Pʉɔ-Lɔ́mɑ 12:13 - Kɑɑ Fí

¹³ Yúu lɑɑ ńjɑ́k mbɔ̌ pɔ́ɔpɛ́mɑ́, pʉʉ pʉɔ-Kɛlístɔ, pʉʉ cẅɛ́lɛ́ wɔ́p. Pʉʉ ńnɑ́ŋ ńcẅɛ́ɛ pʉɔ-túu sʉ́Ꞌnɛ.

Pʉɔ-Lɔ́mɑ 12:13 교차 참조

Mɑtʉ̈ɔ 25:35

MbíꞋŋɡɔ, njí kɑ pɔ́ ńzɑ́ŋ wɑ́ɑ, pʉʉ ɡɑ́ yúu ŋ kwɛ́t, ɡɑ́k yɑ́ɑ pɔ́ shí, pʉʉ ɡɑ́ ŋki n nɔ́, ŋ kɑ pɔ́ ŋɡʉʉ pʉʉ kúkŋɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 10:4

A pʉꞋ tú yɛ́, ńdíŋɛ Cʉ̈ɔꞋ-Sɛ́, ḿbɔ́ ḿbɔ́k, ńcú mbɔ̌ wɛ́ ŋɡɔ: «Ɛ́ kʉ̈ɔ́ Tsɑpʉɔ?» Cʉ̈ɔꞋ-Sɛ́ tsɔ́Ꞌ mbɔ̌ wɛ́ ŋɡɔ: «Sɛ́ zúꞋ pɑ́Ꞌ ɔ júknɛ ńcɛꞋlɛ wɛ́, ḿbɛn ńjʉ́ɔ mbɑ yúu mi ɔ sɛ́ ŋ́ɡɛ nǔu pɛpúŋ ńdɔk ńcẅɛ́lɛ́ wɔ́p. Sɛ́ kɑ́ likŋɛ wú pɔ́.

ŊwɑꞋnɛ-Gɑŋntúu Yɛ́su Kɛlístɔ 4:35

ńnɔŋ mɛku ɡɑŋntúu. Pɛ́ ɡɑp ŋ́ɡɑ́ yɛ́ mbɑ wɔ̌ lɑ́ pɑ́Ꞌ ɛ́ ɡʉ ŋ́kuꞋ nǔu yɛ́ nu.

Pʉɔ-Lɔ́mɑ 12:8

FuꞋ-ŋu pɔ́ nɛníꞋ mɛtʉʉ-pɛcɔ́ pʉɔ, ɑ ńníꞋ. Ŋu lɑɑ ḿbɔ́ ŋ́ɡɑ́ yúu mbɔ̌ ŋu, ɑ ɡɑ́ kɛ́ sɑ́ŋ. Ŋu lɑɑ ḿbɔ́ ŋu ẅí ɑ niitɛ́nɛ cúꞋlɛ, ɑ niitɛ tɛ ńjí yúu mi ɑ ɡɛnɛ yɛ́tɛ́. Ŋu lɑɑ ḿbɔ́ ńcẅɛ́lɛ pɛpúŋ, ɑ cẅɛ́lɛ́ nɛ́ tʉ́m sʉ́Ꞌnɛ.

1 Kɔlɛ̂ŋtɛ 16:15

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ Stɛfɑnɑs pɔ́p tsɛ́nndɑ́ yɛ́, pɛluŋmbi-pɑzɑ́p tʉ́m nǔu Kɛlístɔ tsɛt ndɑ́ yʉʉ Akɑ̂y, pɔ́p sɛ́ ńníꞋ mɛtʉʉ ŋ́ɡɛ yúu mi cúꞋlɛ-pʉɔ-Kɛlístɔ ɡʉ ńdúꞋnɛ. Ɛ́ pɔ́Ꞌɔ, lɑ m bɛn ḿbɔ́ ḿbíkŋɛ wʉ́ʉ ŋɡɔ:

2 Kɔlɛ̂ŋtɛ 9:1

Ɛ́ ɡʉ nǔu yúu lɔk ńcẅɛ́lɛ pɔ́ɔpɛ́mɑ́ pi pɔ́p Yɛlúsɑlɛm, mbɔ n jʉ́ɔ ŋɡɔ ɛ́ kɑ́ pɔ́ ḿbíkŋɛ ŋɡɔ m bɛn ḿbɔ́ ŋ́ŋwɑꞋnɛ yúu nǔu ŋwɑꞋnɛ́nɛ pɔ́.

2 Kɔlɛ̂ŋtɛ 9:12

Pʉʉ zɛɛ ńjí ŋɡɔ yɔ ntsup yi pʉʉ mɑꞋnɛ ɛ́ kɛ́ ɡɛ pʉɔ-Kɛlístɔ pi pɔ́p Yɛlúsɑlɛm pɔ́p ɡẅɛɛ yúu mi ɛ́ jɑ́knɛ mbɔ̌ pɔ́p ndɑꞋ pɔ́, ɛ́ ɡʉ ḿbɛn ŋ́ɡɛ pʉɔ kẅiꞋ ŋ́ɡɑ́ pɑ́Ꞌlɑ́ mbɔ̌ Sɛ́ tɛꞋ.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

Tîtɛ 1:8

Lɑ́ ɛ́ píkŋɛ pɔ ŋɡɔ ɑ pɔ́ ŋu ẅí ɑ kúkŋɛ́nɛ pɛɡʉʉ sʉ́Ꞌnɛ, ḿbɔ́ ŋu ẅí ɑ nɑŋnɛ ŋ́kɔŋ yɛ́ pɔ mɛnu mi ɛ́ pɔŋnɛ. Ɛ́ píkŋɛ ŋɡɔ ɑ pɔ́ ŋu ẅí ɑ sɑ́ŋnɛ nu lɑ ŋ́ɡɛ, ɑ pɔ́ ŋu ẅí ɑ ɡɛnɛ mɛnu mi ɛ́ tʉ́ʉnɛ ndʉ́ŋndʉŋ, ḿbɔ́ ŋu ẅi mɑt wɛ pɔŋnɛ Sɛ́, ḿbɔ́ ŋu ẅí ɑ jínɛ nɛɡẅɛɛ mbʉʉ yɛ.

Tîtɛ 3:14

Ɛ́ píkŋɛ ŋɡɔ pɔ́ɔpɛ́mɑ́ pɛkŋɛ nzʉʉ Kɛlístɔ ɡẅɛɛ nɛsɑ́Ꞌ tʉʉ ŋ́ɡɛ mɛnu sʉ́Ꞌnɛ, nɛlɔk ńcẅɛ́lɛ́ pʉɔ pi kwɑꞋ nu tʉ́ʉnɛ nǔu pɔ́p, kɔɔ pɔ́p pɔ́ pʉɔ kɛ pɛ́ ńdúꞋnɛ wɔ́p.

Filɛmɔ̂ŋ 1:7

N cú mbíꞋŋɡɔ, ŋkɔŋɛ yi ɔ ɡẅɛɛnɛ kɑ ɡɛ n tsɑ́ɑtɛ tɛꞋ. Mɔ́ɔmɑ́ mɔ, tʉ́m yɑ́ɑ pɔ́tnɛ, ɛ́ fú nǔu pɑ́Ꞌ ɔ kɑ kuutɛ́nɛ pʉɔ-Sɛ́.

Ɛ́bɛlʉʉ 13:16

Kɔɔ pʉʉ likŋɛ nɛɡɛ nu sʉ́Ꞌnɛ mbɑ nɛlɔk yúu mi pʉʉ ɡẅɛɛnɛ ńcẅɛ́lɛ pʉɔ, mbíꞋŋɡɔ nɛɡɛ mîmɑ́ mɛnu ɛ́ lii-pɔꞋ yi ɛ́ pɔŋnɛ Sɛ́.

Ɛ́bɛlʉʉ 13:2

Kɔɔ pʉʉ likŋɛ nɛkúkŋɛ pɛɡʉʉ pi pɔ́p tɔ́nɛ njɛ́Ꞌ pʉʉ, pɛcɔ́ pʉɔ kɑ lɑ́Ꞌ ŋ́kúkŋɛ pɛɡʉʉ kúkŋɛ́nɛ, tɛ ńdɑ́Ꞌ lɛ́Ꞌ ŋ́kúkŋɛ pɛcʉ̈ɔ́Ꞌ-Sɛ́ kɛ́ jí.

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.

1 Pyɛ̂ 4:9

Pʉʉ kúkŋɛ pɔ́ɔpɛ́mɑ́ pʉʉ tsɛtsɛt pʉʉ tsɛt mɛndɑ́ mʉ́ʉ kɛ́ pɔ́ ńcútɛ.

1 Jɑ̂ŋ 3:17

Ŋu lɑɑ ḿbɔ́ ŋɡɑŋyúu, ńjʉ́ɔ mɔ́ɔmɑ́ wɛ pɔ́ ńjɑ́k yúu, ɑ pɔɔ wɛ́ líŋɛ, mbɔ pɛ́ ɡʉ ńcú ŋɡɔ ẅîwɑ́ ŋɡɑŋyúu sɛ́ kɔŋ Sɛ́ ŋɡɔ́ku?

3 Jɑ̂ŋ 1:5

Súu wɑɑ wɛ tʉʉndɛn, ɔ jí yú pɔ ndɑꞋ Kɛlístɔ, ɔ cẅɛ́lɛ́ pɔ́ɔpɛ́mɑ́ tɛ mbɑ pi pɔ́p pɔ́ pɔ pɛɡʉʉ.