Pʉɔ-Lɔ́mɑ 15:14 - Kɑɑ Fí

¹⁴ Pɔ́ɔpɛ́mɑ́ pɑ́ɑ, kwɑꞋ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m tɛꞋ, ḿbɔ́ ńniitɛ ńjí yúu mi ɛ́ píkŋɛ́nɛ ŋɡɔ pɛ́ jí, ḿbɛn ŋ́kuꞋ nɛtík mɛmbʉʉ mʉ́ʉ pʉʉ nɛ́ pʉʉ.

Pʉɔ-Lɔ́mɑ 15:14 교차 참조

1 Kɔlɛ̂ŋtɛ 1:5

Pɑ́Ꞌ pʉʉ pɛ́ Kɛlístɔ kɑ kɛ́mɔ́ ńtɛmtɛ lɑ́, Sɛ́ kɑ fú pɔ́Ꞌɔ, ŋ́ɡɑ́ pɔ́fɑꞋ tsʉʉ mbɔ̌ pʉʉ. A kɑ ɡɛ pʉʉ kuꞋ nɛsẅíi nu yɛ́, ḿbɛn ŋ́ɡɛ pʉʉ kuꞋ nɛjínu nɛ́nẅín.

1 Kɔlɛ̂ŋtɛ 12:8

Ɛ́ pɔ́Ꞌɔ lɑ Zẅikŋɛ ɡɑ́ pɔ́fɑꞋ wɛcɔ́ ŋu, ɑ pɔ́ ŋ́ɡẅɛɛ shʉ́ nɛlɔk jínu ḿbʉ̈ɔt nu, wɛcɔ́ ɡẅɛɛ shʉ́ nɛpʉ̈ɔt nu nǔu ntɛ́ yi pɛ́ ɡʉ ńjí nu nɛ́nẅín, tɑ́Ꞌ zẅikŋɛ kɛ́nɛ ŋ́ɡɛ.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 8:1

Ɛ́ ɡʉ nǔu nu-pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ ɛ́ nɛ́nẅín ŋɡɔ pʉʉ pɛtsʉʉ júk ńcú ŋɡɔ pʉʉ jínɛ nu nǔu. Lɑ́ yîyɑ́ ntɛ́ jínu ɡɛ ŋu ŋɑ́Ꞌlɛ ŋɑ́Ꞌlɛ́nɛ. Lɑ́ yúu mi ɛ́ ɡɛnɛ pɛ́ kẅiꞋ ńzɑ́p pɔ tʉ́m nǔu Sɛ́, ɑ ŋu nɛpɔ́ ŋ́kɔŋ mɔ́ɔmɑ́ wɛ.

1 Kɔlɛ̂ŋtɛ 8:10

mbíꞋŋɡɔ ŋu lɑɑ ńjʉ́ɔ wú ẅi ɔ ŋu ẅí ɔ jínɛ nu, ɔ nɑ́ŋ sɛ́ ḿbɔ́ ŋ́kwɛ́t yúu, nǔu yɛcɔ́ zʉꞋ-mɛsɛ́ ɛ̂mɑ́, mbɔ ẅîwɑ́ nɛpɔ́ kɛ́ tsʉ́ʉnɛ ŋu ẅí ɑ pɛ́tnɛ ḿbɔ́t pɔ́tnɛ nɛkwɛ́t pfuꞋ-mbɑp yi pɛ́ ɡɑ́nɛ nǔu yúu mi pɛ́ ŋ́ɡúꞋlɛ ŋɡɔ ɛ́ mɛsɛ́ pɔ́ ɔɔ?

1 Kɔlɛ̂ŋtɛ 8:7

Lɑ́ pʉɔ tsʉʉ tsɛtsɛt pɛkŋɛ kɑ́nɛ jí ŋɡɔ mɛsɛ́ zɛɛ mbɔɔ tsuŋ ḿbɔ́ ɡú pɔ́. Ntí kɑ́ sɑk pɑ́Ꞌ yɛcɔ́ ntɑ́Ꞌ pʉɔ kɑ pɔ́ ŋ́ɡʉ zʉꞋ-yúu mi pɛ́ ɡúꞋlɛ́nɛ ŋɡɔ ɛ́ mɛcɔ́ mɛsɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pɔ́p kɑ pɔ́ ŋ́kwɛ́t pfuꞋ-mbɑp yi pɛ́ ɡɑ́nɛ nǔu yúu ɛ̂mɑ́ pɛ́Ꞌnɛ, ɛ́ pɔ́ mbɔ̌ pɔ́p, pɔ́p pɔ́ ńjí ŋɡɔ pɛ́ ɡɑ mbɔ̌ kwɑꞋ mɛsɛ́, mbɔ mbʉʉ yɔp ńtswɑ́ɑ wɔ́p. Tʉ́m yɔ́p yí ɛ́ pɛ́t ḿbɔ́t pɔ́tnɛ zúꞋ ńtíi ntsɛ́llɛ́.

2 Kɔlɛ̂ŋtɛ 8:7

Ɛ́ tʉ́ʉ nǔu kʉ̈ɔ́lɑ́ pʉʉ ɡɑ́nɛ fʉꞋ sʉ́Ꞌnɛ, pʉʉ zɑ́p tʉ́m nǔu Sɛ́ sʉ́Ꞌnɛ, ńjí nɛcú nu ɛ́ cẅɛt, ńjí nu-Sɛ́ kwɑꞋ sʉ́Ꞌnɛ, ńzɑŋɛ mbʉʉ ŋɡɔŋ ŋkɑ́ tsʉʉ, ŋ́ɡẅɛɛ ŋkɔŋɛ nzʉʉ pɛk, pɔ́Ꞌɔ lɑ́ pʉʉ pɛn ńnyɛt fʉꞋ sʉ́Ꞌnɛ nǔu yɔ fɑꞋ-pɔŋtʉ́m.

Ɛ́fɛ̂zɛ 5:9

N cú pɔ́Ꞌɔ, mbíꞋŋɡɔ, pii nɛpɔ́ zʉꞋ fúknɛ ɛ́ nɛɡɛ mɛnu sʉ́Ꞌnɛ, ŋ́ɡɛ mɛnu mi ɛ́ mbi Sɛ́ ḿbɔ́ ndʉ́ŋndʉŋ, ńnɑ́ŋ tsɛt nu nɛ́nẅín.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 1:7

Ŋ ɡẅɛɛ nɛpɔ́ ŋ́kwɑŋɛ pɔ pɔ́Ꞌɔ nǔu pʉʉ, mbíꞋŋɡɔ n tsuŋ ŋ́kɔŋ wʉ́ʉ tɛ ḿmik tʉ́m yɑ́ɑ. MbíꞋŋɡɔ pʉʉ pɛtsʉʉ ɡẅɛɛ mbɔ́tnɛ nǔu yúu mi Sɛ́ kɑ lɔknɛ ŋ́ɡɑ́ fuꞋ yɑ́ɑ pɔ nɛ́ pɔŋtʉ́m yɛ́, tɛ mbɑ pɑ́Ꞌ mɔ ŋkɔ̂ɔnɛ ḿbɔ́ ndɑ́tsɑ́ŋ lɑɑ, mbɑ ŋkɑ́ yi mɔ sɛ́ ńnyɛt ŋɡɔ Ŋkʉʉ Sʉ́Ꞌnɛ ɛ́ nɛ́nẅín, mbɑ ŋkɑ́ yi mɔ sɛ́ ŋ́ɡɛ pʉɔ niitɛ ḿbɛ́m.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

1 Tɛsɑlɔník 5:11

Pɔ́Ꞌɔ lɑ́, pʉʉ níꞋ mɛtʉʉ mʉ́ʉ pʉʉ nɛ́ pʉʉ, ŋu tɔ́ɔtɛ ŋu, ŋu tɔ́ɔtɛ ŋu, pɑ́Ꞌ pʉʉ sɛ́ ŋ́ɡɛ lɑ́.

1 Tɛsɑlɔník 5:14

Pɔ́ɔpɛ́mɑ́, pɛk sɛ́ ḿbúꞋ mbɔ́ mbɔ̌ pʉʉ ŋɡɔ pʉʉ ɡɑ́ ntík mbɔ̌ pɛlɔ́ŋ, ńní mɛtʉʉ-pʉɔ pi pɔ́p kɑ́ ɡẅɛɛ mbɔŋyúu pɔ́, ńtɔ́ɔtɛ pʉɔ pi pɔ́p pɛ́t pɔ kɛ́ tɛntɛ, ŋ́ɡẅɛɛ pɔ kɔkmbʉʉ nzʉʉ mbɑ wɔ̌ lɑ́.

2 Tɛsɑlɔník 1:11

Ɛ́ yúu mi ɛ́ ɡɛnɛ lɑ pɛk pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ, ŋɡɔ ɑ ɡɛ pʉʉ pɔ́ pʉɔ pi pʉʉ kuꞋ nɛluk pɑ́Ꞌ ɑ kɑ kɑꞋnɛ mbɔ̌ pʉʉ. Pɛk pɛn ḿbɔ́ ḿbúꞋ mbɔ́ mbɔ̌ wɛ́, ŋɡɔ ɑ lɔk mɛtʉʉ mɛ́ ńcẅɛ́lɛ wʉ́ʉ pʉʉ ɡɛ mbɑ kʉ̈ɔ́ lɑ́ nu sʉ́Ꞌnɛ pɔ́ yi pʉʉ sɛ́ ŋ́kɔŋ nɛɡɛ, mbɑ fɑꞋ yi pʉʉ sɛ́ ŋ́ɡɛ ntɛ́ pɑ́Ꞌ pʉʉ zɑ́pnɛ tʉ́m nǔu wɛ́.

2 Timɔtɛ́ɛ 1:5

Ŋ kɑ́ likŋɛ ŋɡɔ ɔ zɑ́p tʉ́m nǔu Yɛ́su Kɛlístɔ tɛ ɛ́sẅíi nu pɔ́, ŋ kɑ́ likŋɛ ŋɡɔ mɑ́ wu wɛ ndʉ́m Lɔẅîs tɛ mbɑ mɑ́ wu Ɛnîs kɑ pɔ́ ŋ́ɡɛ pɔ pɔ́Ꞌɔ pɔ́. N jí ŋɡɔ mbɑ ɡu yú pɛn ńzɑ́p tʉ́m yú nǔu Yɛ́su pɔ pɑ́Ꞌ pɔ́p.

Filɛmɔ̂ŋ 1:21

N dɔk pɔ pɑ́Ꞌ ɔ ŋu ńzúꞋ nu lɑ ŋ́ŋwɑꞋnɛ yɔ ŋwɑꞋnɛ. Mɔ sɛ́ ńjí ŋɡɔ ɔ ɡʉ ŋ́ɡɛ yúu mi mɔ sɛ́ ḿbíkŋɛ mbɔ̌ ɡu tɛ ńdɛɛ pɔ́Ꞌɔ.

Ɛ́bɛlʉʉ 5:12

Pʉʉ ḿbɔ́ ŋ́ɡʉ ḿbɔ́ ŋkɔ̂ɔnɛ ńtsʉ́Ꞌ ḿbɔ́ pɔ pɑzíꞋ pʉɔ nɛ́ nu-Sɛ́. Lɑ́ pʉʉ pɛn ḿbɔ́ ńtsɑ́ɑ ŋɡɔ pɛ́ pɛn ńzíꞋ wʉ́ʉ nɛ́ mɛnu mi pɛ́ piitɛ́nɛ nǔu nɛzíꞋ ŋu nɛ́ nu-Sɛ́. Ɛ́ pɔ́ pɔ́nɛ tɛ pʉʉ pɛ́t ńtsɑ́ɑ pɔ nɛpʉ́ʉ, lɑ́ mbɔ pʉʉ lɑ́Ꞌ ḿbɔ́ ŋ́ɡʉ ńtsʉ́Ꞌ ńtsɑ́ɑ pɔ yúupɛ́jʉ́ pi ɛ́ sɛ́ ńtɛntɛ.

Ɛ́bɛlʉʉ 6:9

Pɔ́ɔpɛ́mɑ́ pɛk pɛ́ tʉʉndɛn, pɛk kɛ́ ńcú pɑ́Ꞌɑ ḿbɔ́ ńjí kwɑꞋ sʉ́Ꞌnɛ ŋɡɔ pʉʉ nǔu sɛ̂ndúŋ wɛ sʉ́Ꞌnɛ ɛ́ pɔ́ ẅí pɛ́ lɛɛnɛ nǔu ńduk.

2 Pyɛ̂ 1:12

Ɛ́ yúu mi ɛ́ ɡɛnɛ ŋ ɡʉ ńdɑ́Ꞌ ńjúk kẅíitɛ wʉ́ʉ nɛ́ mɔnɛ mɛnu kẅíitɛ́nɛ tɛ mbɑ pɑ́Ꞌ pʉʉ sɛ́ ńjí, ḿbɛn ḿbɔ́ ńnɛn pɔ nǔu nu yi ɛ́ nɛ́nẅín yi pɛ́ kɑ sẅíinɛ wʉ́ʉ lɑ́.

1 Jɑ̂ŋ 2:21

Ŋ kɑ ɡɔ́ ŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ mbɔɔ ńdɔk ńcú ŋɡɔ pʉʉ kɑ́ pɔ́ ńjí nu nɛ́nẅín pɔ́ pɔ́. Ɛ́ pɔ́ pɔ nu yi pʉʉ sɛ́ ńjí. Pʉʉ pɛn ḿbɔ́ ńjí ŋɡɔ, mbɔ yɛcɔ́ cɔtnu pɔɔ tsɛt nu nɛ́nẅín cẅɛt.