Pʉɔ-Lɔ́mɑ 11:36 - Kɑɑ Fí

³⁶ Mbɑ kʉ̈ɔ́ lɑ́ zɛɛ ɛ́fú pɔ mbɔ̌ wɛ́. Mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ lɑ ɛ́ pɔ́ ɡú, ɑ pɛn ḿbɔ́ pɔ jʉ́. Pɛ́ ɡúꞋlɛ wɛ́, mɛŋɡuꞋ mɛŋɡuꞋ. Ɛ́ pɔ́Ꞌɔ.

Pʉɔ-Lɔ́mɑ 11:36 교차 참조

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Lúkɑ́shi 19:38

ḿbɔ́ ńcú ŋɡɔ: «Mbɔ́tnɛ pɔ́ mbɔ̌ Fɔɔ ẅí ɑ tɔ́nɛ nǔu lík-Tsɑpʉɔ. Sɛ́ tʉ́nɛ́pú ḿbɔ́ Ŋɡɑŋ-mbɔ́tnɛ, ɡúꞋlɛ pɔ́ mbɔ̌ wɛ́ ẅi ɑ tɛ tʉ́nɛ́pú.»

Lúkɑ́shi 2:14

«Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

ŊwɑꞋnɛ-Gɑŋntúu Yɛ́su Kɛlístɔ 17:28

Pɛ́ zɛɛ ńcú ŋɡɔ: “Pɛkŋɛ lɔk pɔ wɛ́ lɑ́ ḿbɔ́ ɡú. Jʉ́ ɡɛnɛ pɛkŋɛ ŋɑtnɛ. Jʉ́ ɡɛnɛ pɛkŋɛ pɔ́ ɡú.” Mbɑ pɛcɔ́ pɑsɑknɛkɛt pʉ́ʉ kɑ pɛn ńcú ŋɡɔ: “Pɛkŋɛ zɛɛ ḿbɔ́ pɔ pʉɔ nǔu njẅɛt yɛ́.”

Pʉɔ-Lɔ́mɑ 16:27

Sɛ́ jínɛ nu zɛ́nɛ jʉ́. Pɛkŋɛ lɛɛ nǔu Yɛ́su Kɛlístɔ ŋ́ɡúꞋlɛ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Kɔlɛ̂ŋtɛ 11:12

Tɛ mbɑ pɑ́Ꞌ Sɛ́ kɑ fú pɔ nǔu ŋu mbɛ́ɛnɛ ḿbɔ́ɔ mɑŋɡɛ́ lɑ́, mɑŋɡɛ́ pínɛ ŋu mbɛ́ɛnɛ. Ŋɡɔŋ nu tsʉʉ pɛn ɛ́fú pɔ mbɔ̌ Sɛ́.

1 Kɔlɛ̂ŋtɛ 8:6

lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

Ŋɡɑlɑ̂t 1:5

Pʉɔmɛ́sɔŋ ŋ́ɡúꞋlɛ Sɛ́ mɛŋɡuꞋ mɛŋɡuꞋ, Ɛ́ pɔ́Ꞌɔ.

Ɛ́fɛ̂zɛ 3:21

Gúꞌlɛ pɔ́ mbɔ̌ wɛ́ tsɛt cúꞋlɛ-pʉɔ-Kɛlístɔ, ńdɛɛ nǔu Yɛ́su Kɛlístɔ, nǔu mɛŋɡuꞋ mɛŋɡuꞋ, kɛ́ nɛpɑt! Ɛ́ pɔ́Ꞌɔ.

Filipɛ 4:20

Gúꞌlɛ pɔ́ mbɔ̌ Tɑ́t wɛkŋɛ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Timɔtɛ́ɛ 1:17

MɛkuꞋ pɔ́p ɡúꞋlɛ ńdɑ́Ꞌ ḿbɔ́ mɛŋɡuꞋ mɛŋɡuꞋ, pɔ mbɔ̌ fɔɔ ẅí ɑ ɡʉ ńdɑ́Ꞌ ḿbɔ́ pɔ ɡú. Jʉ́ ẅí ɑ ndɑ́Ꞌ Sɛ́, ḿbɔ́ kɛpfú, ḿbɔ́ ẅi pɛ́ kɑ́ pɔ́ ńjʉ́ɔ wɛ́ nɛ́ lík pɔ́. Ɛ́ pɔ́Ꞌɔ.

1 Timɔtɛ́ɛ 6:16

A ndɑꞋ jʉ́ zɛ́nɛjʉ́ ẅi ɑ kɛpfú. A ńnɑ́ŋ nǔu zʉꞋ yi ɛ́ ŋwɑŋɛ́nɛ tɛ ḿbɔ́ ŋumɛsɔŋ pɔɔ kẅɛ́Ꞌlɛ tɛ ḿbɑ́ɑtɛ zúꞋu pɔ́. Ŋu ŋkɑɑ mɔ́ zɛɛ ńjʉ́ɔ wɛ́ pɔ́, ḿbɔ́ ŋu pɔɔ kuꞋ nɛjʉ́ɔ wɛ́ pɔ́. Ɛ́ pɔŋ ŋɡɔ mɛkuꞋ mɛ́ mbɑ nɛfɔɔ nɛ́ lɑ́Ꞌ ḿbɔ́ pɔ ɡú. Ɛ́ pɔ́Ꞌɔ.

2 Timɔtɛ́ɛ 4:18

Tsɑpʉɔ ɡʉ ŋ́ɡɛ ɛ́fú nǔu nu kɛpɔŋ ntɛ́ nɛ́ ntɛ́ ńcẅɛɛtɛ wɑ́ɑ, ŋ́ɡɛ ńduk nɛpɔ́ yi ŋ ɡʉ ŋ́kúu tsɛt nɛfɔɔ nɛ́ tʉ́nɛ́pú. Gúꞌlɛ pɔ́ mbɔ̌ Tsɑpʉɔ mɛŋɡuꞋ mɛŋɡuꞋ. Ɛ́ pɔ́Ꞌɔ.

Ɛ́bɛlʉʉ 13:21

Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.

Ɛ́bɛlʉʉ 2:10

Sɛ́ kɑ ɡɛ yúu tsʉʉ yi ɛ́ ndǔmbí ɛ́ pɔ́ ɡú, ḿbɔ́ pɔ yúu pɛ́. Pɑ́Ꞌ ɑ kɑ pɛn ḿbɔ́ ŋ́kɔŋ ŋɡɔ pʉɔ tɛ ńzɑ́ɑ ɡʉ ńtsʉ́Ꞌ pʉɔ pɛ́, ɛ́ pɔ́ tsɛt nɛɡúꞋ wɛ lɑ́, Yɛ́su pɛn ŋ́ɡẅɛɛ nɛɡɛ pɔ́p luk lɑ́, ɛ́ kɑ pɔ́ ḿbíkŋɛ ŋɡɔ ɑ ɡɛ Yɛ́su fú nǔu ŋɡʉ̈ɔ́Ꞌ yi ɑ jʉ́ɔnɛ, ŋ́kuꞋ ŋu ẅí ɑ ɡʉ ŋ́ɡɛ pɔ́p luk.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Pyɛ̂ 5:11

Jʉ́ ɡẅɛɛnɛ nɛsɑ́Ꞌ mbí nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.

Jẅidɛ 1:25

ŋu ɛ̂wɑ́ pɔ́nɛ ndɑꞋ Sɛ́. A kɑ lɔk Tsɑpʉɔ wɛkŋɛ Yɛ́su Kɛlístɔ ŋ́ɡɛ pɛkŋɛ luk. Pɛ́ ɡúꞌlɛ pɔ wɛ́, jʉ́ ɡẅɛɛnɛ nɛɡúꞋ, jʉ́ ɡẅɛɛnɛ mɛtʉʉ, jʉ́ sɑ́Ꞌnɛ pʉɔ, pɑ́Ꞌ ɑ kɑ lɑ́Ꞌnɛ ńzɛ, ɛ́ kɛ́ ḿbɔ́ pɔ pɔ́Ꞌɔ, tɛ ŋ́kúu ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ, nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 19:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, ńzúꞋ yɛcɔ́ ŋɡi tɛnnɛ ɛ́ pɔ́ pɔ pɑ́Ꞌ ŋɡi mɑ́mɑ́ nɔɔ lɑ́Ꞌ lɑ́, ɛ́ pɔ́ tʉ́nɛ́pú ḿbɔ́ ńcú ŋɡɔ: «Alɛlúyɑ, luk ŋ́ɡɛ nɛɡúꞋ mbɑ mɛtʉʉ mbɔ̌ Sɛ́ wɛkŋɛ,

Mɛnu ɛ́ ńdɑ́Ꞌ ńcẅɛt 21:6

ḿbɛn ńcú mbɔ̌ mɔ ŋɡɔ: Ɛ́ kuꞋ. Mɔ, Alfɑ, ḿbɔ́ Ɔmɛŋɡɑ, ḿbɔ́ nduŋmbi, ḿbɔ́ ndẅiknzʉʉ, mɔ nzɛnɛ ḿbɔ́ ndẅiklɛ́nɛ ɡɑ́k-ŋu lɑɑ ḿbɔ́ ɛ́shí, mbɔ ŋ ɡʉ ŋ́ɡɑ́ ŋki ẅí ɛ́ ɡɛnɛ pɛ́ kɛ ḿbɔ́ pɔ ɡú mbɔ̌ wɛ́. Ẅîwɑ́ ŋki fú nǔu nɛsɑ́Ꞌ-ŋki nɑ́ɑ, ŋ ɡʉ ŋ́ɡɑ́ pɔ níinɛ.

Mɛnu ɛ́ ńdɑ́Ꞌ ńcẅɛt 7:10

ḿbɔ́ ńdɔk ŋɡi tɛnnɛ ńcú ŋɡɔ: «Luk fú mbɔ̌ Sɛ́ wɛkŋɛ ẅí ɑ nɑ́ŋnɛ ndǔ kɔꞋ-nɛfɔɔ mbɑ mbɔ̌ Mɔ́ɔ-Njinjɔ.»

Mɛnu ɛ́ ńdɑ́Ꞌ ńcẅɛt 7:12

ḿbɔ́ ńcú ŋɡɔ: Ɛ́ pɔ́ꞌɔ, ɡúꞋlɛ, nɛɡúꞋ, jínu, nɛɡɑ́ pɑ́Ꞌlɑ́, nɛɡɑ́ mɛkuꞋ, mɛtʉʉ pɔ́p ŋɡúꞋ pɔ́ mbɔ̌ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.