Pʉɔ-Lɔ́mɑ 11:25 - Kɑɑ Fí

²⁵ Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

Pʉɔ-Lɔ́mɑ 11:25 교차 참조

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Lúkɑ́shi 21:24

Pɛ́ lɔk mɛníi-ntsɔ ŋ́ɡwɑt pʉɔ, ŋ́ɡẅɛɛ pɛcɔ́, ɛ́sɑt mɛlɑ́Ꞌ mɛlɑ́Ꞌ pɔ́p tsʉ́Ꞌ pɛkwɑɑ. Yɔ ntɛ́ yi pʉɔ mɛlɑ́Ꞌ mi pɔ́p kɑ́ jí Sɛ́ pɔ́, ɡʉ ńdɑ́Ꞌ ḿbuu ɛ́sɑt Yɛlúsɑlɛm pɔ́Ꞌɔ, ńnɔꞋ pʉɔ zúꞋu tɛ yɔ́p ŋkɑ́ lɑ́Ꞌ ḿmɛ.

Jɑ̂ŋ 10:16

M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.

Pʉɔ-Lɔ́mɑ 1:13

Pɔ́ɔpɛ́mɑ́ pɑ́ɑ, pʉʉ jí sʉ́Ꞌnɛ ŋɡɔ ŋ kɑ tɑ́ŋ tɛꞋ nɛtɔ́ ńjʉ́ɔ wʉ́ʉ lɑ́ shʉ́ kɛ́ mbɔɔ cẅɛt tɛ ŋ́kúu lɔ́Ꞌnɛ pɔ́. Ŋ kɑ tsɑ́ɑ pɔ́Ꞌɔ nɛtɔ́ ɛ́fɑꞋ tsɛtsɛt pʉʉ tɛ pʉʉ jʉ́ yʉ́ʉ pii pɑ́Ꞌ ŋ kɑ fɑꞋnɛ tsɛt mɛcɔ́ mɛŋɡɔŋ pɔ́p jʉ́ pii.

Pʉɔ-Lɔ́mɑ 11:12

Ɛ́ lɑɑ ḿbɔ́ yi ɛ́ kɑ fú nǔu pɑ́Ꞌ pɔ́p tɛ́mnɛ ku yɔ́p, ndǔmbí tsʉʉ lɛɛtɛ nǔu ŋ́ɡẅɛɛ fuꞋ yi ɛ́ fúnɛ mbɔ̌ Sɛ́, ɛ́fú nǔu pɑ́Ꞌ pɔ́p vunɛ Sɛ́, pʉɔ pi pɔ́p kɑ́ pɔ́ pɑyúdɑ pɔ́ lɛɛtɛ yɔ́p nǔu ŋ́ɡẅɛɛ fuꞋ, mbɔ Sɛ́ ɡʉ ńdɑ́Ꞌ ḿbɔ́ tɛ ḿbʉꞋ wɔ́p pɛtsʉʉ, fuꞋ pɔɔ mɛkŋɛ ŋ́ɡɑ́Ꞌ pɔ́ ɔɔ?

Pʉɔ-Lɔ́mɑ 11:24

Ɔ kɑ zɛɛ ḿbɔ́ pɔ pɔ́tʉ́-mɛɡwɛ́t-ɔliivɛ-mbɛ́n. Sɛ́ zɑ́Ꞌ wú, ńtɔ́ ńdɑt nǔu tʉ́-mɛɡwɛ́t-ɔliivɛ-ŋkɑ́Ꞌ, ɛ́ pɔ́ ŋkʉꞋnɛ nu. Ɛ́ kɛ́ ŋ́ɡʉ nǔu pɑyúdɑ, mbɔ pɔ́p mbɔ́tʉ́-mɛɡwɛ́t-ɔliivɛ-ŋkɑ́Ꞌ. Sɛ́ lɑɑ ḿbɛn ŋ́ɡɛ ḿbɛn wɔ́p nǔu tʉ́ ɛ̂yɑ́, mbɔ ɛ́ ɡʉ ńzɑŋɛ tɛꞋ, mbíꞋŋɡɔ pɔ́p kɑ zɛɛ ɛ́fú pɔ nǔu.

Pʉɔ-Lɔ́mɑ 12:16

Pʉʉ ɡẅɛɛ tɑ́Ꞌ ntsu tsɛtsɛt pʉʉ, kɔɔ pʉʉ tsɑ́ɑ pɔ mɛntsu-fɑꞋ-pɛlʉ́m, pʉʉ pɛ́m nɛɡɛ mɛfɑꞋ mi ɛ́ kuꞋ kuꞋnɛ, kɔɔ pʉʉ kwɑŋɛ ŋɡɔ pʉʉ jí nu.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

Pʉɔ-Lɔ́mɑ 9:18

Ɛ́ lɔk pɔ́Ꞌɔ, ḿbɔ́ ŋɡɔ Sɛ́ ɡɛ ŋu ẅi ɑ jʉ́ɔnɛ ŋɡɔ ŋɡɑŋ ɡʉ ńtʉʉ tú mbɔ̌ wɛ́, ńtsɑ́ɑ mɛjʉ́ŋ ŋu ẅi jʉ́ Sɛ́ jʉ́ɔnɛ ŋɡɔ ɑ ɡʉ ńtsɑ́ɑ mɛjʉ́ŋ-ŋɡɑŋ.

1 Kɔlɛ̂ŋtɛ 10:1

Pɔ́ɔpɛ́mɑ́ pɑ́ɑ, mɔ sɛ́ ḿbɔɔ ŋ́kɔŋ ŋɡɔ pʉʉ likŋɛ nu nǔu yúu mi ɛ́ kɑ ɡɛnɛ pɛtɑ́t pɛkŋɛ ŋkɑ́ yi pɔ́p pɛ́ Mɔ̌sɛ̂ɛ kɑ pɔ́ ńnɛn pɔ́, pɔ́p pɛ́tsʉʉ kɑ jʉ́ɔ mɛlɑ́ɑ-Sɛ́ nɛjɔ́ŋ pɔ́p. Pɔ́p pɛ́tsʉʉ kɑ lɛɛ tsɛt ŋki kɛ́ nɛpɑt,

1 Kɔlɛ̂ŋtɛ 12:1

Pɔ́ɔpɛ́mɑ́ pɑ́ɑ, ɛ́ ɡʉ nǔu pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ fuꞋ níinɛ mbɑ pɔ́fɑꞋ wɛ́tɛ́ ŋu lɑ́, mɔ sɛ́ ŋ́kɔŋ ŋɡɔ pʉʉ jínu nɛ́nẅín nǔu nu-pɔ́fɑꞋ ɛ̂yɑ́.

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

1 Kɔlɛ̂ŋtɛ 4:1

Pɔ́Ꞌɔ lɑ́, pʉʉ líŋɛ wɛ́k pɑ́Ꞌ pɑfɑꞋ fɑꞋ-Kɛlístɔ mbɑ pɑ́Ꞌ pʉɔ pi pɔ́p ɡẅɛɛnɛ nu nǔu nɛkyɛ́Ꞌtɛ nu-Sɛ́ yi ɛ́ kɑ pɔ́ yɛ lʉɔmɛ́nɛ ɛ́sẅíi pʉɔ.

Ɛ́fɛ̂zɛ 1:9

Ɛ́ yɛ́tɛ́ lɑ pɛkŋɛ jí yúu mi ɑ kɑ zɑ́pnɛ, mbɔ ɛ́ kɑ zɛɛ ḿbɔ́ pɔ yi lʉɔmɛ́nɛ. Yîyɑ́ yúu pɔ́ yi ɑ kɑ zɑ́Ꞌnɛ njí, ɛ́ pɔŋ wɛ́ pɔŋnɛ, ɑ zɑ́p ŋɡɔ ɑ ɡʉ ńdɑ́Ꞌ ńdɔk Kɛlístɔ ŋ́ɡɛ ɛ́ puutɛ,

Ɛ́fɛ̂zɛ 3:9

Mbɑ pɑ́Ꞌ ŋ ɡʉ ńnyɛt mɑ́ntɑ́ɑ, pɛ́ jí pɑ́Ꞌ Sɛ́ ɡʉ ŋ́ɡɛ yúu mi ɑ kɑ lɑ́Ꞌnɛ ńzɑ́p, mbɔ ɛ́ kɑ zɛɛ ḿbɔ́ pɔ ntsɛm lɑ́, ɡʉ ḿbuutɛ pɔ́Ꞌɔ. Jʉ́ Sɛ́ ẅi ɑ kɑ niitɛ́nɛ mbɑ kʉ̈ɔ́ lɑ́, ɑ kɑ lʉɔ yîyɑ́ nu tɛ ŋ́kúu ŋkɔ̂ɔnɛ,

Ɛ́fɛ̂zɛ 4:18

Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.

2 Pyɛ̂ 3:8

Lɑ́ pɛsúu pɑ́ɑ pɛ́ tʉʉndɛn, yɛcɔ́ tɑ́Ꞌ yúu ɡú yi ɛ́ kɑ́ pɔŋ ŋɡɔ pʉʉ likŋɛ pɔ́. Ɛ́ mbɔ̌ Tsɑpʉɔ tɑ́Ꞌ lɛ́Ꞌ pɔ́ pɑ́Ꞌ ŋɡuꞋ ntsɑ́Ꞌ, ŋɡuꞋ ntsɑ́Ꞌ pɔ́ pɑ́Ꞌ tɑ́Ꞌ lɛ́Ꞌ.

Mɛnu ɛ́ ńdɑ́Ꞌ ńcẅɛt 1:20

Ɛ́ ɡʉ nǔu nɛjí yúu mi pɛcʉ̈ɔ́Ꞌ-sɑŋ sɑɑmbɑ́ pi ɔ jʉ́ɔnɛ ŋ ɡẅɛɛ nǔu pɔ́ yɑ́ɑ yi tʉʉ, mbɑ nǔu mɛkyɛꞋ sɑɑmbɑ́ mi pɛ́ kɑ lɔknɛ tʉ́n-ŋɡɔ̂l ńniitɛ, mbɔ ŋ ɡʉ ɛ́sẅíi wú ŋɡɔ: Pɛcʉ̈ɔ́Ꞌ-sɑŋ sɑɑmbɑ́ lɔk ḿbɔ́ pɛcʉ̈ɔ́Ꞌ-Sɛ́ pi pɔ́p pyɛ́pnɛ mɛcúꞋlɛ-pʉɔ-Kɛlístɔ ɛ̂mɑ́ sɑɑmbɑ́, mɛkyɛꞌ sɑɑmbɑ́ lɔk ḿbɔ́ mɛcúꞋlɛ-pʉɔ-Kɛlístɔ ɛ̂mɑ́ sɑɑmbɑ́.

Mɛnu ɛ́ ńdɑ́Ꞌ ńcẅɛt 10:7

Lɑ́, ɛ́ ɡʉ ŋ́ɡɛ ḿbɔ́ ŋkɑ́ yi Cʉ̈ɔꞋ-Sɛ́ wɛ mbɑ́ɑtɛ sɑɑmbɑ́ zɛnɛ nɛtɔŋ yɛ́ ntɑŋ, yúu mi Sɛ́ kɑ zɑ́pnɛ, ɛ́ pɔ́ yi lʉɔmɛ́nɛ, ɛ́ puutɛ ndʉ́ŋndʉŋ pɑ́Ꞌ ɑ kɑ zɑ́Ꞌnɛ njí ńcú mbɔ̌ pɛŋɡɛ́mndʉ̈ɔ́Ꞌ pɛ́ pɑfɑꞋ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 11:15

Cʉ̈ɔꞋ-Sɛ́ mbɑ́ɑtɛ sɑɑmbɑ́ tɔ́ŋ wɛ́ ntɑŋ. Pɛ́ zúꞋ mɛŋɡi pɔ́ tʉ́nɛ́pú ńdɔk ŋɡi tɛnnɛ ńcú ŋɡɔ: «Nɛsɑ́Ꞌ mbí tsʉ́Ꞌ ḿbɔ́ pɔ nǔu mbɔ́-Tsɑpʉɔ wɛkŋɛ mbɑ nǔu mbɔ́-Nzɑ́Ꞌŋkʉ ẅi ɑ kɑ tsɔ́Ꞌnɛ.» Ẅîwɑ́ nɛsɑ́Ꞌ ɡʉ ńdɑ́Ꞌ ḿbɔ́ nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,