Pʉɔ-Lɔ́mɑ 13:13 - Kɑɑ Fí

¹³ Pɛkŋɛ ɡẅɛɛ tsẅɛ́ sʉ́Ꞌnɛ nǔu pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡẅɛɛ pɔ́Ꞌɔ, ŋkɑ́ yi zʉꞋ sɛ́ ɛ́fúk, ḿbɑ́ɑ nɛkwɛ́t yúu kɛ nɛ́ nɔ́ mɛluꞋ pɔ́ nɛ́ ɡɛɡʉʉ, ḿbɑ́ɑ nɛ́ puutɛ mbɑ wɔ̌ lɑ́ pɛkŋɛ pɛpɔ́p nɔɔ nɔɔnɛ, ḿbɑ́ɑ yúu mi sʉ́ʉ ɡʉ kɔ́ wɛkŋɛ nǔu, ḿbɑ́ɑ nɛtɑ́k mɛfɛꞋ, ḿbɑ́ɑ kɛ́ɡʉ̈ɔꞋ.

Pʉɔ-Lɔ́mɑ 13:13 교차 참조

Lúkɑ́shi 1:6

Sɑkɑlíyɑ pɔ́p nzwɛ́ wɛ kɑ pɔ́ pʉɔ, ŋ́ɡẅɛɛ nɛpʉ́ʉ-Sɛ́ kwɑꞋ sʉ́Ꞌnɛ, ńzúꞋ ntsu-Sɛ́, ḿbɛn ŋ́ɡɛ pɔ yúu mi ɑ sɛ́ ŋ́kɔŋ tɛ lɔ́Ꞌ pɔɔ ńcẅɛt pɔ́.

Lúkɑ́shi 16:19

Yɛ́su pɛn ńcú ŋɡɔ: «Wɛcɔ́ ŋɡɑŋkɑ́p kɑ lɑ́Ꞌ ḿbɔ́ ɡú, ńnɑ́ŋ ḿmɑꞋ mɛndẅí mi ɛ́ pɔ́ŋnɛ, ḿbɛn ńcʉ̈ɔ́k ŋkɑ́p tɛꞋ, ḿbɔ́ lɛ́Ꞌ tsʉʉ, ńnɑ́ŋ yɛ́ pɔ tsɛt tsɑ́ɑtɛ ɡwɛ́.

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

ŊwɑꞋnɛ-Gɑŋntúu Yɛ́su Kɛlístɔ 2:15

Pʉɔ pɔnɛ kɑ́ pɑ́ mɛluꞋ pɑ́Ꞌ pʉʉ kwɑŋɛ́nɛ lɑ́ pɔ́. Yɔ zɛɛ ḿbɛ́t ḿbɔ́ pɔ nɛm yɛ́nɛ́pfúꞋu mbɑꞋmbɑꞋɑ́.

1 Kɔlɛ̂ŋtɛ 3:3

mbíꞌŋɡɔ mbʉʉ yʉ́ʉ pɛ́t ɛ́sɑ́Ꞌ wʉ́ʉ, kɛ́ɡʉ̈ɔꞋ zɛɛ ḿbɛ́t ḿbɔ́ pɔ tsɛtsɛt pʉʉ, pʉʉ pɛ́t ńzɔŋ nu zɔŋnɛ. Mbʉʉ yʉ́ʉ kɑ́nɛ pɔ́ ńdɔk ḿbɛ́t ɛ́sɑ́Ꞌ wʉ́ʉ pɔ́ ɔɔ? Pʉʉ kɑ́ pɔ́ ńdɔk pɔ́Ꞌɔ, ḿbɛ́t ŋ́ɡɛ pɔ pɑ́Ꞌ pʉɔ ndǔmbí ɡɛnɛ pɔ́ ɔɔ?

Ŋɡɑlɑ̂t 5:19

Pɛ́ sɛ́ ńtsuŋ ńjí mɛnu mi mbʉʉ-ŋumɛsɔŋ tsʉ́ʉnɛ́nɛ wɛ́ ɑ fɑɑnɛ, nu pɑ́Ꞌ nɛfúŋ pɑŋɡɛ́ kɛ nɛlɔɔ mbɛ́ɛnɛ ɔɔ, nu pɑ́Ꞌ nɛɡɛ mɛnu ntsɛ́llɛ́, nu pɑ́Ꞌ ŋu nɛtík tʉ́m yɛ́ pɔ nǔu nu-mpfuꞋ.

Ŋɡɑlɑ̂t 5:21

Pɑ́Ꞌ nɛtík lík nǔu yúu pʉɔ, pɑ́Ꞌ nɛnɔ́ mɛluꞋ tɛ ḿbɑ́, pɑ́Ꞌ nɛcúꞋlɛ nǔu ndíinɑ nɛkwɛ́t yúu ŋ́ɡɛ mɛnu sʉ́ʉ, mbɑ pɑ́Ꞌ nɛɡɛ mɛcɔ́ mɛyúu mi ɛ́ fínɛ mi pɛ́ tʉ́ʉnɛ lɑɑ. Ŋ kɑ zɛɛ ɛ́sẅíi wʉ́ʉ, ŋ ɡʉ ḿbɛn ɛ́sẅíi wʉ́ʉ ŋɡɔ: Pʉɔ pi pɔ́p ɡɛnɛ yɔ ntɛ́ mɛnu kɛ́ lɑ́Ꞌ ɡẅɛɛ zʉꞋ nǔu nu nɛfɔɔ Sɛ́ pɔ́.

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Ɛ́fɛ̂zɛ 5:15

Pɔ́Ꞌɔ lɑ́ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɑk tú yʉ́ʉ sʉ́Ꞌnɛ. Pʉʉ pɑ́ɑ nɛnɑ́ŋ wɛ pɛɡʉɡʉʉ, pʉʉ ńnɑ́ŋ pɑ́Ꞌ ɡɑŋfɑ-jínu

Ɛ́fɛ̂zɛ 5:18

Kɔɔ pʉʉ nɔ́ mɛluꞋ tɛ ɛ́ jʉ́ wʉ́ʉ. Nɛɡɛ pɔ́Ꞌɔ, ɛ́ nɛcʉ́ɔ nǔu sɛ̂ndúŋ kɛpɔŋ. Zẅikŋɛ Lɛ́ɛnɛ́nɛ jʉ́nɛ wʉ́ʉ.

Ɛ́fɛ̂zɛ 5:8

Pʉʉ kɑ pɔ́ yɛcɔ́ ŋkɑ́ ḿbɔ́ pɔ tsɛt nzɛ́nzʉ́ʉ. Ɛ́ lɛɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Tsɑpʉɔ, pʉʉ tsʉ́Ꞌ ḿbɔ́ ŋkɔ̂ɔnɛ ḿbɔ́ pɔ zʉꞋ fúknɛ. Pɔ́Ꞌɔ lɑ́, pʉʉ ɡɔ́ ŋ́ɡɛ mbɑ kʉ̈ɔ́ lɑ́ yʉ́ʉ, ŋ́ɡɛ pɑ́Ꞌ pʉɔ pi pɔ́p nǔu zʉꞋ fúknɛ.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Filipɛ 2:3

Kɔɔ pʉʉ ɡɛ yɛcɔ́ yúu mi ɛ́ pɔ́ nɛlɔk ɛ́sɑ́Ꞌ ndʉꞋ, kɛ pɔ́ nɛlɔk ŋ́ɡúꞋ níinɛ ɔɔ. Pʉʉ kɔk pɔ mbʉʉ yʉʉ ŋ́ɡɑ́ sɛ́, ńdíŋɛ pɛcɔ́ pʉɔ pɔ pɑ́Ꞌ ŋkɑ́ yi pɔ́p lɛɛ wʉ́ʉ lɑ́.

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.

1 Tɛsɑlɔník 2:12

Pɛk kɑ níꞋ mɛtʉʉ mʉ́ʉ, ńníꞋ tʉ́m yʉ́ʉ, ńtsuŋ ńcú mbɔ̌ pʉʉ ŋɡɔ pʉʉ nɛn nǔu sɛ̂ndúŋ ẅi Sɛ́ sɛ́ ŋ́kɔŋ. Jʉ́ ẅi ɑ sɛ́ ɛ́fúŋ wʉ́ʉ tsɛt nɛfɔɔ nɛ́, tsɛt nɛɡúꞋ wɛ.

1 Tɛsɑlɔník 4:12

ńjí ŋɡɔ pʉɔ pi pɔ́p kɑ́ pɔ́ pʉɔ-Kɛlístɔ pɔ́, ɡʉ ńjʉ́ɔ pɔ́Ꞌɔ, ŋ́ɡʉ̈ɔꞋtɛ yʉʉ ntɛ́ nɛnɑ́ŋ. Pʉʉ pɛn ŋ́kɛ́ mbɔɔ tsʉ́Ꞌ piꞋ mbɔ̌ wɛcɔ́ ŋu pɔ́.

1 Tɛsɑlɔník 5:17

Pʉʉ pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ,

Jɑ̂k 4:5

Pʉʉ kwɑŋɛ ŋɡɔ ŋwɑꞋnɛ-Sɛ́ cú ŋɡɔ: Sɛ́ kɑ́ pɛ́m ŋɡɔ pɛkŋɛ nɑ́ wɛcɔ́ ŋu jʉ́ zʉꞋ-zẅikŋɛ yi ɑ kɑ níꞋnɛ nǔu pɛkŋɛ pɔ́ pɛ́Ꞌɛ, ḿmɛɛ, mɛɛnɛ ńcú kii?

1 Jɑ̂ŋ 2:6

Ŋu lɑɑ ńcú ŋɡɔ: Pɛk Sɛ́ kɑ tɛmtɛ, ɛ́ píkŋɛ ŋɡɔ ŋɡɛnɛ mɛnu mɛ́ pɔ́ pɑ́Ꞌ mɛ́ Yɛ́su Kɛlístɔ kɑ pɔ́nɛ pɔ́Ꞌɔ.

2 Jɑ̂ŋ 1:4

Nu kɑ tsuŋ ḿbɔŋ wɑ́ɑ tɛꞋ pɑ́Ꞌ ŋ kɑ zúꞋnɛ ŋɡɔ pɛcɔ́ mbɔ́ŋkʉ̈ɔ́ sɛ́ ńnɛn nǔu sɛ̂ndúŋ-nu nɛ́nẅín pɑ́Ꞌ Tɑ́t wɛkŋɛ kɑ cúnɛ mbɔ̌ pɛkŋɛ lɑ́.

Jẅidɛ 1:23

Pʉʉ fú tsɛt múk ńcẅɛɛtɛ wɔ́p, pɔ́p luk. Pɛcɔ́ pʉɔ pɛn ḿbɔ́ ɡú pi pʉʉ ɡʉ ḿbɛn ńtsɑ́ɑ mɛjʉ́ŋ mɔ́p, ŋ́ɡɔ́ ńtsɑ́ɑ, ḿbɔ́ ḿbɑ́ɑ yʉʉ mbʉʉ. Pʉʉ pɑ́ɑ mbɑ mɛndẅí mɔ́p pɑ́Ꞌ ntsɛ́llɛ́-mɛnu kɛpɔŋ ɡɔ́ ŋ́kúu nǔu ɛ́fú nǔu yúu mi mbʉʉ yɔp tsɑ́ɑnɛ.