Pʉɔ-Lɔ́mɑ 14:22 - Kɑɑ Fí

²² Ɔ lɑɑ ŋ́ɡʉ nǔu pɔ yúu ńjí ŋɡɔ kʉ̈ɔ́ tsɛt tʉ́m yu ɔɔ, pʉʉ Sɛ́ jínɛ. Pɔ́ttú ɑ ŋu ẅí tʉ́m yɛ́ kɑ́ pɔ́ ɛ́sɑ́Ꞌ wɛ́ nǔu yúu mi ɑ ɡʉ ŋ́ɡɛ pɔ́.

Pʉɔ-Lɔ́mɑ 14:22 교차 참조

ŊwɑꞋnɛ-Gɑŋntúu Yɛ́su Kɛlístɔ 24:16

Ɛ́ yúu mi ɛ́ ɡɛnɛ lɑ m bɔ́ ɛ́sɑ́Ꞌ tʉʉ nɛ́ tʉ́m lɛ́ɛnɛ́nɛ nɛnɛn ndʉ́ŋndʉŋ mbi Sɛ́, mbɑ mbi pʉɔmɛsɔŋ.»

Pʉɔ-Lɔ́mɑ 14:14

Mɔ sɛ́ ńjí, lɑ́ ńdɔk pɔ pɑ́Ꞌ n dɑtnɛ mbʉʉ yɑɑ nǔu Tsɑpʉɔ Yɛ́su, ńniitɛ ńjí ŋɡɔ yɛcɔ́ yúu kɑ́ pɔ́ ɡú yi ɛ́ ɡẅɛɛnɛ lɔ́Ꞌ pɔ́. Lɑ́ ŋ́kɛ́ ḿbɔ́ yi ŋu lɑɑ ḿbɔ́ ŋ́kwɑŋɛ ŋɡɔ lɔ́Ꞌ nǔu yɛcɔ́ yúu, mbɔ ɛ́ ɡʉ ḿbɔ́ nǔu yɛ́ tú lɔ́Ꞌ pɔ́ nǔu yîyɑ́ yúu.

Pʉɔ-Lɔ́mɑ 14:2

Wɛcɔ́ ŋu lɔk nu-Sɛ́ ńjí ŋɡɔ ɑ jʉ́ɔ mbɑ kʉ̈ɔ́ lɑ́, ŋ́kwɛ́t yɛ́ kwɛ́tnɛ. Wɛcɔ́ ŋu ẅí ɑ sɛ́ ńdɔk nu-Sɛ́ ńdʉ́ɔꞋtɛ yɛcɔ́ yúu ńjí ŋɡɔ ɑ ɡʉ ŋ́kwɛ́t pɔ ndɑꞋ nzɑp.

Pʉɔ-Lɔ́mɑ 14:23

Lɑ́ ŋu lɑɑ ḿmʉ́Ꞌlɛ nǔu yúu kɔɔ ɑ jʉ́, ŋ́kɛ́ ńjʉ́, mbɔ ɑ vu ntsɑŋ mbi Sɛ́. MbíꞋŋɡɔ ɑ kɑ́ ɡɛ pɑ́Ꞌ ɑ jínɛ ŋɡɔ nu-Sɛ́ sɛ́ ḿbíkŋɛ pɔ́. Ŋu lɑɑ ŋ́ɡɔ́ ŋ́ɡɛ yúu ḿbɔ́ ḿmʉ́Ꞌlɛ, mbɔ ɑ ɡɛ nu kɛpɔŋ.

Pʉɔ-Lɔ́mɑ 14:5

Ɛ́ mbɔ̌ wɛcɔ́ ŋu, ɑ jí ŋɡɔ mɛcɔ́ mɛlɛ́Ꞌlɑ́Ꞌ lɛɛ mɛcɔ́, ḿbɔ́ mbɔ̌ wɛcɔ́ ŋu, ɑ jí yɛ́ ŋɡɔ mɛlɛ́Ꞌlɑ́Ꞌ pɔ́ pɔ ndʉ́ŋndʉŋ. Ɛ́ píkŋɛ ŋɡɔ mbɑ wɔ̌ lɑ́ tsuŋ ńniitɛ ńjí yúu mi ɑ tsɛt tʉ́m yɛ́ ḿbɔ́ ńjí.

Pʉɔ-Lɔ́mɑ 2:1

Mbɔ ŋu zɛ nɛtɔ́ lɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ɡu ẅí mbɔ ɔ tɔ́, jí ŋɡɔ mbɔ ɔ pɔɔ nɑ́ kɛ́ vu yú ntsɑŋ vunɛ pɔ́, tɛ pɑ́Ꞌ ɔ lɑɑ ńzɛɛ ḿbɔ́ pɔ wɔ̌ lɑ́. Pɔ́Ꞌɔ mbíꞋŋɡɔ ɔ sɛ́ ńtɔ́ lɔ́Ꞌ-pʉɔ lɑ́ ḿbɛn ḿbɔ́ ŋ́ɡɛ yú pɔ pɑ́Ꞌ pɔ́p ńdɔk ɛ́shɔtnɛ ńtɔ́k pɔ lʉɔ ńdɔk ŋ́kút mbʉʉ yu.

Pʉɔ-Lɔ́mɑ 7:15

N zɛɛ ńtsuŋ ḿbɔɔ ńjí yúu mi mɔ ŋ́ɡɛ pɔ́. Yúu mi mɔ sɛ́ ŋ́kɔŋ, m bɔɔ yîyɑ́ ɡɛ, ŋ ɡɛ pɔ yúu mi ŋ kɑ́ pɔ́ ŋ́kɔŋ pɔ́.

Pʉɔ-Lɔ́mɑ 7:24

Ŋ kɑ́ pɔ́ pɑ́Ꞌnɛ ḿbɔ́ pɔ pʉ́ktú pɔ́, wɔ́ ɡʉnɛ ńdɑ́Ꞌ ɛ́fú tsɛt yɔ mbʉʉ yi ɛ́ fúŋnɛ nɛvú ńníꞋ nǔu mɔ ńcẅɛɛtɛ wɑ́ɑ?

1 Kɔlɛ̂ŋtɛ 8:7

Lɑ́ pʉɔ tsʉʉ tsɛtsɛt pɛkŋɛ kɑ́nɛ jí ŋɡɔ mɛsɛ́ zɛɛ mbɔɔ tsuŋ ḿbɔ́ ɡú pɔ́. Ntí kɑ́ sɑk pɑ́Ꞌ yɛcɔ́ ntɑ́Ꞌ pʉɔ kɑ pɔ́ ŋ́ɡʉ zʉꞋ-yúu mi pɛ́ ɡúꞋlɛ́nɛ ŋɡɔ ɛ́ mɛcɔ́ mɛsɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pɔ́p kɑ pɔ́ ŋ́kwɛ́t pfuꞋ-mbɑp yi pɛ́ ɡɑ́nɛ nǔu yúu ɛ̂mɑ́ pɛ́Ꞌnɛ, ɛ́ pɔ́ mbɔ̌ pɔ́p, pɔ́p pɔ́ ńjí ŋɡɔ pɛ́ ɡɑ mbɔ̌ kwɑꞋ mɛsɛ́, mbɔ mbʉʉ yɔp ńtswɑ́ɑ wɔ́p. Tʉ́m yɔ́p yí ɛ́ pɛ́t ḿbɔ́t pɔ́tnɛ zúꞋ ńtíi ntsɛ́llɛ́.

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

Ŋɡɑlɑ̂t 6:1

Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.

Jɑ̂k 3:13

Ŋu lɑɑ ḿbɔ́ tsɛtsɛt pʉʉ, ḿbɔ́ ŋ́kwɑŋɛ ŋɡɔ ɑ ɡẅɛɛ jínu, ḿbɛn ŋ́ɡẅɛɛ kwɑŋɛ nu, ɑ lɔk tswɛ́ sʉ́Ꞌnɛ yɛ́ ńnyɛt, ḿbɛn ńdɔk mɛfɑꞋ mi ɛ́ nyɛtnɛ ŋɡɔ ɑ ŋu ḿbɔ́tnɛ pɔ́tnɛ́nɛ ḿbɔ́ njínu, ńnyɛt.

1 Jɑ̂ŋ 3:21

Pɛsúu pɑ́ɑ pɛ́ tʉʉndɛn, tʉ́m yɛkŋɛ lɑɑ ḿbɔɔ ḿbɔ́ ɛ́sɑ́Ꞌ wɛkŋɛ pɔ́, mbɔ pɛkŋɛ ɡʉ tʉ́ʉ mbi Sɛ́ ŋ́kɛ́ pɔ́ ŋ́ɡwɛt,