Pʉɔ-Lɔ́mɑ 1:26 - Kɑɑ Fí

²⁶ Ɛ́ yúu mi ɛ́ kɑ ɡɛnɛ Sɛ́ nɑ́ wɔ́p pɔ́p ɡɛ yúu mi kwɑŋɛ yɔ́p tʉ́ʉnɛ nǔu lɑ́ ɛ́ pɔ́ mɛnu mi ɛ́ níꞋnɛ sʉ́ʉ nǔu pɔ́p. Pɛzwɛ́ pɔ́p nɑ́ mbɛ́ɛnɛ ńtsʉ́Ꞌ ńdɔɔ pɔ pɛcɔ́ pɑŋɡɛ́ pɔ́p pɛpɔ́p nɔɔ, yîyɑ́ ntɛ́ nɛɡɛ mɛnu kɑ́ pɔ́ ntɛ́ yi Sɛ́ kɑ zɑ́pnɛ pɔ́.

Pʉɔ-Lɔ́mɑ 1:26 교차 참조

Pʉɔ-Lɔ́mɑ 1:24

Ɛ́ yúu mi ɛ́ kɑ ɡɛnɛ Sɛ́ nɑ́ wɔ́p pɔ́p ɡɛ mɛnu shẅɛt shẅɛtnɛ mi tʉ́m yɔ́p kɑ pɔ́ ńtsɑ́ɑ ńdɔk nɛɡɛ pɔ́Ꞌɔ, ɛ́shɔtnɛ ḿbʉ́ʉpɛ mɛmbʉʉ mɔ́p, ńdɔk ɛ́shɔtnɛ ńtɛ́m sʉ́ʉ nǔu pɔ́p.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

1 Kɔlɛ̂ŋtɛ 6:9

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

Ɛ́fɛ̂zɛ 4:19

Pɔ́p kɑ tsʉ́Ꞌmɔ́ pɑkɛ́ kɔ́sʉ́ʉ, ḿmɛꞋ mbʉʉ yɔp, ḿbɔ́ nǔu nu-mpfuꞋ, ḿbɔ́ ŋ́kẅiꞋ ŋ́ɡɛ mɛnu kɛpɔŋ ntɛ́ nɛ́ ntɛ́ kɛ́ ɡẅɛɛ mbʉʉ yɔp.

Ɛ́fɛ̂zɛ 5:12

Mɛnu mi pʉɔ ɛ̂pɑ́ ɡɛnɛ tsɛt nzɛ́nzʉ́ʉ, ɛ́ mɛnu sʉ́ʉ, ńzɛɛ ḿbɔɔ mi mbɔ ŋu kẅíi mbɑ kẅíinɛ pɔ́.

1 Tɛsɑlɔník 4:5

Tɛ ɑ pɔɔ pɛ́m kwɑŋɛ kɛpɔŋ ndǔmbí ɡúu pɑ́Ꞌ yi pʉɔ pi pɔ́p kɑ́ jí Sɛ́ pɔ́.

1 Timɔtɛ́ɛ 1:10

Pɛ́ kɑ tík nɛpʉ́ʉ mbíꞋ pʉɔ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbíꞋ mbɛ́ɛnɛ yi ɛ́ nɔŋnɛ pɛcɔ́, mbíꞋ pɑtɑ́ŋpuꞋ. Pɛ́ kɑ tík nɛpʉ́ʉ mbíꞋ ɡɑŋcɔtnu, mbíꞋ pɑjʉ́ ńjʉ́ɔ pi pɔ́p pɔ ɡɑŋcɔtnu. A kɑ tík nɛpʉ́ʉ mbíꞋ pʉɔ pi pɔ́p lɔɔnɛ shʉ́ ŋ́ɡɛ pɔ yúu mi ɛ́ kɑ́ pɔ́ ḿbuutɛ nǔu nu nɛ́nẅín yi pɛ́ zíꞋnɛ wɛkŋɛ pɔ́.

Jẅidɛ 1:10

Lɑ́ ŋ́ɡʉ nǔu pʉɔ pí pɔ́p sɔ́tɛ́nɛ ŋ́kúu tsɛtsɛt pʉʉ lɑ́, pɔ́p zɔɔtɛ yúu kɛ́ pɔ́ ńjí pɑ́Ꞌ ɛ́ pɔ́nɛ, ŋ́ɡʉ nǔu yi pɔ́p jínɛ nu nǔu ɛ́ mbɔ̌ pɔ́p ḿbɔ́ pɑ́Ꞌ nu-kɔ́Ꞌtú-nɑɑ ẅí jínu yɛ́ kɑ́ pɔ́ ɡú pɔ́, yúu mi pɔ́p jínɛ nǔu yɔ ntɛ́ ɡɛ pɔ́p fɑɑnɛ ndúŋ.

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.