Pʉɔ-Lɔ́mɑ 11:20 - Kɑɑ Fí

²⁰ Ɔ́ɔŋ pɛ́ kɑ kɛ́ ŋ́kʉ́ɔꞋ wɔ́p ḿmɛꞋ, ɛ́ pɔ́, mbíꞋŋɡɔ pɔ́p kɑ́ zɑ́p tʉ́m nǔu Kɛlístɔ pɔ́. Ɔ pɛn ḿbɔ́ zúꞋu, mbíꞋŋɡɔ ɔ zɑ́p tʉ́m nǔu Kɛlístɔ, lɑ́ kɔɔ kɛ́ ŋ́ŋɑ́Ꞌtɛ, tɛ ńtsʉ́Ꞌ pɔ́Ꞌɔ, ɔ lɑk pɔ tú yú.

Pʉɔ-Lɔ́mɑ 11:20 교차 참조

Lúkɑ́shi 18:14

Yɛ́su mɑꞋ tú yɔ nu ŋɡɔ: «Tsʉ́nɛ ŋ kɛ sẅíi wʉ́ʉ, wɔ ńcẅɛ́ɛ ntsup kɑ ɡɔ́ ḿbɛn nɛ ndɑ́ yɛ, Sɛ́ pɔɔ pɛ́t ḿbɔ́ ńdɑ́Ꞌ wɛ́ pɔ́. Lɑ́, ŋ́ɡʉ nǔu ŋu-Pɑfɑlísɑy ɛ̂wɑ́, Sɛ́ kɛ ḿbɔ́ ńdɑ́Ꞌ wɛ́ lɑ́Ꞌnɛ. Ɛ́ pɔ́Ꞌɔ, lɑ́ ḿbɔ́ yi ŋu lɑɑ ŋ́ŋɑ́Ꞌ mbʉʉ yɛ, mbɔ pɛ́ ɡʉ ŋ́kɔk wɛ́, ŋ́kɔk mbʉʉ yɛ, mbɔ Sɛ́ ɡʉ ŋ́ŋɑ́Ꞌ wɛ́.»

ŊwɑꞋnɛ-Gɑŋntúu Yɛ́su Kɛlístɔ 18:6

Lɑ́ pɑyúdɑ tɛn pɔ ndʉꞋ, ńzɔɔtɛ Pɔ̂l. A ɡɔ́ɔ ńtsʉ́Ꞌ ḿbúꞋ pɔ pɛ́pɛ́p nǔu mɛndẅí mɛ́, ńcú mbɔ̌ pɔ́p ŋɡɔ mɛci mɔ́p lɑɑ ńtswɛtnɛ tú pɔ́p, mbɔ yɛ́ nu kɑ́ pɔ́ nǔu pɔ́. Ŋɡɔ ɑ fú ŋkɔ̂ɔnɛ, ńtsʉ́Ꞌ ɛ́sẅíi nu-Sɛ́ pɔ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 11:18

Kɔɔ kɛ́ ńdɔk pɔ́Ꞌɔ, ŋ́ŋɑ́Ꞌtɛ mbi mbɔ́tʉ́ mi pɛ́ kɑ kʉ́ɔꞋnɛ. Ɔ lɑɑ ḿbɔ́ ŋ́kwɑŋɛ nɛŋɑ́Ꞌlɛ, ɔ jí ŋɡɔ ɡu kɑ́nɛ pɔ́ ńzẅík mɛŋɑŋ-tʉ́ pɔ́, mɛŋɑŋ mɛ́ sɛ́nɛ́ ńzẅík wú.

Pʉɔ-Lɔ́mɑ 11:21

MbíꞋŋɡɔ ɛ́ lɑɑ ḿbɔ́ yi Sɛ́ kɑ kʉ́ɔꞋ kwɑꞋ mbɔ́ yîyɑ́ tʉ́ ḿmɛꞋ, mbɔ ɛ́ lɑɑ ḿbɔ́ ɑ pɛn ŋ́kʉ́ɔꞋ wú pɔ pɔ́Ꞌɔ.

Pʉɔ-Lɔ́mɑ 12:16

Pʉʉ ɡẅɛɛ tɑ́Ꞌ ntsu tsɛtsɛt pʉʉ, kɔɔ pʉʉ tsɑ́ɑ pɔ mɛntsu-fɑꞋ-pɛlʉ́m, pʉʉ pɛ́m nɛɡɛ mɛfɑꞋ mi ɛ́ kuꞋ kuꞋnɛ, kɔɔ pʉʉ kwɑŋɛ ŋɡɔ pʉʉ jí nu.

Pʉɔ-Lɔ́mɑ 12:3

Ŋ ɡʉ ɛ́fú nǔu pɑ́Ꞌ Sɛ́ kɑ tsʉ́Ꞌ nɛɡɑ́ fuꞋ níinɛ yɑ́ɑ, ńtík wɑ́ɑ nǔu zʉꞋ ɡwɛ́, ńcú mbɔ̌ mbɑ wɔ̌ lɑ́ tsɛtsɛt pʉʉ ŋɡɔ: Kɔɔ ŋu kwɑŋɛ ŋɡɔ ɑ yúu kɛ́ pɔ́ yi ɑ yɛ́tɛ́. Ŋu ɡẅɛɛ yi kwɑŋɛ ɛ́ kuꞋ kuꞋnɛ. Ŋu kúꞋlɛ pɔ yɛ́ fɑꞋ yi Sɛ́ kɑ ɡɑ́nɛ, ŋ́ɡɔ́ ŋ́ɡɑ́, ɛ́fú nǔu pɑ́Ꞌ ɑ zɑ́pnɛ tʉ́m nǔu Kɛlístɔ.

Pʉɔ-Lɔ́mɑ 3:3

Ɛ́ pɛn ŋ́ɡʉ nǔu pɑ́Ꞌ pɛcɔ́ pɑyúdɑ kɑ nyɛtnɛ yîyɑ́ sẅiŋɛ pɛ́Ꞌɛ, ɛ́ ɡɛ ńdɛɛ pɔ́Ꞌɔ, Sɛ́ nyɛt mɛnu mi ɑ kɑ kɑꞋnɛ mbɔ̌ pɔ́p kɛkʉ̈ɔ́?

1 Kɔlɛ̂ŋtɛ 10:12

Pɛkŋɛ fú nǔu yɔ nu ńzúꞋ ŋɡɔ nɛpɛ́t ŋ́ɡʉ ɡʉnɛ ŋ́ɡɔ́ɔ ḿbɔ́ ńzɔp, kɑ́ pɔŋ.

1 Kɔlɛ̂ŋtɛ 15:1

Pɔ́ɔpɛ́mɑ́ pɑ́ɑ, tsʉ́Ꞌnɛ ŋ kẅíitɛ Ŋkʉʉ Sʉ́Ꞌnɛ ẅí ŋ kɑ cẅinɛ mbɔ̌ pʉʉ, Ŋkʉʉ ẅí pʉʉ kɑ zúꞋnɛ ḿbɛn ḿbɛ́m lɑ́, pʉʉ kɛ ńzɑ́p tʉ́m nǔu zɑ́pnɛ tɛ ŋ́kúu lɔ́Ꞌnɛ.

1 Kɔlɛ̂ŋtɛ 16:13

Kɔɔ pʉʉ mɛꞋ mbʉʉ yʉʉ ńdɛ́, pʉʉ zɑ́p tʉ́m nǔu Sɛ́ kɛ́ kɑ́ɑ, pʉʉ pɔ́ɔ mbɛ́ɛnɛ, pʉʉ tɛntɛ tɛntɛ́nɛ.

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

2 Kɔlɛ̂ŋtɛ 10:5

Pɛk sɛ́ ńnyɛt ŋɡɔ mɛsẅíŋɛ mi pʉɔ lɔknɛ ŋ́ŋɑ́Ꞌlɛ, ɛ́ pɔ́ ńtɔꞋ pʉɔ nɛjí nu-Sɛ́, ɛ́ kɑ́ pɔ́ yɛcɔ́ nu pɔ́, ɛ́sɑ́Ꞌ tʉʉ ŋ́kúpmɛ yúu mi pʉɔ ɡẅɛɛnɛ tʉ́m pɔ́p, ŋ́ɡɛ pîpɑ́ pʉɔ tsʉ́Ꞌ ńzúꞋ pɔ ntsu-Kɛlístɔ.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

2 Tɛsɑlɔník 2:4

A ɡʉ ńdɑ́Ꞌ cẅɛt ńtʉ́ʉ, ŋ́ɡɔ́ɔ ŋ́kɛ́ ńzɛ nɛtɔꞋ pʉɔ ŋɡɔ kɔɔ pɔ́p pɛn ŋ́ɡúꞋlɛ yɛcɔ́ yúu tɛ mbɑ Sɛ́, ɛ́ pɔ́ ńcú ŋɡɔ jʉ́ lɛɛnɛ wɔ́p pɛ́tsʉʉ, ɑ ŋ́kúu mbɑ tsɛt zʉꞋ Sɛ́ nɑ́ŋnɛ, cú ŋɡɔ jʉ́ pɔ́nɛ Sɛ́.

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

Ɛ́bɛlʉʉ 3:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

Ɛ́bɛlʉʉ 3:19

Pɛkŋɛ lɔk ńjʉ́ɔ ŋɡɔ pɔ́p ŋ́kɑɑ ŋ́kúu tsɛt mɔ́fíitɛ ẅi Sɛ́ kɑ kɑꞋnɛ mbɔ̌ pɔ́p pɔ́, mbíꞋŋɡɔ pɔ́p ŋkɑɑ zúꞋ nu yi ɑ kɑ cúnɛ, tɛ ḿbɛ́m pɔ́.

Ɛ́bɛlʉʉ 4:11

Pɔ́Ꞌɔ lɑ́, pɛkŋɛ sɑ́Ꞌ tʉʉ, ŋ́kúu tsɛt wîwɑ́ mɔ́fíitɛ, pɛkŋɛ ɡɛ nǔu ntɛ́ yi wɛcɔ́ tɑ́Ꞌ ŋu nǔu pɛkŋɛ kɛ́ pɔ́ ŋ́ɡɛ tʉʉtú pɑ́Ꞌ pɛtɑ́t pɛkŋɛ, ɛ́sɑ́ɑ pɔ́.

Ɛ́bɛlʉʉ 4:6

Sɛ́ kɑ zɑ́p ŋɡɔ pɛcɔ́ pʉɔ ɡʉ ŋ́ɡɛ ŋ́kúu tsɛtú, lɑ́ pɛluŋmbi pʉɔ pɔɔ zúꞋ Ŋkʉʉ Sʉ́Ꞌnɛ lɑ ḿbɛn ŋ́kɛ́ mbɔɔ tsɛtú kúu pɔ́ pɔ́, mbíꞋŋɡɔ pɔ́p kɑ zúꞋ mbɔɔ pɛ́m pɔ́.

Jɑ̂k 2:19

Ɔ sɛ́ ḿbɛ́m ŋɡɔ Sɛ́, wɛ́mɔ́Ꞌ, ɔ́ɔŋ ɛ́ pɔŋ, mɛzẅikŋɛ kɛpɔŋ pɛn ḿbɔ́ ḿbɛ́m yɔ́p pɔ pɔ́Ꞌɔ, lɑ́ ḿbɛn ḿbɔ́ ŋ́ɡwɛt.

Jɑ̂k 4:6

Lɑ́, Sɛ́ kɑ lɑ́Ꞌ mɔ́ ŋ́ɡɑ́ fuꞋ níinɛ yʉkŋɛ, pɔŋtʉ́m yɛ́ nzʉʉ pɛkŋɛ ɡúꞋ ńdɛɛ kʉ̈ɔ́ lɑ́. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lʉꞋ pɑŋɑ́Ꞌlɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pí pɔ́p kɔknɛ mbʉʉ yɔp ŋ́ɡɑ́ sɛ́.»

1 Pyɛ̂ 1:17

Pʉʉ ɡʉ ŋkɑ́ tsʉʉ yi pʉʉ cɛꞋlɛ́nɛ Sɛ́, yi pʉʉ fúŋnɛ Sɛ́ ŋɡɔ Tɑ́t wʉ́ʉ, ńdɔk mɛlɛ́Ꞌ lɑ́Ꞌ mi pʉʉ pɛ́tnɛ ŋ́ɡẅɛɛ ndǔ yɔ mbí, ńnyɛt tsɛt wʉʉ nɛnɑ́ŋ ŋɡɔ pʉʉ sɛ́ ŋ́ɡɑ́ mɛkuꞋ mɛ́. A ŋu ẅí ɑ zɑ́Ꞌnɛ ntsɑŋ-pʉɔmɛsɔŋ kɛ́ ɡẅɛɛ tɔŋ, ɛ́fú pɔ nǔu yúu mi ŋu ɡɛnɛ lɑ ńzɑ́Ꞌ ntsɑŋ-ŋɡɑŋ.

1 Pyɛ̂ 5:12

Sílɑs kɑ cẅɛ́lɛ́ wɑ́ɑ nɛŋwɑꞋnɛ wɔ mɔ́yúu ŋwɑꞋnɛ. A mbɔ̌ mɔ ḿbɔ́ mɔ́ɔmɑ́ ẅí ɑ jí yɛ́ pɔ ndɑꞋ nu-Yɛ́su. Ŋ ɡɑ́ yɔ ŋwɑꞋnɛ mbɔ̌ pʉʉ nɛlɔk ńníꞋ mɛtʉʉ mʉ́ʉ mbɑ nɛlɔk ńniitɛ ɛ́sẅíi wʉ́ʉ nɛ́ ntɛ́ yi Sɛ́ kɑ lɔknɛ mɛnu sʉ́Ꞌnɛ ŋ́ɡɑ́ fuꞋ níinɛ yɛkŋɛ, kwɑꞋ pɑ́Ꞌ ŋ ŋwɑꞋnɛnɛ lɑɑ. Pʉʉ tɛntɛ nǔu mɛnu ɛ̂mɑ́ sʉ́Ꞌnɛ.

1 Pyɛ̂ 5:9

Pɔ́Ꞌɔ lɑ́, pʉʉ zɑ́p tʉ́m yʉ́ʉ nǔu Sɛ́, ŋ́kẅiꞋ ńtɛntɛ, ńdʉꞋ Sɑ́ttɑ, ḿbɔ́ ńjí ŋɡɔ pɔ́ɔpɛ́mɑ́ pʉʉ ndǔmbí ḿbɔ́ ńjʉ́ɔ pɔ ntɛ́ ŋɡʉ̈ɔ́Ꞌ yi pʉʉ jʉ́ɔnɛ.

Mɛnu ɛ́ ńdɑ́Ꞌ ńcẅɛt 18:7

Ɛ́ lɑɑ ḿbɔ́ yi ɑ kɑ ɡúꞋ ŋɡɔ́ku lɑ́, ḿbɔ́ tsɛt yúu-mɛsuu ŋɡɔ́ku lɑ́, pʉʉ ɡɑ́ yɛ́ ŋɡʉ̈ɔ́Ꞌ pɔ ndɛnnú, ḿbɛn ŋ́ɡɛ ɑ lɑɑ nɛvú pɔ ndɛnnú. MbíꞋŋɡɔ ɑ kɑ pɔ́ ńcú tsɛt tʉ́m yɛ́ ŋɡɔ: A nɑ́ŋ ndǔ kɔꞋ-pɛmɑ́ɑ, ŋɡɔ ɑ kɑ́ pɔ́ mpfúk pɔ́, ŋɡɔ ɑ kɛ́ lɑ́Ꞌ yɛcɔ́ lɛ́Ꞌ lɑ ńdɑɑ nɛvú pɔ́,

Mɛnu ɛ́ ńdɑ́Ꞌ ńcẅɛt 3:17

Pɑ́Ꞌ pʉʉ sɛ́ ńcú ŋɡɔ pʉʉ ɡɑŋyúu, ŋɡɔ pʉʉ kɑ ɡẅɛɛ mɔ́ ŋkɑ́p tɛ ɛ́ zɑ́ɑ, tɛ pʉʉ tsʉ́Ꞌ ḿbɔɔ ńjɑ́k yɛcɔ́ yúu pɔ́ lɑ́, pɑ́Ꞌ pʉʉ kɑ́ pɔ́ ńjí ŋɡɔ pʉʉ ɡɑŋ ŋɡʉ̈ɔ́Ꞌ tɛ ḿbɔ́ pɛ́ tsɑ́ɑ mɛjʉ́ŋ mʉ́ʉ tsɑ́ɑnɛ pɔ́ lɑ́, mbɑ pɑ́Ꞌ pʉʉ kɑ́ pɔ́ ńjí ŋɡɔ pʉʉ pɛpúŋ, ḿbɔ́ pɛfumík, ńtʉ́ʉtɛ kɛ́ zẅík ndẅí pɔ́ lɑ́,