20 Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ sɑ́ɑnɛ sɑ́ɑnɛ́nɛ ḿbɛn ńcú ŋɡɔ Sɛ́ cúnɛ ŋɡɔ: pʉɔ pi pɔ́p kɑ zɛɛ ḿbɔɔ ńdɔɔ wɑ́ɑ pɔ́ jí wɑ́ɑ. Ŋ kɑ pɛn ńnyɛt mbʉʉ yɔ njɛ́Ꞌ-pʉɔ pi pɔ́p kɑ́ kɛ́ ḿbɔ́ ńdɔ́ɔ yɛcɔ́ yúu mbɔ̌ mɔ pɔ́.
Yɛ́su pɛn ńcú ŋɡɔ: «Ɛ́ pɔ́Ꞌɔ lɑ́ ɡɑŋ nzʉʉ ɡʉ ńdɑ́Ꞌ ńtsʉ́Ꞌ pɑ pɔ́ mbi, ɡɑŋ mbi tsʉ́Ꞌ pɑ pɔ́ nzʉʉ.»
Tɑ́t wɛ zúꞋ ńcú mbɔ̌ wɛ́ ŋɡɔ: «Gʉ mɛtú-ndúŋ ŋkɔ̂ɔnɛ, mbɑ nǔu mɛlɛ̌ɛndúŋ tsɛt lɑ́Ꞌ, wɛ́t ŋu ẅi ɔ jʉ́ɔnɛ, ɔ lɔk tʉʉ, ɛ́fúŋ wɛ́ ŋɡɔ ɑ tɔ́, ńníꞋ wɔ́p tɛ ndɑ́ yɔ lúu.
Ɛ́ pɔ́ mbíꞋŋɡɔ pɔ́p kɑ́ pɔ́ ŋ́kɔŋ nɛpɛ́m ntɛ́ yi Sɛ́ lɔknɛ ŋ́ɡɛ pʉɔ pɔ́ ndʉ́ŋndʉŋ mbi yɛ́ pɔ́ mbɑ mbíꞋŋɡɔ pɔ́p lɔɔ pɔ wɔp sɛ̂ndúŋ. Pɔ́p kɑ́ pɛ́m sɛ̂ndúŋ ẅi Sɛ́ fúnɛ nǔu ŋɡɔ pʉɔ pɔ́ ndʉ́ŋndʉŋ mbi yɛ́ pɔ́.
Pɛkŋɛ fú nǔu yɔ nu ńjʉ́ɔ ŋɡɔ kʉ̈ɔ́? Pɛkŋɛ jʉ́ɔ ŋɡɔ tɛ mbɑ pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́ ŋkɑɑ ŋ́kɛ́ ḿbɔ́ ńdɔɔ shʉ́ nɛpɔ́ pʉɔ pi pɔ́p ndʉ́ŋndʉŋ mbi Sɛ́ pɔ́, shʉ́ kɑ cẅɛt mbɔ̌ pɔ́p. Ɛ́ pɔ́ pɑ́Ꞌ pɔ́p kɑ zɑ́pnɛ tʉ́m yɔ́p nǔu Kɛlístɔ, Sɛ́ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́,
ŋ́kɛ́ ŋ́ɡʉ nǔu Pɑíslɑyɛ̂l pi pɔ́p kɑ pɔ́ ńdɔɔ nɛfú pɔ nǔu nɛkúꞋlɛ nɛpʉ́ʉ-Mɔ̌sɛ̂ɛ ḿbɔ́ pʉɔ pi pɔ́p ndʉ́ŋndʉŋ mbi Sɛ́, mbɔ pɔ́p ŋkɑɑ kuꞋ, wɔ́p sɛ̂ndúŋ pɔ́p mɔ́p ncẅɛtnɛ ndɑ́ nɛpʉ́ʉ ŋkɑɑ kɛ́ ḿbuutɛ pɔ́.
Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.
