Filɛmɔ̂ŋ 1:17 - Kɑɑ Fí

¹⁷ Ɛ́ lɑɑ ḿbɔ́ yi ɔ jí ŋɡɔ pûu nǔu tɑ́Ꞌ nu, ɔ kúkŋɛ wɛ́ pɑ́Ꞌ ɑ pɛ́Ꞌnɛ ḿbɔ́ mɔ, mbɔ ɔ kúkŋɛ wɑ́ɑ pɔ́Ꞌɔ,

Filɛmɔ̂ŋ 1:17 교차 참조

Mɑtʉ̈ɔ 10:40

Ŋu kúkŋɛ wʉ́ʉ, mbɔ ɑ kúkŋɛ pɔ wɑ́ɑ, ŋu pɛn ŋ́kúkŋɛ wɑ́ɑ, mbɔ ɑ kúkŋɛ pɔ ŋu ẅí ɑ kɑ túunɛ wɑ́ɑ.

Mɑtʉ̈ɔ 18:5

Ŋu lɑɑ ńdɔk lík yɑ́ɑ ŋ́kúkŋɛ mɔ́yúu mɔ́ɔ pɑ́Ꞌ wɔ lɑɑ, mbɔ ŋɡɑŋ kúkŋɛ pɔ wɑ́ɑ.»

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

ŊwɑꞋnɛ-Gɑŋntúu Yɛ́su Kɛlístɔ 16:15

Pɛ́ pɑ́ɑtɛ ńtɛmtɛ ńnuꞋ wɔ́p njẅɛtndɑ́ yɛ́ ŋki. A pɑ́ɑtɛ ŋ́ɡɔ ɛ́fúŋ wɛ́k njɛ́Ꞌ yɛ́ ńcú ŋɡɔ: «Pɛk lɑɑ ńjʉ́ɔ yɛ́k ŋɡɔ ɑ pɛ́m nu-Tsɑpʉɔ tɛ ɛ́sẅíi nu, pɛk tɔ́ ńtswɛ́ njɛ́Ꞌ yɛ́.» Ńcú pɔ́Ꞌɔ, ńtsʉ́ʉnɛ wɛ́k tsʉ́ʉnɛ́nɛ nɛpɛ́m.

2 Kɔlɛ̂ŋtɛ 8:23

Ɛ́ ɡʉ nǔu Titɛus, mbɔ ɑ ŋɡɑŋku wɑɑ, ɑ sɛ́ ńcẅɛ́lɛ wɑ́ɑ nǔu fɑꞋ yi ɛ fɑꞋnɛ mbíꞋ wʉ́ʉ, ŋ́ɡʉ nǔu pɔnɛ pɔ́ɔpɛ́mɑ́ pɛkŋɛ pɛ́pɑ́, mbɔ pɔ́p pʉɔ pi mɛcúꞋlɛ-pʉɔ-Kɛlístɔ kɑ túunɛ wɔ́p, pʉɔ pi yɔ́p fɑꞋ ŋ́kɑꞋ lík-Kɛlístɔ ŋ́ɡɑ́ tʉ́.

Ɛ́fɛ̂zɛ 3:6

Ntsɛm ɛ̂yɑ́ pʉ́ɔlɑɑ, ɛ́ fú nǔu Ŋkʉʉ Sʉ́Ꞌnɛ, pʉɔ pi pɔ́p kɑ́ pɔ́ pɑyúdɑ pɔ́, ɡẅɛɛ yɔ́p yúu nǔu yúu mi Sɛ́ kɑ kɑꞋnɛ mbɔ̌ pʉɔ pɛ́ pɑyúdɑ. Ḿbɔ́ mɛkɛm tɑ́Ꞌ mbɑp-mbʉʉ, ḿbɛn ŋ́ɡẅɛɛ yɔ́p nu nǔu yúu mi Sɛ́ kɑ fúnɛ nǔu Yɛ́su Kɛlístɔ ŋ́kɑꞋ mbɔ̌ pʉɔmɛsɔŋ.

Filipɛ 1:7

Ŋ ɡẅɛɛ nɛpɔ́ ŋ́kwɑŋɛ pɔ pɔ́Ꞌɔ nǔu pʉʉ, mbíꞋŋɡɔ n tsuŋ ŋ́kɔŋ wʉ́ʉ tɛ ḿmik tʉ́m yɑ́ɑ. MbíꞋŋɡɔ pʉʉ pɛtsʉʉ ɡẅɛɛ mbɔ́tnɛ nǔu yúu mi Sɛ́ kɑ lɔknɛ ŋ́ɡɑ́ fuꞋ yɑ́ɑ pɔ nɛ́ pɔŋtʉ́m yɛ́, tɛ mbɑ pɑ́Ꞌ mɔ ŋkɔ̂ɔnɛ ḿbɔ́ ndɑ́tsɑ́ŋ lɑɑ, mbɑ ŋkɑ́ yi mɔ sɛ́ ńnyɛt ŋɡɔ Ŋkʉʉ Sʉ́Ꞌnɛ ɛ́ nɛ́nẅín, mbɑ ŋkɑ́ yi mɔ sɛ́ ŋ́ɡɛ pʉɔ niitɛ ḿbɛ́m.

1 Timɔtɛ́ɛ 6:2

Ɛ́ ɡʉ nǔu pɛkwɑɑ pi pʉɔ pɔ́p ɡẅɛɛnɛ wɔ́p pʉɔ-Kɛlístɔ pɔ́p pɑ́ɑ nɛkwɑŋɛ ŋɡɔ pɑ́Ꞌ pɔ́p pɛpɔ́p pɔ́ɔpɛ́mɑ́ lɑ́ ŋ́ɡwɑ́k wɔ́p. Tɛ ńtsʉ́Ꞌ pɔ́Ꞌɔ, pɔ́p fɑꞋ fɑꞋ yɔ́p ɛ́ pɔŋ ńdɛɛ pɑ́Ꞌ pɔ́p kɑ zɛɛ ḿbɔ́ ɛ́fɑꞋ, mbíꞋŋɡɔ pʉɔ pi pɔ́p fɑꞋnɛ mbɔ̌ pɔ́p zɑ́p tʉ́m nǔu Kɛlístɔ Sɛ́ kɔŋ wɔ́p pɔ́p pɔ́ ńjʉ́ pii-fɑꞋ-pɛkwɑɑ pɔ́p. Yúu mi ɔ ɡʉ ḿbɔ́ ńzíꞋ pʉɔ, ɛ́ pɛn ḿbɔ́ ńníꞋ mɛtʉʉ mɔ́p nɛɡɛ pɔ́Ꞌɔ, pʉ́ɔ lɑɑ:

Filɛmɔ̂ŋ 1:10

Mɔ sɛ́ ḿbúꞋ mbɔ́ mbɔ̌ ɡu nǔu tú-Ɔnɛsimɛ, ɑ tsʉ́Ꞌ mɔ́ɔ wɑɑ nǔu nu-Yɛ́su ndɑ́tsɑ́ŋ.

Filɛmɔ̂ŋ 1:12

N túu wɛ́ ŋɡɔ ɑ pɛn nzʉʉ ńtsɛ́t wú. A pɑ́Ꞌɑ ḿbɔ́ tʉ́m yɑ́ɑ.

Filɛmɔ̂ŋ 1:18

ḿbɔ́ yi ɑ kɑ pʉ́ʉpɛ yɛcɔ́ yúu mbɔ̌ ɡu, kɛ ɔ sɛ́ ŋ́kɑ́ pɔ yɛcɔ́ yúu mbɔ̌ wɛ́ ɔɔ, ɔ nɑ́ ŋ ɡɛ ńtú mbɔ̌ ɡu.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

1 Jɑ̂ŋ 1:3

Yúu mi pɛk kɑ jʉ́ɔnɛ ḿbɛn ńzúꞋ, ɛ́ yîyɑ́ yi pɛk sẅíinɛ wʉ́ʉ ɡúu, ńjí ŋɡɔ pʉʉ ɡʉ tɛmtɛ nǔu pɛk, pɛkŋɛ pɛtsʉʉ tɛmtɛ nǔu Tɑ̌ɑ mbɑ nǔu Mɔ́ɔ nɛ Yɛ́su Kɛlístɔ.