18 Mbɑ yɛ́tɛ́ nu lɑ́ lɑɑ ḿbɔ́ sɛ́, tɛ shʉ́ pɔ́ mbɔ̌ ɡu, ɔ ɡɛ pɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ.
ŋɡɑŋ nɑ́ yúu-pɔꞋ pɛ́ zúꞋu, ńzɛɛ ŋ́ɡʉ ńjʉ́ɔ mɔ́ɔmɑ́ wɛ pɔ́pmɛ́ mɛk yîyɑ́ nu, lɑ ɑ pɛn nzʉʉ ŋ́ɡɑ́ yúu-pɔꞋ pɛ́ mbɔ̌ Sɛ́.
Pɛpɔ́ttú pʉɔ pinɛ pɔ́p kɑ́ ɡɛ ɡɑꞋɡɑꞋ pɔ́, mbíꞋŋɡɔ pɔ́p ɡʉ ŋ́ɡɛ ńjʉ́ ŋɡɔŋ.
Pɛpɔ́ttú pʉɔ pinɛ pɔ́p ɡɛnɛ ŋɡɔ mbɔ́tnɛ pɔ́ ɡú, mbíꞋŋɡɔ pɛ́ ɡʉ ńdɑ́Ꞌ ɛ́fúŋ wɔ́p ŋɡɔ pɔ́-Sɛ́.
Ŋɡwɑ́ŋ sɛ́ ḿbɔ́ yúu sʉ́Ꞌnɛ lɑ́, ɛ́ lɑɑ ḿbɔ́ tɛ ḿbɔɔ ḿbɛ́t ńdʉʉ pɔ́ pɛ́ pɛn ńdɔk kʉ̈ɔ́ ŋ́ɡɛ lɑ́ ɛ́ pɛn ńdʉʉ? Ɛ́ pɔŋ ŋɡɔ kwɑꞋ ŋɡwɑ́ŋ sʉ́Ꞌnɛ pɔ́ lɔ́ŋ pʉʉ, pɔ́Ꞌɔ, mbɔ́tnɛ pɔ́ tsɛtsɛt pʉʉ.
Ɛ́ yúu mi ɛ́ ɡɛnɛ lɑ n tsɑ́ɑ nɛtɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ ɡúu, pi pʉʉ tʉ́sɔŋ-Lɔ́mɑ.
Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.
Pɔ́Ꞌɔ lɑ́, pɛkŋɛ lɔɔ yúu mi ɛ́ ɡʉ ŋ́ɡɛ pɛkŋɛ nɑ́ŋ nɛ́ mɔ́fíitɛ, ḿbɛn ŋ́kẅiꞋ ńtɔ́ɔtɛ mɛmbʉʉ mɛkŋɛ nǔu nɛzɑ́p tʉ́m nǔu Sɛ́.
Lɑ́ ɛ́ lɑɑ ŋ́kɛ́ ḿbɔ́ yi ŋu ẅí ɑ kɑ́ pɔ́ ŋu-Kɛlístɔ pɔ́ jʉ́ɔ ŋɡɔ ɑ ɡʉ ɛ́fɑk mbʉʉ yɛ, pɛ́ nɑ́ wɛ́ ɑ fɑk. Ɛ́ ɡʉ nǔu yîyɑ́ ntɛ́, yɛcɔ́ yúu kɑ́ kúꞋlɛ ŋu-Kɛlístɔ wɛ mbɛ́ɛnɛ kɛ wɛ mɑŋɡɛ́ pɔ́. Sɛ́ kɑ zɛɛ ɛ́fúŋ wɛkŋɛ pɔ pɑ́Ꞌ pɛkŋɛ ɡʉ ńnɑ́ŋ nɛ́ mbɔ́tnɛ.
Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.
Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,
Pʉʉ sɑ́Ꞌ tʉʉ nɛ́ kɛ́ ŋ́ɡẅɛɛ pɔ tɑ́Ꞌ ntsu ẅí ɛ́ fúnɛ mbɔ̌ Zẅikŋɛ-Sɛ́, yɛ́tɛ́ sɛ́nɛ́ ŋ́ɡɔ́ ŋ́ɡɑ́ mbɔ́tnɛ mbɔ̌ pʉɔ, ŋ́ɡɑ́ wɔ́p nɛ́ tɑ́Ꞌ ntsu.
Pʉʉ ɡɛ mɛkuꞋ mɔ́p sʉ́Ꞌnɛ, ŋ́kɔŋ wɔ́p tɛꞋ, ntɛ́ túfɑꞋ yi pɔ́p nǔu, ḿbɑ́ɑ cʉ́ɔk tsɛtsɛt pʉʉ.
Kʉɔ mɛyúu kɛpɔŋ mi ŋɡwɑsuu tsɑ́ɑnɛ nɛɡɛ. Pʉʉ pɛ pʉɔ pi pɔ́p fúŋnɛ Tsɑpʉɔ nɛ́ tʉ́m lɛ́ɛnɛ́nɛ lɔɔ nu yi ɛ́ tʉ́ʉnɛ ndʉ́ŋndʉŋ, ńzɑ́p tʉ́m nǔu Sɛ́, ŋ́kɔŋ pʉɔmɛsɔŋ, ńnɑ́ŋ nɛ́ mbɔ́tnɛ.
Pʉʉ lɔɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ. Pʉʉ lɔɔ mbɑ pɑ́Ꞌ pʉʉ ɡʉ ŋ́ɡɛ yúu mi Sɛ́ kɛ́ jʉ́ɔ lɔ́Ꞌ nǔu pɔ́. MbíꞋŋɡɔ ŋu lɑɑ ŋ́ɡɛ yúu mi Sɛ́ ɡʉ jʉ́ɔ lɔ́Ꞌ nǔu, mbɔ ŋɡɑŋ ńdɑ́Ꞌ ńjʉ́ɔ Tsɑpʉɔ pɔ́.
Ɛ́ pɔŋ ŋɡɔ ɑ lʉ́ɔꞋ nu kɛpɔŋ, ŋ́ɡɛ pɔ nu sʉ́Ꞌnɛ, ńdɔɔ mbɔ́tnɛ, ńcʉŋɛ nzʉʉ yɛ́.
