Pʉɔ-Lɔ́mɑ 14:13 - Kɑɑ Fí

¹³ Pɔ́Ꞌɔ, kɔɔ pɛkŋɛ pɛn ŋ́ŋɑk mɛmbʉʉ mɛkŋɛ. Yúu mi pʉʉ ɡẅɛɛnɛ nɛɡɛ ɛ́ pɔ pɑ́Ꞌ pʉʉ ɡʉ ḿbɑ́ɑ nɛɡɛ yɛcɔ́ yúu mi mɔ́ɔmɑ́ wʉ́ʉ ɡʉ ŋ́kɔɔtɛ nǔu ɛ́ tsʉ́ʉnɛ wɛ́ ɑ ɡɛ nu kɛpɔŋ.

Pʉɔ-Lɔ́mɑ 14:13 교차 참조

Mɑtʉ̈ɔ 16:23

Yɛ́su shɔtnɛ, ńcú mbɔ̌ Pyɛ̂ ŋɡɔ: «Fú nzʉʉ mɔ ńtsʉ́ʉtɛ Sɑ́ttɑ! Ɔ tsʉ́Ꞌ ńtɑɑtɛ wɑ́ɑ tɑɑtɛnɛ. Ɔ kɑ́ pɔ́ ŋ́kwɑŋɛ pɑ́Ꞌɑ, ɛ́ pɔ́ pɑ́Ꞌ Sɛ́ sɛ́ ŋ́kwɑŋɛ pɔ́, yɑ́ pɔ́ pɔ kwɑŋɛ-pʉɔmɛsɔŋ.»

Mɑtʉ̈ɔ 18:7

Ndɔɔ tú-pʉɔ pínɛ pɔ́p ndǔ yɔ mbí, ŋ́ɡɛ pʉɔ fɑɑnɛ mɛnu! Ɛ́ nɛ́nẅín mɛnu ɛ̂mɑ́ ńdɑ́Ꞌ ńjɑ́k pɔ́. Lɑ́ pʉ́ktú kɛ́ ḿbɔ́ ŋu ẅí ɑ ɡʉ ŋ́ɡɛ ŋɡɔ ŋu fɑɑnɛ sɛ̂ndúŋ!

Mɑtʉ̈ɔ 7:1

Kɔɔ pʉʉ nɑ́ŋ ńtɔ́ mɛlɔ́Ꞌ-pʉɔ, ḿbɔ́k Sɛ́ nɛtɔ́ yʉ́ʉ lɔ́Ꞌ.

Lúkɑ́shi 12:57

Mɛlɑ́Ꞌkʉ̈ɔ́ pʉʉ pɔɔ jí nɛjʉ́ɔ yúu mi pɛ́ lɑɑ ŋ́ɡɛ ɛ́ pɔ́ sʉ́Ꞌnɛ pɔ́ ɔɔ?

Lúkɑ́shi 17:2

Mbi pɑꞋ mbɔ pɛ́ cʉŋɛ mɑ́mɑ́ luŋ lɔ́ŋ-ŋɡɑŋ, ḿmɑꞋ wɛ́ tsɛt Mí, ńtsɑ pɑꞋ ḿbɔ́ pɛ́ nɑ́ wɛ́, ɑ ɡɛ tɛ wɛcɔ́ tɑ́Ꞌ nǔu pɛɡɛɡʉʉ pɑ́ɑ lɛɛ nzʉʉ yɛ́ lɑ ɛ́fɑɑnɛ nu.

Pʉɔ-Lɔ́mɑ 11:9

Fɔɔ Ndɑvît kɑ pɛn ńcú yɛ́ ŋɡɔ: «Ɛ́ pɔŋ ŋɡɔ yúu mi pɔ́p kwɛ́tnɛ shɔtnɛ ńtsʉ́Ꞌ ɡwɑk, ńtsʉ́Ꞌ ŋkʉ ẅi ɛ́ ɡʉ ŋ́ɡẅɛɛ wɔ́p. Ɛ́ pɔŋ ŋɡɔ Sɛ́ níꞋ ŋɡʉ̈ɔ́Ꞌ tú pɔ́p.

Pʉɔ-Lɔ́mɑ 14:10

Pɑ́Ꞌ ɛ́ pɑ́Ꞌɑ lɑ́, ɡu, mɛlɑ́Ꞌ kʉ̈ɔ́ ɔ pɛn ńtɔ́ lɔ́Ꞌ mɔ́ɔmɑ́ wú? Gu yú mɛlɑ́Ꞌ kʉ̈ɔ́ ɔ pɛn ŋ́kʉ́ʉnɛ mɔ́ɔmɑ́ wú? Pɛkŋɛ pɛtsʉʉ zɛɛ ŋ́ɡẅɛɛ nɛlɑ́Ꞌ ńdɛɛ mbi Sɛ́ ɑ ŋɑk wɛkŋɛ.

Pʉɔ-Lɔ́mɑ 14:3

Ŋu ẅí ɑ jʉ́ɔ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɑ́ɑ nɛkʉ́ʉnɛ ŋu ẅí ɑ kɑ́ pɔ́ ŋ́kwɛ́t yúu tsʉʉ pɔ́. Ŋu ẅí ɑ kɑ́ kwɛ́t yúu tsʉʉ pɔ́ pɑ́ɑ nɛtɔ́ lɔ́Ꞌ ŋu ẅí ɑ jʉ́ɔ yɛ́ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ mbíꞋŋɡɔ Sɛ́ kúkŋɛ wɛ́ ɡúu.

Pʉɔ-Lɔ́mɑ 14:4

Ɔ wɔ̌ tɛ ńtɔ́ lɔ́Ꞌ ŋɡɑŋfɑꞋ-ŋu ndɛꞋ? A lɑɑ ɛ́fɑɑnɛ nu, kɛ mbɔɔ fɑɑnɛ ɔɔ, mbɔ tɑ́t-fɑꞋ wɛ ɡẅɛɛnɛ nɛcú. Jʉ́ Tsɑpʉɔ zɛɛnɛ ŋ́kuꞋ nɛcú ŋɡɔ ŋɡɑŋ kɑ́ fɑɑnɛ nu pɔ́.

Pʉɔ-Lɔ́mɑ 16:17

Pɔ́ɔpɛ́mɑ́ pɑ́ɑ, mɔ ńcú mbɔ̌ pʉʉ ŋɡɔ pʉʉ pɑ́ɑ pʉɔ pi pɔ́p mɑꞋnɛ fyɑkŋɛ tsɛtsɛt pʉʉ, ńdɔk pɑ́Ꞌ pɔ́p lʉꞋnɛ yúu mi pɛ́ kɑ zíꞋnɛ wʉ́ʉ nǔu Kɛlístɔ, ŋ́ɡɛ pʉɔ fɑɑnɛ sɛ̂ndúŋ. Pʉʉ kʉ̈ɔ́ pîpɑ́ pʉɔ.

1 Kɔlɛ̂ŋtɛ 10:32

Kɔɔ pʉʉ ɡɛ yúu mi ŋu-Yúdɑ kɛ ŋu-Ŋɡɛlɛk ɔɔ, kɛ ŋu-cúꞋlɛ-pʉɔ Sɛ́ ɔɔ, ɡʉ kɔɔtɛ nǔu ḿvu sɛ́.

1 Kɔlɛ̂ŋtɛ 11:13

Pʉʉ sɑ́ŋ yʉ́ʉ lɑ́ ńzúꞋ. Tɛ ɛ́ pɛ́Ꞌnɛ ḿbɔ́ ḿbɔŋ ŋɡɔ mɑŋɡɛ́ cɛꞋlɛ Sɛ́ tsɛt cúꞋlɛ-pʉɔ-Kɛlístɔ kɛ́ pɔɔ tú yɛ́?

2 Kɔlɛ̂ŋtɛ 5:14

Yɛ́k pɔ́ pɔ ŋɡɔ pɑ́Ꞌ Kɛlístɔ kɔŋnɛ wɛkŋɛ lɑ́, pɛk sɛ́ ńzúꞋ pɔ ntsu wɛ́. Pɛk sɛ́ ńtsuŋ ńjí ŋɡɔ tɑ́Ꞌ ŋu wɛ́mɔ́Ꞌ kɑ pfú nǔu tú-pʉɔ tsʉʉ. Ɛ́ lɔk pɔ́Ꞌɔ, ḿbɔ́ ŋɡɔ pɔ́p pʉɔ pɛtsʉʉ kɑ tɛmtɛ ḿpfú.

2 Kɔlɛ̂ŋtɛ 6:3

Ɛ́ ɡʉ nǔu pɛk ɡɑŋntúu, pɛk kɑ́ pɔ́ ŋ́ɡɛ yɛcɔ́ yúu mi mbɔ ŋu kɔɔtɛ nǔu ḿvu sɛ́ pɔ́, pɛ́ fú nǔu ńdɔk ńzɔɔtɛ fɑꞋ yɛ́k pɔ́.

Filipɛ 1:10

Ɛ́ lɛɛ pɔ́Ꞌɔ, pʉʉ kuꞋ nɛpɛ́ɛ yi sʉ́Ꞌnɛ. Ɛ́ lɑ́Ꞌ lɛ́Ꞌ yi Kɛlístɔ ɡʉ ńdɑ́Ꞌ ḿbɛn ńtɔ́, pʉʉ pɔ́ ndɛ́ɛnɛ lɛ́ɛnɛ́nɛ ḿbɔ́ pɑkɛ́fɑɑnɛ.

1 Timɔtɛ́ɛ 5:14

Ɛ́ yúu mi ɛ́ ɡɛnɛ lɑ n jʉ́ɔ ŋɡɔ ɛ́ pɔŋ ŋɡɔ pɛpfúk pi pɔ́p pɛ́t mbɔ́ŋkʉ̈ɔ́ pɔ́p zɔ́Ꞌ, ḿbí mbɔ́ŋkʉ̈ɔ́, ńniitɛ mɛndɑ́ mɔ́p, ɛ́ lɛɛ pɔ́Ꞌɔ, pɛɡɑŋmbuu pɛkŋɛ pɔɔ ɡẅɛɛ shʉ́ nɛcú nu nǔu pɛkŋɛ pɔ́.

Jɑ̂k 2:4

Pʉʉ lɑɑ ŋ́ɡɛ pɔ́Ꞌɔ, pʉʉ pɔɔ ńdɔk ŋ́ɡẅɛɛ tɔŋ tsɛtsɛt pʉʉ pɔ́ ɔɔ? Pʉʉ pɔɔ ńdɔk pɔ kwɑŋɛ kɛpɔŋ ńdíŋɛ pʉɔ pɔ́ ɔɔ?

Jɑ̂k 4:11

Pɔ́ɔpɛ́mɑ́ pɑ́ɑ, kɔɔ sẅíitɛ pɔ́ tsɛtsɛt pʉʉ. Ŋu lɑɑ ɛ́sẅíitɛ nǔu mɔ́ɔmɑ́ wɛ, kɛ ńtɔ́ pɔ lɔ́Ꞌ yɛ́ ɔɔ, mbɔ ɑ sẅíitɛ pɔ nǔu nɛpʉ́ʉ, ḿbɛn ńtɔ́ pɔ lɔ́Ꞌ-nɛpʉ́ʉ. Ŋu lɑɑ ŋ́kɛ́ ńtɔ́ lɔ́Ꞌ nɛpʉ́ʉ, mbɔ ɑ kɑ́ pɛn ḿbɔ́ ŋu ẅí ɑ ɡẅɛɛnɛ nɛpʉ́ʉ pɔ́, ɑ tsʉ́Ꞌ ńtɔ́ lɔ́Ꞌ nɛpʉ́ʉ tɔ́nɛ.

1 Jɑ̂ŋ 2:10

Ŋu ẅí ɑ kɔŋnɛ mɔ́ɔmɑ́ wɛ, ɑ ŋu ẅí ŋɡɛnɛ mɛnu mɛ́ mɛ́ zʉꞋ-fúknɛ. Mbɔ ɑ pɔɔ kɔɔtɛ nǔu yɛcɔ́ yúu ḿvu sɛ́ pɔ́.

Mɛnu ɛ́ ńdɑ́Ꞌ ńcẅɛt 2:14

Lɑ́, ŋ kɛ́ ŋ́ɡẅɛɛ yɛcɔ́ yúu mi mɔ sɛ́ ńdɑ́Ꞌ wʉ́ʉ nǔu. Pɛcɔ́ pʉɔ njɛ́Ꞌ pʉʉ ḿbɔ́ ńzɑ́p tʉ́m nǔu ndɔktɛlɛ-Mbɑlɑm. Pɛ́ lɑ́Ꞌ Mbɑlɑm wɑ́ ẅí ɑ kɑ sẅíinɛ Mbɑlɑk, pɑ́Ꞌ Mbɑlɑk ɡʉ ńdʉꞋ ɡwɑk, pɑíslɑyɛ̂l vu nǔu. A kɑ tsʉ́ʉnɛ wɔ́p pɔ́p kwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́, mbɛ́ɛnɛ pɔ́p pɑŋɡɛ́ tsɛtsɛt pɔ́p pɛn ḿbuutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ.