Pʉɔ-Lɔ́mɑ 11:17 - Kɑɑ Fí

¹⁷ Lɑ́ pɑíslɑyɛ̂l pɑ́Ꞌ tʉ́-mɛɡwɛ́t-ɔliivɛ-ŋu, mbɔ ŋɡɑŋ kɑ kʉ́ɔꞋ mɛcɔ́ mbɔ́ nǔu ḿmɛꞋ. Gu ẅí ɔ kɑ́ pɔ́ ŋu-Yúdɑ pɔ́, ɔ pɑ́Ꞌ pɛpɔ́tʉ́ mɛɡwɛ́t-ɔliivɛ yi ɛ́ pɔ́ pɔ mbɛ́n, mbɔ pɛ́ kɑ lɔk wú ńtɔ́ ńdɑt tsɛtsɛt mbɔ́ mi ɛ́ kɑ pɛ́tnɛ ḿbɔ́ nǔu tʉ́ ɛ̂yɑ́. Ɔ nǔu ŋkɔ̂ɔnɛ ḿbɔ́ ńdúꞋnɛ mɛci-tʉ́ mi ɛ́ fúnɛ nǔu mɛŋɑŋ ŋ́kúu nǔu pʉʉ pɛpɔ́p pɛtsʉʉ.

Pʉɔ-Lɔ́mɑ 11:17 교차 참조

Mɑtʉ̈ɔ 21:43

Ɛ́ pɔ́Ꞌɔ, lɑ ɛ sẅíi wʉ́ʉ ŋɡɔ pɛ́ ɡʉ cẅɛ́ɛ zʉꞋ yʉ́ʉ tsɛt nɛfɔɔ-Sɛ́, ŋ́ɡɑ́ mbɔ̌ yɛcɔ́ túu yi ɛ́ ɡʉ ŋ́ɡɛ yúu mi Sɛ́ sɛ́ ŋ́kɔŋ.» [

Jɑ̂ŋ 15:1

Yɛ́su pɛn ḿbɛ́ɛ yɔ fʉꞋ ńcú ŋɡɔ: «Mɔ kwɑꞋ nɛtsɛ́n-tʉ́ ni pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ. Tɑ̌ɑ mɔ pɔ́ ŋu ẅí ɑ fɑꞋnɛ nǔu.»

Jɑ̂ŋ 15:2

«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»

Jɑ̂ŋ 15:6

«Ŋu lɑɑ mbɔɔ lɑtnɛ mbʉʉ yɛ nǔu mɔ pɔ́, ɑ pɔ́ pɑ́Ꞌ pɔ́tʉ́ ẅi pɛ́ kʉ́ɔꞋnɛ, ḿmɑꞋ nzʉʉ ŋkɑ́Ꞌ ɛ́ zúu. Pɛ́ lɑk ńtɔɔ múk.»

ŊwɑꞋnɛ-Gɑŋntúu Yɛ́su Kɛlístɔ 2:39

MbíꞋŋɡɔ yúu mi Sɛ́ kɑ kɑꞋnɛ, ɑ kɑ pɔ́ ŋ́kɑꞋ mbɔ̌ pʉʉ, mbɑ mbɔ̌ mbɔ́ŋkʉ̈ɔ́ pʉ́ʉ. A kɑ pɔ́ ŋ́kɑꞋ mbɑ mbɔ̌ pʉɔ pinɛ pɔ́p nɑ́ŋnɛ ŋɡɑ sɛsɑ, ŋɡɔŋ pʉɔ tsʉʉ pi Tsɑpʉɔ Sɛ́ wɛkŋɛ ɡʉ ŋ́ɡɛ ɛ́fúŋ wɔ́p nɛtsʉ́Ꞌ pʉɔ pɛ́.»

Pʉɔ-Lɔ́mɑ 11:24

Ɔ kɑ zɛɛ ḿbɔ́ pɔ pɔ́tʉ́-mɛɡwɛ́t-ɔliivɛ-mbɛ́n. Sɛ́ zɑ́Ꞌ wú, ńtɔ́ ńdɑt nǔu tʉ́-mɛɡwɛ́t-ɔliivɛ-ŋkɑ́Ꞌ, ɛ́ pɔ́ ŋkʉꞋnɛ nu. Ɛ́ kɛ́ ŋ́ɡʉ nǔu pɑyúdɑ, mbɔ pɔ́p mbɔ́tʉ́-mɛɡwɛ́t-ɔliivɛ-ŋkɑ́Ꞌ. Sɛ́ lɑɑ ḿbɛn ŋ́ɡɛ ḿbɛn wɔ́p nǔu tʉ́ ɛ̂yɑ́, mbɔ ɛ́ ɡʉ ńzɑŋɛ tɛꞋ, mbíꞋŋɡɔ pɔ́p kɑ zɛɛ ɛ́fú pɔ nǔu.

Ŋɡɑlɑ̂t 2:15

N cú mbɔ̌ Pyɛ̂ pɑ́Ꞌɑ, ɛ́ lɔk ḿbɔ́ ŋɡɔ pɛkŋɛ pɛpɔ́p pɑyúdɑ tɛ fú lɛ́Ꞌ nɛpí, pɛk kɑ́ pɔ́ pʉɔ pi pɔ́p fúnɛ tsɛt mɛcɔ́ mɛlɑ́Ꞌ mi pɔ́p kɑ́ jí nɛpʉ́ʉ-Sɛ́ pɔ́.

Ɛ́fɛ̂zɛ 3:6

Ntsɛm ɛ̂yɑ́ pʉ́ɔlɑɑ, ɛ́ fú nǔu Ŋkʉʉ Sʉ́Ꞌnɛ, pʉɔ pi pɔ́p kɑ́ pɔ́ pɑyúdɑ pɔ́, ɡẅɛɛ yɔ́p yúu nǔu yúu mi Sɛ́ kɑ kɑꞋnɛ mbɔ̌ pʉɔ pɛ́ pɑyúdɑ. Ḿbɔ́ mɛkɛm tɑ́Ꞌ mbɑp-mbʉʉ, ḿbɛn ŋ́ɡẅɛɛ yɔ́p nu nǔu yúu mi Sɛ́ kɑ fúnɛ nǔu Yɛ́su Kɛlístɔ ŋ́kɑꞋ mbɔ̌ pʉɔmɛsɔŋ.

Kɔlɔsíyɛ̂ŋ 2:13

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, ḿbɔ́ pɔ pɛpfú, mbíꞋ mɛnu kɛpɔŋ mʉ́ʉ, mbɑ pɑ́Ꞌ pʉʉ kɑ pɔ́ pʉɔ pi pɛ́ kɑ púꞋnɛ wɔ́p nɛlɔk wɔ́p ŋ́ɡɛ pʉɔ-Sɛ́ lɑ́. Ɛ́ kɛ́ ḿbɔ́ nǔu ŋkɔ̂ɔnɛ, mbɔ Sɛ́ tɛmtɛ njẅɛt-Kɛlístɔ ńzẅíimɛ nǔu nɛvú. A likŋɛ mɛnu kɛpɔŋ mɛkŋɛ tsʉʉ, ŋ́ɡɑ́ mbɔ̌ pɛkŋɛ.

Mɛnu ɛ́ ńdɑ́Ꞌ ńcẅɛt 11:4

Pîpɑ́ pɑjʉ́njʉ́ɔ pɛ́pɑ́ pi pɔ́p cúnɛ nu yí pɔ́p jínɛ nǔu mɔ, ɛ́ mɛtʉ́-mɛɡwɛ́t-Ɔliivɛ mɛmbɑ́, ŋ́ɡɛ mɛkyɛꞋ mɛmbɑ́ mí ɛ́ tʉ́ʉnɛ mbi Tsɑpʉɔ ẅí ɑ sɑ́Ꞌnɛ mbí tsʉʉ.