʉʉ kɑ túunɛ ŋ́ɡɑ́ mbɔ̌ mɔ, mbɔ ŋ kɑ jʉ́ɔ. Ŋ ɡẅɛɛ yúu ŋkɔ̂ɔnɛ tɛ ɛ́ zɑ́ɑ tɛꞋ. N jʉ́ɔ yúu ɛ̂mɑ́ yi Ɛpɑfɔlɔdit lɔknɛ ńtɔ́. Ŋ kɑ́ pɛn ḿbɔ́ ńjɑ́k yɛcɔ́ yúu pɔ́. Yúu ɛ̂mɑ́ pɔŋ wɑ́ɑ tɛꞋ, ḿbɔ́ pɔ pɑ́Ꞌ yúu-pɔꞋ yi pɛ́ lɑɑ ńnɔŋ mbi Sɛ́, ɛ́ pɔŋ wɛ́ tɛꞋ lɑ́.

1 Tɛsɑlɔník 2:2

Pʉʉ pɛn ḿbɔ́ ńjí ŋɡɔ pɛk kɑ ɡɔ́ ńtɔ́, ɛ́fú nɛ́ Filipɛ, mbɔ pɛ́ nyɛt wɛ́k nɛ́ ŋɡʉ̈ɔ́Ꞌ zúꞋu tɛꞋ, ńzɔɔtɛ wɛ́k. Lɑ́ Sɛ́ ɡɑ́ wɛ́k nɛ́ nɛsʉk nɛcẅi Ŋkʉʉ sʉ́Ꞌnɛ yɛ́ mbɔ̌ pʉʉ tɛ mbɑ pɑ́Ꞌ pɛ́ kɑ pɛn ḿbɔ́ ńnyɛt wɛ́k pɔ nɛ́ ŋɡʉ̈ɔ́Ꞌ lɑ́.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

1 Timɔtɛ́ɛ 1:11

Yîyɑ́ nu yi pɛ́ zíꞋnɛ wɛkŋɛ, ɛ́ tsɛt Ŋkʉʉ Sʉ́Ꞌnɛ ẅí pɛkŋɛ fúnɛ nǔu ńjí nɛŋwɑ́ŋɛ-Sɛ́. Jʉ́ Sɛ́ ẅi ɑ sɛ́ ŋ́kɔŋ pɔ nu sʉ́Ꞌnɛ nǔu pɛkŋɛ kɑ níꞋ ẅîwɑ́ Ŋkʉʉ Sʉ́Ꞌnɛ mbɔ̌ mɔ.

1 Timɔtɛ́ɛ 2:7

Sɛ́ kɑ zɑ́pnɛ wɑ́ɑ ŋɡɔ m bɔ́ Ncẅiŋkʉʉ wɛ, ḿbɔ́ ŋɡɑŋntúu-Yɛ́su nɛcú yîyɑ́ nu. A kɑ ɡɑ́ mbɔ̌ mɔ ŋɡɔ n zíꞋ pʉɔ pi pɔ́p kɑ́ pɔ́ pɑyúdɑ pɔ́, nɛzɑ́p tʉ́m nǔu Kɛlístɔ, mbɑ nɛjí nu yi ɛ́ nɛ́nẅín. Ɛ sẅíi nu nɛ́nẅín, ŋ kɑ́ pɔ́ ńcɔtnu pɔ́.

2 Timɔtɛ́ɛ 1:11

Sɛ́ kɑ tsɔ́Ꞌ wɑ́ɑ ŋɡɔ m bɔ́ ŋɡɑŋntúu ńcẅi wɔ Ŋkʉʉ sʉ́Ꞌnɛ, ḿbɛn ḿbɔ́ ńdɛꞋlɛ nu mbɔ̌ pʉɔ.

Ɛ́bɛlʉʉ 13:16

Kɔɔ pʉʉ likŋɛ nɛɡɛ nu sʉ́Ꞌnɛ mbɑ nɛlɔk yúu mi pʉʉ ɡẅɛɛnɛ ńcẅɛ́lɛ pʉɔ, mbíꞋŋɡɔ nɛɡɛ mîmɑ́ mɛnu ɛ́ lii-pɔꞋ yi ɛ́ pɔŋnɛ Sɛ́.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

1 Pyɛ̂ 2:5

Ɛ́ pɔŋ ŋɡɔ pʉʉ ɡúu pi pʉʉ ɡẅɛɛnɛ kwɑꞋ luk, pʉʉ pɛ́m, Sɛ́ lɔk wʉ́ʉ ŋ́ɡɛ mɛŋɡɔꞋ, ńdɔk ŋ́kút ndɑ́-Zẅikŋɛ Lɛ́ɛnɛ́nɛ. Pʉʉ pɔ́ tsɛtú ḿbɔ́ pɑnɔŋpɔꞋ pi Sɛ́ kɑ tsɔ́Ꞌnɛ, pi pɔ́p ɡʉ ńdɛɛtɛ nzʉʉ Yɛ́su Kɛlístɔ, ńnɔŋ pɔꞋ ẅí ɛ́ pɔŋnɛ Sɛ́.